قاس پەن كوزدىڭ اراسىندا ۇيىندىگە اينالعان قاراعاندىداعى كوپ قاباتتى ءۇيدىڭ «تاعدىرىنا» تاڭدايىن تاقىلداتىپ، جاعاسىن ۇستاماعان جان قالمادى. الايدا مۇنداي سۇمدىق وقيعانىڭ «سىڭارى» جوق دەگەنگە قازىر ەشكىم دە يمانداي يلانا قويماس. ويتكەنى ساپاسى تىم تومەن، پايدالانىلماي جاتىپ جارامسىز بولىپ قالعان نىسانداردىڭ سانى ارتپاسا، كەميتىن ءتۇرى جوق. وڭتۇستىكتىڭ وڭتۇستىگى ەسەپتەلەتىن ماقتاارال اۋدانىندا وسىنداي ءبىر ساپاسىز نىسانعا قاتىستى داۋدىڭ تۇندىگى ءتۇرىلدى.

ماقتاارال اۋدانى ءيىرجار اۋىل­­دىق وكرۋگىندەگى الاش ەلدى مەكەنى تۇرعىندارىنىڭ كوپتەن كۇتكەن فەلد­شەر­لىك-اكۋشەرلىك بەكەت­تىڭ پاي­دا­لا­نۋعا بەرىل­گە­نىنە قۋانعانى بىل­تىر عانا بو­لاتىن. قۋانىشتارى سۋ سەپ­كەن­دەي با­سىل­­دى. سەبەبى سۋ جاڭا عيمارات اپاتتى جاعدايدا.

«ماقتاارال اۋدانى مىر­زا­كەنت ەمحاناسى» مەملەكەتتىك مەكە­مەسىنە قاراستى بۇل بەكەتتىڭ قۇرىلىس جۇ­مىس­تارىن جۇرگىزۋ ءۇشىن بيۋدجەتتەن 22 715 682 تەڭ­گە بولىنگەن بولاتىن. مەم­لە­كەت­تىك ساتىپ الۋ كونكۋرسىن وتكىزگەن وبلىستىق قۇرىلىس باس­قار­ما­سىنىڭ باسشىلارى عي­ما­راتتى سالۋ­عا ۇمىتكەر «قسو بىرلىك» جشس-نىڭ، ياعني «جا­رىس­­قا جال­عىز تۇسكەن» مەر­دى­گەردىڭ ءمۇم­كىن­دىگىنە يمانداي سەنىپ، ءبىر كوزدەن ساتىپ الۋ تاسىلىمەن جەڭىم­پاز جا­ريا­لاعان. ءسويتىپ، تاپ­سىرىس بەرۋ­شى مەن ورىن­داۋ­شى­نىڭ ارا­سىندا اقپاننىڭ 14-ءى كۇنى كە­لى­سىم­شارت ءتۇزىلىپ، ءتيىستى باسشىلار تارا­پىنان شيى­رىپ تۇرىپ قول قويى­لادى. جاۋاپكەرشىلىكتى ءمىن­دە­­تى­نە العان كومپانيا قۇرى­لىس­تى ءساۋىر­­دىڭ العاشقى كۇنىنەن باس­تاپ، تا­مىز­دىڭ سوڭىندا تاپسى­رۋعا ۋاع­دا­لاسادى. مەرزىم جاعىنا كەل­گەن­دە مەردىگەر كوم­پا­نيا تاراپىنان ەشقانداي كەمشىلىك ورىن ال­ماي­دى. قۇ­رى­لىس جۇ­مىس­تارىن ءتىپتى بەل­گى­لەن­گەن مەر­زىمنەن دە بۇرىن اياقتاپ، تامىز­دىڭ 4-ىندە مەم­لە­كەتتىك قا­­بىل­داۋدان ءوتىپ ۇلگەرەدى. الاي­­دا اتام قازاق «اسىققان - ساي­­تان­نىڭ ءتىر­لىگى» دەپ بەكەر ايت­­پاعان ەكەن. «قسو بىرلىك» جشس ۋاقىت جا­عىنان ۇتامىن دەپ ءجۇرىپ، ساپا جا­عىن ەستەن شىعارىپ العان سە­كىلدى.

