سارسەنبى, 22 قىركۇيەك 2021
بيلىك 2018 1 پىكىر 25 شىلدە, 2021 ساعات 11:05

بۇگىن قازاقستاندا اۋىل اكىمدەرىنىڭ سايلاۋى باستالدى

بۇگىن قازاقستاندا اۋداندىق ماڭىزى بار قالالار، اۋىل مەن كەنتتەر جانە اۋىلدىق وكرۋگتەردىڭ اكىمدەرىن سايلاۋى باستالدى.

وسى جازدىڭ ەڭ ماڭىزدى ساياسي وقيعاسى ەل اۋماعىندا تاڭعى 7-دە باستالدى.

كانديداتتاردى رەسمي تىركەۋ شىلدەنىڭ 14-ىندە اياقتالدى. ال كەشە «تىنىشتىق كۇنى» بولدى. ياعني ەلدە قانداي دا ءبىر سايلاۋالدى ۇگىت-ناسيحات جۇرگىزۋگە تىيىم سالىندى.

جالپى بۇگىنگى سايلاۋعا قاتىسۋ ءۇشىن باس-اياعى 2582 ۇمىتكەر ۇسىنىلعانىن ايتىپ كەتۋ كەرەك. ولاردىڭ 89 پروتسەنتكە جۋىعى تىركەۋدەن ءوتتى.

رەسمي دەرەكتەرگە ساي، سايلاۋعا ساياسي پارتيالار 878 ادامدى، ال قالعانى ءوزىن ءوزى ۇسىنىپ وتىر. ولاردىڭ اراسىنان حالىق 775 اكىمدى تاڭداۋى ءتيىس. تىركەلگەن كانديداتتاردىڭ 84 پايىزى – ەر ازاماتتار، قالعانى – ايەلدەر. ولاردىڭ ورتاشا جاسى قىرىقتا. جالپىعا ورتاق تالاپ بويىنشا ۇمىتكەر 25 جاسقا تولۋى كەرەك.

Abai.kz

1 پىكىر