بۇگىن تۇركىستان وبلىسى سارىاعاش اۋدانى ىنتىماق اۋىلىندا قازاقستان مۇسىلماندارى ءدىني باسقارماسىنىڭ ۇيىتقى بولۋىمەن حالىقارالىق كونفەرەنتسيا باستالدى.

ءابدىساتتار سمانوۆ پەن ابدىعاپپار شاكىرۇلىنىڭ رۋحىنا ارنالعان «ءدىن رۋحانياتىنىڭ ۇلاعاتتى ۇستازدارى» عىلىمي-تانىمدىق كونفەرەنتسياسىنا قمدب توراعاسى، باس ءمۇفتي ناۋرىزباي قاجى تاعانۇلى، وزبەكستان مۇسىلماندارى ءدىني باسقارماسىنىڭ توراعاسى ۋسمانحان اليموۆ، قىرعىزستان ءمۇفتيىنىڭ مىندەتىن اتقارۋشى جوروبوي قاجى شەرعازىەۆ، قمدب توراعاسىنىڭ ورىنباسارى، نايب ءمۇفتي ەرشات اعىبايۇلى، اپپارات باسشىسى عىلىمبەك جادىگەرۇلى، قمدب عۇلامالار كەڭەسىنىڭ مۇشەلەرى، وبلىستىڭ باس يمامدارى مەن مەدرەسە ديرەكتورلارى قاتىسۋدا.

القالى جيىن الدىمەن سمانوۆتار اۋلەتىنەن دۇنيەدەن وتكەن جانداردىڭ رۋحىنا قاسيەتتى قۇران اياتتارىن وقۋمەن باستالدى. قۇران دۇعاسى جاسالىپ، ءابدىساتتار مەن ابدىعاپپار ۇستازداردىڭ ءدىن رۋحانياتى جولىندا اتقارعان ەڭبەگىنە توقتالعان قىسقاشا بەينەروليك ۇسىنىلدى.

كونفەرەنتسيادا باس ءمۇفتي ناۋرىزباي قاجى تاعانۇلى، وزبەكستان، قىرعىزستان ەلدەرىنىڭ مۇفتيلەرى بايانداما جاسايدى دەپ كۇتىلۋدە.

Abai.kz