- «اۋىل تۇرعىندارىنىڭ دەن­ساۋ­لىعىن كو­تەرۋگە جۇمىس ىستەۋى ءتيىس بۇل عيماراتتىڭ قۇ­رىلىسىن تەكسەرۋ ءىسى ارنايى سوت-قۇرىلىس ساراپ­­تا­ما­سىنىڭ، وزگە دە بىلىكتى مامان­دار­دىڭ قاتىسۋىمەن جۇرگىزىلدى. ولار عي­ما­رات­تىڭ نەگىزگى كونسترۋكتسيالارى قۇ­رى­لىس جوباسىنان ەداۋىر اۋىتقىپ كەت­كەندىگىن انىقتادى. «مەردىگەر «قسو بىرلىك» جشس-مەن «الاش» فەلد­شەرلىك-اكۋشەرلىك بەكە­تى عيما­راتىنا جۇرگىز­گەن قۇرىلىس جۇمىس­تارى جوبا-سمەتا مەن ف2,فز قۇ­جات­تا­رىنا سايكەس ەمەس. ورىندال­ما­عان قۇرى­لىس جۇمىستا­رىنىڭ قۇنى 2 598 529 تەڭگە بولىپ بەكىتىلگەن. تەكسەرۋگە وبلىس­تىق ءتو­تەن­شە جاعدايلار دەپارتا­مەنتى­نىڭ وكىلى رەتىن­دە قاتىسقان ماق­تاارال اۋدانى­نىڭ توتەنشە جاعدايلار ءبولىمى­نىڭ باستىعى ب.اب­دازيموۆتىڭ 27.04.2012 جىلعى قورى­تىن­دى­سىندا «الاش» فەلدشەر­لىك-اكۋ­شەرلىك بەكەتى­نىڭ عيماراتى قازىرگى ۋاقىت­تا قول­دانىس­قا جارامسىز جانە اپاتتى جاع­داي­دا ەكەنى كورسە­تىلگەن». بۇل - سوت-قۇرى­لىس ساراپشىسى­نىڭ كەل­تىر­گەن تۇجىرى­مى»، - دەيدى ماقتاارال اۋدا­نىنىڭ پروكۋرورى حالي ماماتاەۆ.

تاعى دا پروكۋراتۋرانىڭ انىقتاماسىنا نازار سالايىق. «تەكسەرۋ بارىسىندا تاپ­سى­رىس بەرۋشى وقو قۇرىلىس باسقارماسىنان الىنعان قۇجاتتارعا قاراۋ جۇرگىزىلگەندە 2011 جىلدىڭ ءساۋىر ايىندا عيماراتتىڭ ىرگە­تاسى قۇرىلىس جوباسىنان اۋىتقىپ، ات­قا­رىلعان قۇرىلىس جۇمىستارىنا تول­تى­رىل­عان ف.12 قۇجاتىندا تەك قانا مەر­دى­گەر­دىڭ وكىلى ق.تولە­گەنوۆتىڭ قولى قويىلىپ، ءمورى باسىلعان. ال تەحنيكالىق بايقاۋشى مەكەمەنىڭ وكىلى ب.قاڭ­تاروۆ پەن تاپسىرىس بەرۋشى مەكەمەنىڭ وكى­لى م.بايىمبەتوۆتىڭ قولدارى قويىلماعان. تاپسىرىس بەرۋشى مە­كەمەنىڭ وكىلى س.يكراموۆ پەن تەحنيكالىق بايقاۋشى مەكەمەنىڭ ديرەكتورى ا.با­لا­بەكوۆ وسى زاڭسىزدىققا قاراماس­تان، ف.13 قۇجاتىنا قول قويىپ، ءمور باسىپ، 6 871 502 تەڭگە مەملەكەت قارجىسىن مەردىگەرگە زاڭ­سىز اۋدارعاندارى انىقتالدى. سونى­مەن قاتار، تاپسىرىس بەرۋشى وبلىستىق قۇ­رى­لىس باسقارماسى مەن «وڭتۇستىك قۇرىلىس ساراپ­تاما اۋماقتىق ورتالىق» جشس ارا­سىندا 22.02.2011 جىلى 97-ساندى كەلى­سىم­شارت ءتۇ­زىل­گەن. تاپسىرىسشىنىڭ وكىلدەرى س.يك­را­موۆ پەن م.بايىمبەتوۆ وسى كەلى­سىم­شارت­تا كوزدەل­گەن، ياعني ورىندالعان قۇ­رىلىس-مونتاجداۋ جۇمىستارىنا ىرىك­تە­مەلى تارتىپپەن كەم ولشەم جۇرگىزۋ، كەز كەل­گەن ۋاقىتتا ينجە­نەردىڭ ورىن­داعان جۇ­مىس­تارىنىڭ بارىسىن جانە ساپاسىن تەك­سەرۋ جايلى جانە قر ازامات­تىق كو­دەكسىندە قارالعان قۇقىقتارىنان قاسا­قانا باس تارتىپ، مەردىگەردىڭ جۇمىسىنا ءمۇل­دەم قا­دا­عا­لاۋ جۇرگىزبەگەن. ا.بالابەكوۆ باسشى­لىق جاسايتىن «وڭتۇستىك قۇرىلىس سا­راپ­تاما اۋماقتىق ورتالىق» جشس-ءنىڭ ءوز مىندەتتەرىن تولىق ور­ىن­داماۋىنىڭ سال­دارىنان «الاش» فاب عي­ما­­راتىنىڭ قۇ­رى­لىس جۇمىس­تارى، عي­مارات­تىڭ ىرگەتاسىن ورناتۋعا دايىن­دىق كەزەڭدەرى ينجي­ني­رينگ­تىك قىزمەت كورسەتۋ­شىنىڭ قاتى­سۋىنسىز جۇرگىزىلگەن».

