جەكسەنبى, 26 قىركۇيەك 2021
بيلىك 2583 12 پىكىر 19 شىلدە, 2021 ساعات 16:03

توقاەۆ: جاعداي وتە كۇردەلى

مەملەكەت باسشىسى قاسىم-جومارت توقاەۆتىڭ قاتىسۋىمەن ەلىمىزدەگى كوروناۆيرۋس ىندەتىنە بايلانىستى ەپيدەميولوگيالىق احۋال جونىندە كەڭەس ءوتىپ جاتىر. بۇل تۋرالى tengrinews.kzكە سىلتەمە جاساپ، Abai.kz حابارلايدى. 

"سوڭعى كەزدە كوروناۆيرۋس جۇقتىرعانداردىڭ سانى كۇرت ارتىپ كەتتى. كۇن سايىن 5 مىڭنان استام ناۋقاس تىركەلۋدە. ءبىر اپتا بۇرىن وسى ماسەلەنى ۇكىمەتتىڭ كەڭەيتىلگەن وتىرىسىندا قاراستىردىق. سول كەزدە ۇكىمەت احۋالدى باقىلاۋدا ۇستاپ وتىرمىز دەپ مالىمدەگەن بولاتىن.

بىراق، وكىنىشكە قاراي، جاعداي جاقساراتىن ەمەس. كەرىسىنشە، ەپيدەميولوگيالىق احۋال ناشارلاپ بارادى. اسىرەسە، ەلورداداعى جاعداي وتە كۇردەلى", - دەدى توقاەۆ كەڭەستە.

مەملەكەت باسشىسى وڭىرلەردىڭ باسىم بولىگى قىزىل ايماقتا ەكەنىن، اۋىر جانە اسا اۋىر جاعدايداعى ناۋقاستاردىڭ سانى كۇن سايىن كوبەيىپ بارا جاتقانىن ايتتى.

"ەڭ وكىنىشتىسى، ازاماتتارىمىزدان ايىرىلىپ جاتىرمىز. سوندىقتان شۇعىل تۇردە ءىس-شارالاردى قولدانۋىمىز كەرەك. ءتيىستى جۇمىس جوسپارىن دايىنداپ، ونى مىندەتتى تۇردە ىسكە اسىرۋىمىز قاجەت", - دەدى پرەزيدەنت.

جيىنعا پرەمەر-مينيستر، ۆەدومستۆولاردىڭ باسشىلارى، قالالار مەن وبلىستاردىڭ اكىمدەرى قاتىسىپ وتىر.

Abai.kz

12 پىكىر