قازاقستان رەسپۋبليكاسى ساياسي قۋعىن-ءسۇر­گىنگە ۇشىراعاندار قاۋىمداستىعىنىڭ توراعاسى ج.اشۋەۆ جانە قاۋىمداستىقتىڭ تورالقا مۇشەلەرى ق.قۇسايىنوۆ، ر.سەيفۋللينا، س.جانسۇگىروۆ، ج.تاسقىنباەۆا، ح.مو­كانچي، گ.تسوي قر پارلامەنتى ماجىلىسىنە، قر پرەزيدەنتى اپپارا­تىنىڭ باسشىسىنا، قر پرەمەر-مينيسترىنە، «نۇر وتان» حدپ-سىنا، قازاقستان حالقى اس­سامبلەياسىنا، پاۆلودار وبلىسىنىڭ اكىمىنە اشىق حات جولدادى.
حات ماتىنىندە بىلاي دەلىنگەن:

قازاقستان رەسپۋبليكاسى ساياسي قۋعىن-ءسۇر­گىنگە ۇشىراعاندار قاۋىمداستىعىنىڭ توراعاسى ج.اشۋەۆ جانە قاۋىمداستىقتىڭ تورالقا مۇشەلەرى ق.قۇسايىنوۆ، ر.سەيفۋللينا، س.جانسۇگىروۆ، ج.تاسقىنباەۆا، ح.مو­كانچي، گ.تسوي قر پارلامەنتى ماجىلىسىنە، قر پرەزيدەنتى اپپارا­تىنىڭ باسشىسىنا، قر پرەمەر-مينيسترىنە، «نۇر وتان» حدپ-سىنا، قازاقستان حالقى اس­سامبلەياسىنا، پاۆلودار وبلىسىنىڭ اكىمىنە اشىق حات جولدادى.
حات ماتىنىندە بىلاي دەلىنگەن:

«...ءبىزدىڭ جاس مەملەكەتىمىزدىڭ تاريحىندا، ءالى دە بولسا، كەشەگى وتارلىق، توتاليتارلىق جۇيەلەردىڭ ىزدەرى ساقتالىپ كەلەدى. سولاردان ارىلۋ بوداندىق پسيحولوگيادان تازارۋ دەپ تۇسىنەمىز جانە دە بۇل جاسامپازدىق جولىندا، ەلىمىزدىڭ بولاشاعى جاستاردى تاربيەلەۋدە اسا ماڭىزدى ءرول اتقاراتىن ساياسي-يدەولوگيالىق ءىس دەپ بىلەمىز. سون­دىقتان كەشەگى پاتشالىق يمپەريادان، كەڭەستىك اپەرباقاندىقتان قالعان جەر، سۋ، ەلدى مەكەندەردىڭ اتاۋلارىن بۇگىنگى تاريحىمىزعا ساي وزگەرتۋ وزەكتى ماسەلە ەكەندىگى داۋ تۋعىزباۋى كەرەك. وسىعان وراي، ءبىز رەسپۋبليكالىق ساياسي قۋعىن-سۇرگىنگە ۇشىراعاندار قاۋىمداستىعى اتىنان پاۆلودار قالاسىنىڭ اتاۋىن نۇركەنت قالاسى، ال سارىارقا اتىرابىنىڭ كىندىگى بولعان پاۆلودار وبلىسىن نۇرارقا وبلىسى دەپ وزگەرتۋدى ۇسىنامىز. وتارلىق ەزگىدەن قالعان پاۆلودار اتاۋىن بۇگىنگى قازاقستان حالقىنىڭ ماقتانىشىنا اينالىپ وتىرعان، بۇكىلالەمگە ايگىلى كەمەڭگەر ساياساتكەر، ەلباسى نۇرسۇلتان نازارباەۆتىڭ قۇرمەتىنە وزگەرتۋ ەلىنىڭ كوسەمىنە دەگەن سىيى بولۋىمەن قاتار، كوپۇلتتى قازاقستان حالقىن بىرلىك پەن ىنتىماققا، تۇراقتىلىق پەن ەۆوليۋتسيالىق دامۋ جولىنا جۇمىلدىراتىن نىشان بولارى حاق!
قر پرەزيدەنتىنىڭ 31 مامىردى «ساياسي قۋعىن-سۇرگىن قۇرباندارىن ەسكە الۋ كۇنى» دەپ بەكىتكەن جارلىعىنىڭ 15 جىلدىعىنا وراي كوتەرىلىپ وتىرعان ءبىزدىڭ بۇل ۇسىنىسى­مىز سىزدەر تاراپىنان دا قولداۋ تاۋىپ، جۇزەگە اسادى دەگەن زور سەنىمىمىزدى جولدايمىز! »

«انا ءتىلى» گازەتى