كەشە مەملەكەتتىك حاتشى مۇحتار قۇل-مۇحاممەد پرەزيدەنت جانىنداعى ازاماتتىق ماسەلەلەرى جونىندەگى كوميسسيانىڭ مۇشەلەرىن اقورداعا جيىپ، وتىرىس وتكىزدى. «ەلىمىزدىڭ الەم تانىعان اسا زور تابىستارى قازاقستان ازاماتتىعى ينستيتۋتىنىڭ دا بەدەلىن بارعان سايىن ارتتىرا تۇسۋدە، - دەدى مۇحتار ابرارۇلى. - مۇنىڭ ءوزى - ەلباسىنىڭ ۇلتارالىق، دىنارالىق جانە قوعامدىق كەلىسىمگە نەگىزدەلگەن سارابدال ساياساتىنىڭ ارقاسى. بۇل - نۇرسۇلتان ءابىشۇلىنىڭ باسشىلىعىمەن ەلىمىزدى الەۋمەتتىك-ەكونوميكالىق جاعىنان جاڭ­عىرتۋداعى قازاقستان قول جەتكىزگەن تولاعاي تابىستارىنىڭ الەمدىك دەڭگەيدە مويىن­دال­عاندىعىنىڭ ايقىن ايعاعى».

كوميسسيا مۇشەلەرىنىڭ قاراۋىنا «قازاقستان ازاماتتىعىنا قابىلداۋ» عانا ەمەس، «قازاقستان ازاماتتىعىنان شىعۋ ماسەلەلەرى، سونداي-اق قازاقستان ازاماتتىعىنان شىعۋ ماسەلەلەرى بو­ي­ىن­شا ۇلتتىق قاۋىپسىزدىك كوميتەتى مەن سىرتقى ىستەر مينيسترلىگىنىڭ ءوزارا ارەكەتتەرى تۋرالى» دەگەن «كۇن ءتارتىبى» شىعارىلدى. ءبىر ايتا كەتەر جايت، سوڭعى جىلدارى كوشى-قون ۇدەرىسىندە قازاقستاندا تۇرۋدى سانالى تۇردە تاڭدايتىندار قاتارىنىڭ ءوسىپ وتىرعاندىعى بايقالادى.

كەشە مەملەكەتتىك حاتشى مۇحتار قۇل-مۇحاممەد پرەزيدەنت جانىنداعى ازاماتتىق ماسەلەلەرى جونىندەگى كوميسسيانىڭ مۇشەلەرىن اقورداعا جيىپ، وتىرىس وتكىزدى. «ەلىمىزدىڭ الەم تانىعان اسا زور تابىستارى قازاقستان ازاماتتىعى ينستيتۋتىنىڭ دا بەدەلىن بارعان سايىن ارتتىرا تۇسۋدە، - دەدى مۇحتار ابرارۇلى. - مۇنىڭ ءوزى - ەلباسىنىڭ ۇلتارالىق، دىنارالىق جانە قوعامدىق كەلىسىمگە نەگىزدەلگەن سارابدال ساياساتىنىڭ ارقاسى. بۇل - نۇرسۇلتان ءابىشۇلىنىڭ باسشىلىعىمەن ەلىمىزدى الەۋمەتتىك-ەكونوميكالىق جاعىنان جاڭ­عىرتۋداعى قازاقستان قول جەتكىزگەن تولاعاي تابىستارىنىڭ الەمدىك دەڭگەيدە مويىن­دال­عاندىعىنىڭ ايقىن ايعاعى».

كوميسسيا مۇشەلەرىنىڭ قاراۋىنا «قازاقستان ازاماتتىعىنا قابىلداۋ» عانا ەمەس، «قازاقستان ازاماتتىعىنان شىعۋ ماسەلەلەرى، سونداي-اق قازاقستان ازاماتتىعىنان شىعۋ ماسەلەلەرى بو­ي­ىن­شا ۇلتتىق قاۋىپسىزدىك كوميتەتى مەن سىرتقى ىستەر مينيسترلىگىنىڭ ءوزارا ارەكەتتەرى تۋرالى» دەگەن «كۇن ءتارتىبى» شىعارىلدى. ءبىر ايتا كەتەر جايت، سوڭعى جىلدارى كوشى-قون ۇدەرىسىندە قازاقستاندا تۇرۋدى سانالى تۇردە تاڭدايتىندار قاتارىنىڭ ءوسىپ وتىرعاندىعى بايقالادى.

