جۇما, 27 قاراشا 2020
COVID-19 قازاقستاندا. جۇقتىرعاندار — 129213. جازىلعاندار — 115384. قايتىس بولعاندار — 1990
جاڭالىقتار 1738 0 پىكىر 29 مامىر, 2012 ساعات 07:47

«پوليتسەيلەر ءىسى»: سوت اياقتالدى، سۇراقتار ازايعان جوق...

حالىقارالىق «جاڭاوزەن-2011» كوميتەتى مۇشەلەرىنىڭ حابارلاۋىنشا، 2011 جىلدىڭ 16 جەلتوقسانى كۇنى جاڭاوزەن قالاسىنىڭ ورتالىق الاڭىندا جينالعان ادامدارعا وق اتقان پوليتسەيلەردىڭ ۇستىنەن قوزعالعان قىلمىستىق ءىس بويىنشا اقتاۋ قالاسىندا بۇگىن، 28-مامىر كۇنى اياقتالعان سوت پروتسەسىندە ۇكىم شىعارىلعان.

سۋديا گۇلمارجان ءادىلسۇلتاني جاريالاعان ۇكىمگە سايكەس، وتەعاليەۆ - 7 جىلعا، باعداباەۆ، باقىتقاليۇلى، جولدىباەۆ - 6 جىلعا، ەسبەرگەنوۆ - 5 جىلعا باس بوستاندىعىنان ايىرىلىپ، بارلىعى دا جازالارىن جالپى رەجيمدى كولونيادا وتەيتىن بولىپ، بارلىعىنىڭ دا دۇنيە-مۇلكى تاركىلەنەتىن بولىپ، بارلىعى دا جازالارىن وتەپ شىققان سوڭ 5 جىل بويى مەملەكەتتىك جانە قۇقىق قورعاۋ ورگاندارىندا باسشىلىق قىزمەتتە بولۋ قۇقىعىنان ايىرىلاتىن بولعان.

ەندى  اقتاۋداعى سوت پروتسەستەرىنە ءاۋ باستان قاتىسىپ كەلە جاتقان ءبىزدىڭ كوميتەت مۇشەسى ماكس بوقاەۆقا ءسوز بەرەلىك:

حالىقارالىق «جاڭاوزەن-2011» كوميتەتى مۇشەلەرىنىڭ حابارلاۋىنشا، 2011 جىلدىڭ 16 جەلتوقسانى كۇنى جاڭاوزەن قالاسىنىڭ ورتالىق الاڭىندا جينالعان ادامدارعا وق اتقان پوليتسەيلەردىڭ ۇستىنەن قوزعالعان قىلمىستىق ءىس بويىنشا اقتاۋ قالاسىندا بۇگىن، 28-مامىر كۇنى اياقتالعان سوت پروتسەسىندە ۇكىم شىعارىلعان.

سۋديا گۇلمارجان ءادىلسۇلتاني جاريالاعان ۇكىمگە سايكەس، وتەعاليەۆ - 7 جىلعا، باعداباەۆ، باقىتقاليۇلى، جولدىباەۆ - 6 جىلعا، ەسبەرگەنوۆ - 5 جىلعا باس بوستاندىعىنان ايىرىلىپ، بارلىعى دا جازالارىن جالپى رەجيمدى كولونيادا وتەيتىن بولىپ، بارلىعىنىڭ دا دۇنيە-مۇلكى تاركىلەنەتىن بولىپ، بارلىعى دا جازالارىن وتەپ شىققان سوڭ 5 جىل بويى مەملەكەتتىك جانە قۇقىق قورعاۋ ورگاندارىندا باسشىلىق قىزمەتتە بولۋ قۇقىعىنان ايىرىلاتىن بولعان.

ەندى  اقتاۋداعى سوت پروتسەستەرىنە ءاۋ باستان قاتىسىپ كەلە جاتقان ءبىزدىڭ كوميتەت مۇشەسى ماكس بوقاەۆقا ءسوز بەرەلىك:

- سۋديا ۇكىمدى ۇزاق وقىدى. ول سوتتالعانداردىڭ ءوز كىنالارىن مويىنداماعاندىعىن، بىراق ولاردىڭ كىنالارى تولىق دالەلدەنگەندىگىن ايتتى. جانە سۋديا سوتتالعانداردى تۋرا سوت زالىندا كۇزەتكە الۋ جونىندە نۇسقاۋ بەرگەنىمەن، كونۆويشىلار ولارعا قول كىسەن سالعان جوق. ال جۋىردا سوتتالعان ءتورت شەتپەلىك ازامات بولسا، سوت زالىنا قولدارىنا «بىلەزىك» سالۋلى كىرىپ، ۇكىم جاريالانعان سوڭ «بىلەزىكپەن» شىعارىلعان بولاتىن. وسىعان وراي ماعان ادۆوكاتتاردىڭ ءبىرى: «قارعا قارعانىڭ كوزىن شۇقىمايدى»، - دەپ ءوز پىكىرىن ءبىلدىردى. سونداي-اق، بار بولعانى جاڭاوزەندەگى اتىستى توقتاتۋدى تالاپ ەتكەندىگى ءۇشىن عانا «قىلمىستى» بولعان شەتپەلىكتەر مەن حالىققا قارسى وق اتىپ، قانشاما ادامنىڭ ءومىرىن قيعان پوليتسەيلەردىڭ مەرزىمدەر جاعىنان ۇقساس جازا العاندىعى دا ەرىكسىز ويلاندىرادى. ياعني، سوت اياقتالعانمەن، سۇراقتار ازايعان جوق...

 

ساربوپەەۆتىڭ ۇستىنەن سوت پروتسەسى باستالدى...

اقتاۋداعى سوت جاڭالىقتارى قاتارىندا وسىدان ءۇش كۇن بۇرىن, ياعني, 25-مامىر كۇنى جاڭاوزەن قالاسىنىڭ بۇرىنعى اكىمى وراق ساربوپەەۆتىڭ ۇستىنەن دە ماڭعىستاۋ وبلىستىق قىلمىستىق ىستەر جونىندەگى مامانداندىرىلعان اۋدانارالىق سوتىندا پروتسەسc باستالعاندىعىن قۇلاعدار ەتە كەتەلىك.

وعان «پارا الدى» (قىلمىستىق كودەكستىڭ 311-بابى), «قىزمەتتىك وكىلەتىن اسىرا پايدالاندى (307-باپ), «قىلمىسقا دايىندالدى جانە قىلمىس جاساۋعا وقتالدى» (24-باپ) دەگەن ايىپتار تاعىلعان.

جاسارال قۋانىشالين،

حالىقارالىق «جاڭاوزەن-2011» كوميتەتىنىڭ

اقپاراتتىق توپ جەتەكشىسى.

الماتى قالاسى،

2012 جىلدىڭ 28-مامىرى

«اباي-اقپارات»

0 پىكىر