بەيسەنبى, 28 ناۋرىز 2024
سايلاۋ 4685 5 پىكىر 22 شىلدە, 2021 ساعات 16:58

پرەزيدەنت پەن قازاقستان حالقىنا ۇندەۋ

الداعى ۋاقىتتا اۋداندىق ماڭىزى بار قالالاردىڭ، اۋىلداردىڭ، كەنتتەردىڭ، اۋىلدىق وكرۋگتەردىڭ اكىمدەرىن تىكەلەي سايلاۋعا، سونداي-اق قازاقستان رەسپۋبليكاسىنىڭ ۇلتتىق ەكونوميكا مينيسترلىگى تاراپىنان تالقىلاۋعا ۇسىنىلعان قازاقستان رەسپۋبليكاسىندا 2030 جىلعا دەيىنگى جەرگىلىكتى ءوزىن-ءوزى باسقارۋدى دامىتۋ تۇجىرىمداماسىنا بايلانىستى، اكىم بولۋعا ۇمىتكەر ازاماتتارعا، پرەزيدەنتكە، قازاقستان حالقىنا

ۇندەۋ

جەرگىلىكتى باسقارۋ ءتيىمدى تۇردە جۇرگىزىلەتىن بولسا، مەملەكەتتىڭ تۇراقتى دامۋىنىڭ نەگىزى بولادى. ءوزىن-ءوزى باسقارۋ دۇرىس ۇيىمداستىرىلعان جاعدايدا ادامداردىڭ قاجەتتىلىكتەرى مەن تالاپتارىنا جەدەل كەرى رەاكتسيا بەرۋدى، ازاماتتاردىڭ ەلدىڭ بولاشاعىن قۇرۋعا قاتىسۋىن، سونداي-اق بيۋدجەت شىعىندارىنىڭ اشىقتىعىن جانە ولاردىڭ ازاماتتاردىڭ ناقتى قاجەتتىلىكتەرىن شەشۋگە باعىتتالۋىن قامتاماسىز ەتەدى.

ۇسىنىلىپ وتىرعان «2030 جىلعا دەيىنگى جەرگىلىكتى ءوزىن-ءوزى باسقارۋدى دامىتۋ» تۇجىرىمداماسى ءوزىن-ءوزى باسقارۋدى قالاي ۇيىمداستىرۋعا بولاتىنىنا تولىق جاۋاپ بەرمەيدى. ونى جۇزەگە اسىرۋدىڭ ناقتى شارالارى مەن ناقتى قاعيدالارىنىڭ ورنىنا ىسكە اسىرۋ مەحانيزمى بولاشاقتا جاسالاتىن جالپى كوزقاراستار عانا بەرىلگەن.

بيىل وتكىزىلەتىن تىكەلەي اكىمدى سايلاۋ پروتسەس مەرزىمىنەن بۇرىن ەرتە جاسالىپ جاتقان شارا دەپ سانايمىز، سەبەبى اكىمدەردى سايلاماس بۇرىن جەرگىلىكتى ءوزىن-ءوزى باسقارۋ جۇمىسىنىڭ قۇقىقتىق نورمالارى انىقتالۋى، مەملەكەتتىك جانە جەرگىلىكتى باسقارۋ ورگاندارى اراسىنداعى وكىلەتتىكتەر مەن مىندەتتەردىڭ ءبولىستىرىلۋى، بارلىق دەڭگەيدەگى بيۋدجەتتى قالىپتاستىرۋ جۇيەسى جاسلاۋى ءتيىس، ايتپەسە سايلاۋ ناۋقانى تەك كەرى اسەر بەرەدى. سايلانعان اكىمدەردىڭ قولىندا ءتيىستى بيلىگى جانە قارجىسى بولماۋى ىقتيمال، ال رەفورما ناتيجەسى ءۇشىن حالىق الدىنداعى جاۋاپكەرشىلىك ولاردىڭ موينىندا بولادى. بۇل جاعدايدا اكىم بولۋعا تەك بيۋدجەتتەن ءوز ۇلەسىن العىسى كەلىپ وتىرعان، ياعني تەك ءوز قامىن ويلاعان ۇمىتكەر ۇمتىلادى. بىردە-ءبىر كاسىبي مەنەدجەر جۇمىس ىستەۋ شارتتارى بەلگىسىز جوباعا قاتىسپايدى.