- تاۋەلسىزدىك العان 20 جىلدىڭ ىشىندە ەلباسى نۇرسۇلتان نازارباەۆتىڭ سىندارلى سايا­ساتىنىڭ ارقاسىندا الەمنىڭ ءارتۇرلى ەلدەرىنەن كەلگەن 850 مىڭنان استام ادام قازاقستان رەسپۋب­ليكاسىنىڭ ازاماتتىعىن الدى، - دەدى مەملە­كەت­تىك حاتشى. - ولاردىڭ باسىم كوپشىلىگى، اتاپ ايتار بولساق، 780 مىڭعا جۋىعى - تاعدىر تا­لايىمەن، اشارشىلىق جانە ستاليندىك قۋعىن-سۇرگىن جىلدارىندا تاريحي وتانىنان امالسىز كوشۋگە ءماجبۇر بولعان ءبىزدىڭ قانداستارىمىزدىڭ ۇرپاقتارى.

م.قۇل-مۇحاممەدتىڭ مالىمەتىنشە، بەرتىندە، 1990 جىلدارى گەرمانياعا، گرەكياعا، رەسەيگە، ۋكرايناعا، بەلارۋسقا جانە تاعى دا باسقا ەل­دەر­گە كوشكەن جۇرتتىڭ سوڭعى جىلدارى قا­زاق­ستان­نىڭ ازاماتتىعىن قايتا الۋعا قۇشتارلىق ءبىل­دىرۋى جانە ورالۋ ءۇردىسى جۇرۋدە. ەلەگيالىق-نوس­تالگيالىق استارىن ايتپاعاندا، مۇنىڭ ناقتى ەكونوميكالىق سەبەبى دە بار. «بۇگىندە الەمنىڭ كوپتەگەن ەلدەرىن داعدارىس جايلاعان، - دەدى مۇحتار ابرارۇلى. - ەڭبەكاقى، الەۋ­مەتتىك ءجار­دەماقى، زەينەتاقى مولشەرى قىسقارتىلۋ ۇستىندە. ال قازاقستان اۋقىمدى يندۋستريالىق جو­با­لاردى ىسكە اسىرىپ، جاڭا مەكتەپتەر، اۋرۋ­حا­نالار، بالاباقشالار، قول­جە­تىمدى باسپانا­لار سالىپ، قارقىندى دامۋ جولىنا ءتۇسىپ وتىر. بۇل - ەلباسىنىڭ الەۋمەتتىك، ەكونو­ميكالىق ساياساتىنىڭ دۇرىس ەكەندىگىن كورسەتەدى. وسىعان سايكەس، جىل سايىن قازاقستاندىقتاردىڭ ءومىر ءسۇرۋ دەڭگەيى ارتىپ كەلە جاتىر». مەم­لەكەتتىك حاتشى دۇنيەجۇزى نازارىن وزىنە اۋدار­عان V اس­تانا ەكونوميكالىق فورۋمىن، الداعى اپتادا وتەتىن الەمدىك جانە ءداستۇرلى دىندەر لي­دەرلەرىنىڭ ءىV سەزىن «پرەزيدەنتىمىز تاڭداعان «قازاقستاندىق جولدىڭ» تابىستىلىعىنىڭ تا­ما­شا دالەلى» دەپ باعالادى.

كوميسسيا مۇشەلەرىنە قايىرىلعان مۇحتار قۇل-مۇحاممەد ولاردى كوگىلدىر قۇجاتىمىزدى توسىنە باسىپ، قازاقستان ازاماتتىعىن الۋعا تىلەك بىلدىرگەن ءاربىر ادامنىڭ ءوتىنىشىن مۇقيات قاراۋعا شاقىردى. كۇن تارتىبىنە شىعارىلعان ماسەلەلەردى «وتە ماڭىزدى» دەپ اتاعان مەملەكەتتىك حاتشى ولار بويىنشا كەيىنگى كەزدە جاۋاپتى مەمورگان­داردىڭ بىرقاتار جۇمىستار اتقارعاندىعىن، بۇل قۇرىلىمداردىڭ اقپاراتتارى تەگىس كوميسسيا مۇشەلەرىنە تاراتىلعاندىعىن ەسكەرتتى.

جيىن بارىسىندا پرەزيدەنت اكىمشىلىگى باس­شىسىنىڭ ورىنباسارى ت.دوناقوۆ پەن ۇقك جانە سىرتقى ىستەر مينيسترلىگى باسشىلارىنىڭ ەسەپ­تەرى تىڭدالدى. تالعات دوناقوۆ ازاماتتىق الۋ پروتسەدۋراسى وڭتايلاندىرىلىپ جاتقاندىعىن جەتكىزدى. بىلتىرعى شىلدەدە ازاماتتىق الۋ تۋرا­لى زاڭناماعا ءتيىستى وزگەرىستەر ەندىگى ەنزىگىلگەن ەكەن. جيىن قورىتىندىسى بويىنشا، ءتيىستى شەشىمدەر قابىلدانىپ، ناقتى ۇسىنىمدار جاسالدى.

«ايقىن» گازەتى