جۇما, 29 ناۋرىز 2024
كورشىنىڭ كولەڭكەسى 4565 33 پىكىر 28 ماۋسىم, 2021 ساعات 15:52

قازاقستاندا قىتاي كاسىپورىندارىنىڭ سانى ارتتى

قازاقستاندا سوڭعى ۋاقىتتا قىتاي كاسىپورىندارىنىڭ سانى ارتتى. سونداي-اق، قحر-دان كەلەتىن يمپورت كولەمى دە ايتارلىقتاي وسكەن. ماسەلەن، 4 ايدا قىتايدان كەلەتىن تاۋار كولەمى 2,3 ميلليارد دوللارعا جەتتى.

LS سايتىنىڭ مالىمەتىنشە، ولاردىڭ قاتارىندا نەگىزىنەن كومپيۋتەرلەر، ۇيالى تەلەفوندار، اياق كيىم، كيىم، كولىك قۇرالدارى، ۋران، پلاستماسسا جانە قارا مەتالل بۇيىمدارى بار.

قاڭتار - ءساۋىر ايلارىنداعى ەسەپ بويىنشا، ەسەپتەۋ ماشينالارى، كومپيۋتەرلەر مەن نوۋتبۋكتار - $168 ملن، ۇيالى تەلەفوندار - $149,9 ملن، اياق كيىمدەر - $146,2 ملن، قارا مەتالدار مەن بۇيىمدار - $114,2 ملن، جۇك جانە ارنايى ماقساتتاعى كولىك قۇرالدارى - $49,2 ملن، كيىم - $110,7 ملن، بۇيىمدار مەن پلاستماسسالار - $96,8 ملن، بۋلدوزەر، ەكسكاۆاتور، جول روليكتەرى - $59,8 ملن، جەمىس-جيدەكتەر - $42,4 ملن، سۇيىق جانە اۋا سورعىلارى - $36,6 ملن، بايىتىلعان ۋران - $34,3 ملن، ماتالار مەن جاساندى تالشىقتار - $33,4 ملن كولەمىندە بولعان.

قازاقستاندا قىتايدان كەلگەن 1265 زاڭدى تۇلعالار مەن وكىلدىكتەر بار. ولاردىڭ كوپشىلىگى شاعىن كاسىپورىندار.  نەگىزىنەن ساۋدا، قۇرىلىس جانە ونەركاسىپ سالاسىن قامتيدى.

سايكەسىنشە، قىتايدان كەلەتىن تىكەلەي ينۆەستيتسيالار 22% -عا ازايعان. سونداي-اق، 2021 جىلعى 1 ماۋسىمداعى جاعداي بويىنشا قازاقستاندا قىتايدان كەلەتىن ەڭبەكشى ميگرانتتار سانى - 3 689 ادام.

ال، قر ساۋدا جانە ينتەگراتسيا مينيسترلىگىنىڭ مالىمەتىنشە، 2020 جىلى قازاقستان قىتايعا 9 ملرد اقش دوللارى كولەمىندە ەكسپورت جاساعان. 2023 جىلعا قاراي ەكى ەل $24,5 ملرد-قا 56 زاماناۋي كاسىپورىن سالۋدى جوسپارلاپ وتىر.

- 2005 – 2020 جىلدار كەزەڭىندە قىتاي ينۆەستيتسيالارىنىڭ جالپى كولەمى $19,2 ملرد استى. سونىمەن قاتار، قىتايعا تىكەلەي ينۆەستيتسيالاردىڭ جىلىستاۋى $667,2 ملن قۇرادى. يندۋستريالىق-ينۆەستيتسيالىق ىنتىماقتاستىق باعدارلاماسى اياسىندا $24,5 ملرد-قا 56 زاماناۋي كاسىپورىن سالۋ جوسپارلانۋدا. بۇل نىسانداردىڭ باسىم بولىگى 2023 جىلعا قاراي اياقتالادى دەپ كۇتىلۋدە، - دەيدى ۆيتسە-مينيستر قايرات تورەباەۆ.

ايتا كەتەيىك، 2019 جىلى قازاقستاننىڭ قىتايعا قارىزى 11 ميلليارد دوللار بولعان.

نۇربيكە بەكسۇلتانقىزى

Abai.kz

33 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3604