دۇيسەنبى, 20 قىركۇيەك 2021
بيلىك 3195 5 پىكىر 17 شىلدە, 2021 ساعات 14:59

«ۆاكتسينا پاسپورتىن ساتىپ الۋ – رەانيماتسياعا «جولداما» ساتىپ الۋمەن بىردەي»

بۇل تۋرالى ورتالىق كوممۋنيكاتسيالار قىزمەتىنىڭ الاڭىندا وتكەن ءباسپاسوز ءماسليحاتىندا قر دسم سانيتاريالىق-ەپيدەميولوگيالىق باقىلاۋ كوميتەتىنىڭ توراعاسى ايجان ەسماعامبەتوۆا ايتتى. ۆەدومستۆو باسشىسى ادامداردى ءوز ومىرلەرىنە بالتا شاپپاۋدى ەسكەرتتى.

ونىڭ ايتۋىنشا، ۆاكتسينا سالدىرعان ادام ۆيرۋس جۇقتىرىپ العان كۇننىڭ وزىندە ەكپە الماعان ناۋقاستارعا قاراعاندا كوپ جاعدايدا اۋرۋدى جەڭىل وتكىزەدى. ال زاڭنامانى بۇزىپ، قۇجات ساتىپ الۋ – ءوزىڭنىڭ عانا ەمەس، اينالاڭداعىلاردىڭ دەنساۋلىعىنا دا قاۋىپ ءتوندىرۋ ەكەندىگىن العا تارتتى.

- جالعان ۆاكتسيناتسيالاۋ قۇجاتىن جاساتىپ، ساتىپ الۋ – ەڭ از دەگەندە رەانيماتسياعا جولداما الۋمەن بىردەي دەپ ايتار ەدىم. سوندىقتان مەملەكەت تەگىن قورعانۋعا مۇمكىندىك بەرىپ وتىرعان كەزدە، جالعان قۇجاتقا اقشاڭىزدى جۇمسايتىن بولساڭىز، ءوز قولىڭىزبەن اۋىرۋعا بيلەت ساتىپ الىپ جاتىرمىن دەپ ەسەپتەي بەرىڭىز، - دەدى ايجان ەسماعامبەتوۆا.

سونداي-اق ۆەدومستۆو باسشىسى دەنساۋلىعىڭىزعا زيان كەلتىرىپ قانا قويماي، جالعان قۇجات جاساتقانىڭىز ءۇشىن زاڭ الدىندا جاۋاپ بەرۋگە تۋرا كەلەتىندىگىن ەسكەرتتى. سول ءۇشىن ۆاكتسيناتسيالاۋ قۇجاتىن ساتىپ الۋعا شەشىم قابىلداماس بۇرىن دۇرىستاپ ويلانۋعا شاقىردى.

بۇعان دەيىن قازاقستاندا پاندەميا جاعدايىندا توي-تومالاق، وزگە دە بۇقارالىق جيىنداردى وتكىزۋگە رۇقسات جوقتىعىن جازعان بولاتىنبىز.

Abai.kz

5 پىكىر