جۇما, 29 ناۋرىز 2024
جاڭالىقتار 3152 0 پىكىر 25 مامىر, 2012 ساعات 12:13

26 جاستاعى باتىر انا باسپانالى بولسام دەپ ارماندايدى

وتكەن اپتادا حالىقارالىق وتباسى كۇنىنە وراي قىزىلوردا قالاسىنىڭ اكىمى مارحابات جايىمبەتوۆ قالاداعى كوپ بالالى 15 انانى التىن جانە كۇمىس القامەن ماراپاتتاعان بولاتىن. ونىڭ اراسىندا 26 جاستاعى كوپبالالى انا ءنازيرا سابىراليەۆا كوپتىڭ نازارىن وزىنە اۋدارىپ، ريزاشىلىعىنا بولەندى. جەتى بالانى دۇنيەگە اكەلىپ، ءوسىرىپ وتىرعان باتىر اناعا قالا اكىمى كۇمىس القا تابىس ەتتى.

جاس تا بولسا التىن قۇرساقتى انا اتانعان ءنازيرا 1986 جىلى تاراز قالاسىندا دۇنيەگە كەلىپتى. ءوزى ءتورت اعايىندى. ياعني 2 ۇل، 2 قىز. ءنازيرا شاڭىراعىنىڭ كەنجە دە، ەركە قىزى ەكەن. تالشىبىقتاي بۇرالىپ بويجەتكەن ول تاعدىردىڭ جازۋىمەن قىزىلوردالىق سامات ايازبايمەن تانىسىپ، تۇرمىس قۇرادى.

2000 جىلدان باستاپ قىزىلوردا قالاسىندا تۇراتىن جاس جانۇيانىڭ العا قويعان ماقساتتارى اسقاق بولاتىن. ءنازيرا ءبىلىمىن شىڭداپ، ماماندىعى بويىنشا ءوز ءىسىنىڭ بىلىكتى مامانى بولۋدى كوزدەيدى. وسى ماقساتتا وبلىس ورتالىعىنداعى "وركەنيەت" پەداگوگيكالىق كوللەدجىنە باستاۋىش سىنىپ مۇعالىمى ماماندىعى بويىنشا وقۋعا ءتۇسىپتى. ءالى دە جوعارى ءبىلىمىن شىڭداپ جۇرگەن ول بيىل وسى وقۋ ورنىندا 2-كۋرستا وقۋدا.

جولداسى سامات ايازباي وتباسىندا بەس اعايىندى. بۇگىندە جالدامالى كولىگىمەن حالىقتى تاسىمالدايدى. اعىل-تەگىل تابىس بولماعانىمەن، كۇنكورىس قامىن كۇيتتەپ وتىرعان جايى بار. باتىر انا سوعان دا شۇكىرشىلىك ەتەدى.

وتكەن اپتادا حالىقارالىق وتباسى كۇنىنە وراي قىزىلوردا قالاسىنىڭ اكىمى مارحابات جايىمبەتوۆ قالاداعى كوپ بالالى 15 انانى التىن جانە كۇمىس القامەن ماراپاتتاعان بولاتىن. ونىڭ اراسىندا 26 جاستاعى كوپبالالى انا ءنازيرا سابىراليەۆا كوپتىڭ نازارىن وزىنە اۋدارىپ، ريزاشىلىعىنا بولەندى. جەتى بالانى دۇنيەگە اكەلىپ، ءوسىرىپ وتىرعان باتىر اناعا قالا اكىمى كۇمىس القا تابىس ەتتى.

جاس تا بولسا التىن قۇرساقتى انا اتانعان ءنازيرا 1986 جىلى تاراز قالاسىندا دۇنيەگە كەلىپتى. ءوزى ءتورت اعايىندى. ياعني 2 ۇل، 2 قىز. ءنازيرا شاڭىراعىنىڭ كەنجە دە، ەركە قىزى ەكەن. تالشىبىقتاي بۇرالىپ بويجەتكەن ول تاعدىردىڭ جازۋىمەن قىزىلوردالىق سامات ايازبايمەن تانىسىپ، تۇرمىس قۇرادى.

2000 جىلدان باستاپ قىزىلوردا قالاسىندا تۇراتىن جاس جانۇيانىڭ العا قويعان ماقساتتارى اسقاق بولاتىن. ءنازيرا ءبىلىمىن شىڭداپ، ماماندىعى بويىنشا ءوز ءىسىنىڭ بىلىكتى مامانى بولۋدى كوزدەيدى. وسى ماقساتتا وبلىس ورتالىعىنداعى "وركەنيەت" پەداگوگيكالىق كوللەدجىنە باستاۋىش سىنىپ مۇعالىمى ماماندىعى بويىنشا وقۋعا ءتۇسىپتى. ءالى دە جوعارى ءبىلىمىن شىڭداپ جۇرگەن ول بيىل وسى وقۋ ورنىندا 2-كۋرستا وقۋدا.

جولداسى سامات ايازباي وتباسىندا بەس اعايىندى. بۇگىندە جالدامالى كولىگىمەن حالىقتى تاسىمالدايدى. اعىل-تەگىل تابىس بولماعانىمەن، كۇنكورىس قامىن كۇيتتەپ وتىرعان جايى بار. باتىر انا سوعان دا شۇكىرشىلىك ەتەدى.