كورىپ وتىرعاندارىڭىزداي، قۇرىلىس ساپا­سىنىڭ مۇلدەم سىن كوتەرمەيتىنىنە باقى­لاۋ­شى مەكەمەلەردىڭ ءوز ىسىنە جاۋاپ­سىزدىقپەن قاراۋى نەگىز بولىپ وتىر. قۇ­رى­لىس ساپاسىن قاداعالاۋشى ەڭ باستى مەكەمە وبلىستىق مەم­لەكەتتىك ساۋلەت-قۇرى­لىس باقىلاۋ جانە ليتسەن­زيالاۋ دەپار­تامەنتىنەن وسى قۇرى­لىستىڭ ساپاسىن قاداعالاۋعا بەكىتىلگەن باس مامان تا­را­پىنان دا قاداعالاۋ مۇلدە ءجۇر­گى­زىل­مەگەن. «قازاننان قاقپاق كەتسە، يتتەن ۇيات كەتەتىنى» ءدا­لەلدەنگەن دۇنيە. ال نەلىكتەن باقى­لاۋ­دىڭ بوساڭسىپ كەتكەنى بولەك اڭگىمە. بالكىم، كوپ­شى­لىك اراسىندا «جەڭدەر» دەگەن قو­سىمشا اتاۋعا يە بولعان تەندەردى وتكىزەتىن مەكەمە باسشىلا­رىنىڭ «پايىز» الاتىنى ءجو­نىندەگى ەل اراسىندا جەلدەي ەسكەن اڭگىمەنىڭ استارىندا ءبىر شىن­دىق بار ما ەكەن؟ باقى­لاۋشى مەكە­مەلەردىڭ ءوز ءمىن­دە­تىنە نەمقۇرايدى قارا­ۋىنىڭ دا، جال­عان قۇجاتتارعا جول بەرى­لۋىنىڭ دە تۇپكىلىكتى سەبەبى وسى «پايىزعا» تىكەلەي قا­تى­سى بار ما دەگەن كۇدىكتى وي كىمدى دە بولسا مازالاسا كەرەك-ءتى. وسى كۇدىكتىڭ استارىندا ءبىر شىن­دىق بولسا، قۇرىلىس ساپاسىنا قاتىستى بۇل سوراقىلىقتان جۋىق ارادا قۇتىلا ال­ما­سى­مىز انىق.

ورتاق قازىنانىڭ 22 715 682 تەڭگەسىن قۇردىمعا جىبەرگەن بۇل ىسكە قاتىستى ءتيىستى لاۋازىم يەلەرىنىڭ ۇستىنەن قىلمىستىق ءىس قوز­عالىپ، تەرگەۋ امالدارىن جۇرگىزۋ ءۇشىن وبلىس­تىق پروكۋراتۋرانىڭ ارنايى پرو­كۋ­رور­لار توبىنا جولداندى.

شاديار مولدابەك، وڭتۇستىك قازاقستان وبلىسى

«الاش ايناسى» گازەتى