ءبىز، قازاقستان رەسپۋبليكاسىنىڭ قوعامىنداعى بەلسەندى ازاماتتارى، كەلەسىدەي مالىمدەمە جاسايمىز:

قۇرمەتتى پرەزيدەنت!

ءبىز ۇلتتىق ەكونوميكا مينيسترلىگى ۇسىنعان تۇجىرىمدامانىڭ نۇسقاسىن قاراۋ جانە بەكىتۋدى توقتاتۋ جانە ونى قايتا قاراۋعا جىبەرۋ، سونداي-اق مەملەكەتتىك جانە جەرگىلىكتى ءوزىن-ءوزى باسقارۋدىڭ وكىلەتتىكتەرى مەن مىندەتتەرى ناقتى كورسەتىلگەن قاعيدالار بەكىتىلگەنگە دەيىن جانە ناقتى ەرەجەلەر قابىلدانعانعا دەيىن تالاپ ەتەمىز!

قۇرمەتتى اكىم بولۋعا ۇمىتكەر ازاماتتار!

قازىرگى بەلگىسىز جاعدايدا ءسىزدىڭ وكىلەتتىكتەرىڭىز بەن قارجىلىق رەسۋرستارىڭىز شەكتەۋلى بولادى، ال ۇكىمەت پەن مەملەكەتتىڭ ءىس-ارەكەتى ءۇشىن جاۋاپكەرشىلىك تولىعىمەن ءسىزدىڭ موينىڭىزدا بولاتىنىن ەسكەرتەمىز!

قۇرمەتتى قازاقستان رەسپۋبليكاسىنىڭ ازاماتتارى!

سىزدەردى جەرگىلىكتى ءوزىن-ءوزى باسقارۋ رەفورماسىن تالقىلاۋعا جانە ونى ىسكە اسىرۋعا بەلسەندى قاتىسۋعا شاقىرامىز!

قۇرمەتتى ۇكىمەت!

جەرگىلىكتى ءوزىن-ءوزى باسقارۋ تۋرالى تۇجىرىمدامانى جانە زاڭنامانى ازىرلەۋ جونىندەگى جۇمىس توبىنا ساراپشىلاردى - ازاماتتىق قوعام وكىلدەرىن، ونىڭ ىشىندە ءبىزدىڭ قاتارىمىزدان دا ساراپشىلاردى ەنگىزۋىڭىزدى تالاپ ەتەمiز!

ءبىز جەرگىلىكتى ءوزىن-ءوزى باسقارۋدى رەفورمالاۋ تۋرالى ءوز تۇجىرىمدامامىزدى دايىنداۋعا مىندەتتەنەمىز جانە قازاقستان حالقىنا عىلىمي تۇردە نەگىزدەلگەن جەرگىلىكتى ءوزىن-ءوزى باسقارۋ جۇيەسىنىڭ قۇرىلىمىن ۇسىنىپ، ونى قوعامدىق تالقىلاۋعا ۇسىنۋعا دايىنبىز!

جەرگىلىكتى ءوزىن-ءوزى باسقارۋ – ەلىمىزدىڭ ءاربىر ءوڭىرىنىڭ جانە تۇتاستاي وتانىمىزدىڭ وركەندەۋىنىڭ كەپىلى! وسى ءىستى ءوز قولىمىزعا الايىق!

«ءوزiڭ ءوزi باسقارۋدىڭ دامۋى» قوعامدىق جۇمىس توبى:

زاۋرەش باتتالوۆا، اسەت ناۋرىزباەۆ، الەكساندر پەرەگرين، ساكەن ماحامبەتوۆ، دانيار قۋانشاليەۆ، نۇريا اشيروۆا، قارلىعاش ەجەنوۆا، پەتر سۆويك، اجار دجاندوسوۆا، فاتيما دجاندوسوۆا، ەرمۇرات باپي.

«HAQ» ازاماتتىق قوزعالىس توبى:

توعجان قوجاليەۆا، راحيمبەك ابدراحمانوۆ، ەركiن ابدراحمانوۆ، باتىر ادايباەۆ، پاراسات دەمەگەن، اياكوز حانەتوۆا، بولات جۇماتاەۆ، الkبەك جاقسىلىكوۆ، ازامات شالعامبەتوۆ، جانات كاميەۆ، امانتاي ايسۇلتانۇلى، تولەگەن قازبەكوۆ، مانار قاليەۆ، تالعات قۇرمانعاليەۆ.

Abai.kz

5 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3530