سارسەنبى, 22 قىركۇيەك 2021
2424 0 پىكىر 1 شىلدە, 2021 ساعات 11:47

قىرعىز-تاجىك پرەزيدەنتتەرى قانداي كەلىسىمگە كەلدى؟

قىرعىزستان پرەزيدەنتى سادىر جاپاروۆتىڭ 29 ماۋسىمدا تءاجىكستانعا بارعان رەسمي ساپارىندا بىرنەشە قۇجاتتارعا قول قويىلدى. ودان بءولەك سادىر جاپاروۆ پەن تءاجىكستان پرەزيدەنتى ەمومالي راحمون بىرلەسكەن مءالىمدەمە قابىلدادى.

تومەنگى قۇجاتتارعا قول قويىلدى:

1. قىرعىزستاننىڭ دەنساۋلىق ساقتاۋ جانە الەۋمەتتىك دامۋ مينيسترلىگى مەن تاجىكستاننىڭ الەۋمەتتىك قامسىزداندىرۋ جانە زەينەتاقى بويىنشا اگەنتتىگى اراسىندا زەينەتاقىمەن قامتاماسىز ەتۋ بويىنشا قىزمەتتەسۋ جونىندەگى كەلىسىم;

2. قىرعىزستاننىڭ مەملەكەتتىك كادر قىزمەتى مەن تاجىكستاننىڭ مەملەكەتتىك قىزمەت اگەنتتىگى اراسىندا ءوزارا قىزمەتتەسۋ جونىندەگى مەموراندۋم;

3. قىرعىزستاننىڭ مادەنيەت، اقپارات، سپورت جانە جاستار ساياساتى مينيسترلىگى مەن تاجىكستاننىڭ جاستار ىستەرى جانە سپورت كوميتەتىنىڭ اراسىندا قىزمەتتەسۋ جونىندەگى مەموراندۋم;

4. "كابار" قىرعىز ۇلتتىق اقپارات اگەنتتىگى مەن تاجىكستاننىڭ "حوۆار" ۇلتتىق اقپارات اگەنتتىگىنىڭ اراسىندا قىزمەتتەسۋ جونىندەگى مەموراندۋم.

سادىر جاپاروۆ تاجىكستانعا رەسمي ساپارمەن 28 ماۋسىمدا بارىپ، سول كۇنى ەمومالي راحمونمەن بيرەسمي كەزدەستى. 29 ماۋسىمدا ولكە باسشىلارى جابىق ەسىك جاعدايىندا، كەيىن كەڭەيتىلگەن فورماتتا قىرعىز-تاجىك شەكاراسى تۋرالى ءسوز ەتتى.

بۇل ەكى ولكەنىڭ 55 ازاماتىنىڭ ءومىرىن العان ءساۋىر ايىنداعى قىرعىز-تاجىك شەكارا جانجالىنان بەرگى العاشقى جوعارعى ساياسي جولىعۋ.

سونىمەن بىرگە، قىرعىزستاندا پرەزيدەنت سايلاۋىنان كەيىن مەملەكەت باسشىسى بولعان سادىر جاپاروۆ پرەزيدەنت رەتىندە ەمومالي راحمونمەن ءبىرىنشى رەت كەزدەستى.

Abai.kz

0 پىكىر