باقىتتى جانۇياداعى جەتى ءبۇلدىرشىننىڭ تورتەۋى قىز، ۇشەۋى ۇل بالا. ونىڭ ەڭ ۇلكەنى 5-سىنىپتا وقىسا، كەنجەسى بەس ايلىق. بالاپاندارىنا ءتالىمدى تاربيە بەرىپ وتىرعان جاس ەرلى-زايىپتىلار ەشبىرىنىڭ قاتارىنان كەم بولماعانىن قالايدى. تاعدىردىڭ سىيىنا بولەنىپ، وسىنداي باقىتقا كەنەلگەن  جاس انا ءوزىن باقىتتى جانمىن دەپ سانايدى.

سامات پەن ءنازيرا اناسىمەن ءبىر شاڭىراقتا تۇرادى. اناسى كوپ جىلدار بويى اۋرۋحانادا پسيحولوگ بولىپ قىزمەت جاساعان. بۇگىندە زەينەت جاسىندا.  ومىرلىك سەرىگى باقيلىق بولعان قارت اجە ۇلى ساماتتان جەتى نەمەرە ءسۇيۋدى ءناسىپ ەتكەن تاڭىرگە شۇكىرشىلىك ەتەدى. كەلىنى ساباعىنا، بالاسى جۇمىسىنا كەتكەندە جەتى نەمەرەسىنە باس-كوز بولىپ، اجەلىك تاربيەسىنە باۋلىپ وتىرادى.

- قۇدايعا شۇكىر، سامات ۇلىمنان جەتى نەمەرە سۇيگەنىمە ءوزىمدى باقىتتى سانايمىن، - دەيدى بىزبەن اڭگىمەسىندە قارت اجە تولقىنىسىن جاسىرا الماي. - ۇلىم مەن كەلىنىم ءبىر-بىرىنە ادال، مەيىرىمدى. كۇنكورىسىمىز دە جامان ەمەس. بىرەۋدەن ىلگەرى، بىرەۋدەن كەيىن دەگەندەي، تۇرمىس كەشىپ جاتقان جايىمىز بار. باستى ارمانىم، ۇلىم مەن كەلىنىم بالاپاندارىنىڭ قىزىعىنا بولەنىپ، تۇرمىستا تارشىلىق كورمەسىن.

2014 جىلى وقۋىن ءتامامدايتىن ءنازيرانىڭ العا قويعان ماقساتى اسقاق.  ودان ارى قاراي ءوز ماماندىعى بويىنشا جۇمىسقا ورنالاسۋدى كوزدەيدى. ءبىلىمدى شاكىرت تاربيەلەپ، ۇلاعاتتى ۇستاز بولسام دەيدى.

باقىتتى جانۇيانىڭ كوپ جىلدان بەرى كوكسەگەن ارمانى دا جوق ەمەس. وسى جايىندا: "الداعى ۋاقىتتا مەملەكەتتەن قانداي قولداۋ كۇتەسىزدەر؟" - دەگەن ساۋالىمىزعا: "جەكە ءۇيىمىز بولعانىن ارماندايمىز" - دەپ جاۋاپ بەردى.

قارت اناسى مەن جەتى ءسابيىن باعىپ-قاعىپ وتىرعان ەرلى-زايىپتىلاردىڭ باسىندا باسپاناسى بولماي، قيىندىق كورىپ كەلەدى ەكەن. بۇگىندە ءتورت بولمەلى جەر تامدا ۋاقىتشا تۇرىپ جاتسا كەرەك. شيەتتەي بالانى ەرتىپ، كوشىپ-قونىپ ءجۇرۋدىڭ قانداي قيىن ەكەنىن ايتىپ مۇڭايادى كوپبالالى انا.

- قازىرگى ءۇيىمىز جولداسىمنىڭ ناعاشىلارىنىڭ، ياعني قايىناعامنىڭ ءۇيى. بالالارىمىزدىڭ الدى بەسىنشى سىنىپتا وقيتىندىقتان، باسىبايلى ءوز پاتەرىمىز بولسا دەپ ارماندايمىز. وتكەن اپتادا عانا قالا اكىمىنىڭ قابىلداۋىندا بولعانىمدا كiشi بالامىز 1 جاسقا تولعاندا التىن القا تاعاتىنىن جەتكىزدى. ەندىگى كەزەكتە مەملەكەت تاراپىنان ءبىر ءۇي بەرىلسە ەكەن، - دەپ ءنازيرا مەملەكەتتەن ءۇمىت كۇتەتىنىن جاسىرمادى.

جەتى بالا ءوربىتىپ، ەلىمىزدىڭ دەموگرافيالىق احۋالىن ارتتىرۋعا جاس تا بولسا ۇلەس قوسا بىلگەن ءنازيرا مەن سامات وزدەرىنىڭ بۇل ارمانىنىڭ الداعى ۋاقىتتا شىندىققا اينالارىنا ۇمىتپەن قارايدى. ەڭ باستىسى سابيلەرىن ەل قاتارلى ازامات قىلىپ ءوسىرۋدى كوزدەيدى.

"بەرەكە مەن بىرلىكتىڭ شاپاعى توگىلگەن شاڭىراقتا ءاردايىم ءسابيدىڭ شات كۇلكىسى ۇزىلمەسىن" - دەپ ايرانداي ۇيىعان وتباسىعا ءبىز دە يگى تىلەگىمىزدى ارنادىق.

ەرباقىت جالعاسباەۆ

قىزىلوردا

«حالىق ءسوزى» گازەتى

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3613