جۇما, 29 ناۋرىز 2024
46 - ءسوز 8984 14 پىكىر 19 شىلدە, 2021 ساعات 15:58

ءبىزدى قازاق قىلماي وتىرعان وسىنداي انالار

كوممۋنيستەر قازاقتى قۇرتۋ ءۇشىن تۇزدەگى ەركەككە ءتىسى باتپاعاسىن الدىمەن ۇيدە بالا كۇتىمىندە وتىرعان ايەلدى "بۇزعان" عوي.

اقتاۋدىڭ جاڭادان بوي كوتەرگەن، كىلەڭ قازاقتار شوعىرلانعان ءبىر شاعىن اۋدانىندا ءجۇر ەدىم. ءبىر كەزدە الدىمنان تىم جاقسى، جاپ-جاس ەكى كەلىنشەك شىعىپ، بالالارىن جەتەكتەپ، قازاقشا ساپىرىپ كەلە جاتتى. قازاقشا ساپىرىپ كەلەدى. كەنەت مەن قاستارىنان جاقىنداپ وتە بەرگەنىمدە دەرەۋ بالالارىمەن ورىسشا سويلەسە جونەلدى. لەزدە اياق استىنان وزگەرىپ كەتكەن ورىس ءتىلىن ءتۇسىنىپ (تۇسىنگىسى كەلىپ) تۇرعانى دا شامالى ەكەنى بالالاردىڭ تۇرلەرىنەن كورىنىپ تۇردى. شەشەلەرىنىڭ بۇلاي قۇبىلا سالعاندارىن تۇسىنە الماي ولار دا اڭ-تاڭ، ال مەنىڭ بۇل كورىنىسكە ىشتەي جىنىم كەلدى.

ءدال سول ساتتە كوشەدە مەنەن باسقا ەشكىم بولعان جوق. سوندا انا ەكى قازاق كەلىنشەك مەن ءۇشىن تىراشتانعانى ما؟ ورىس بولسام ءبىر ءجون. ءتىپتى ورىس بولعاننىڭ وزىندە دە نە ءۇشىن وسىلاي قيپاقتايدى ەكەن بايعۇستار؟ ونىمەن ماعان نە دالەلدەگىسى كەلدى ەكەن؟

اي، قۇلدىق پسيحولوگيا بويلارىنا ءوتىپ كەتكەن. ازىرگە ءبىزدى قازاق قىلماي وتىرعان وسىنداي انالار. سولار بالانىڭ بولاشاعىنا بالتا شاۋىپ جۇرگەندەرىن جانە وزدەرىنىڭ ۇلت الدىنداعى جاۋاپكەرشىلىكتەرىن تۇسىنە مە ەكەن؟ ايتپاقشى، كۇيەۋلەرى قاتىندارىنىڭ وسىنداي ساتقىندىق ءىس-ارەكەتتەرىنە نە دەيدى ەكەن جالپى؟ سول قىزىق...

داستان مىرزا

Abai.kz

14 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1574
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3576