بەيسەنبى, 28 ناۋرىز 2024
وزگەلەر 4677 1 پىكىر 23 ماۋسىم, 2021 ساعات 16:13

رەسەيلىك تاريحشى: شەشەنستان - رەسەي ەمەس!

رەسەي اۋماعىنان تىس ءومىر سۇرەتىن رەسەيلىك تاريحشى جانە پۋبليتسيست مارك سولونين «شەشەنستان ءىس جۇزىندە رەسەي ەمەس»، دەپ سانايدى. بۇل تۋرالى ول «ۋكراينسكايا پراۆدا» باسىلىمىنا 22 ماۋسىمدا جاريالانعان سۇحباتىندا ايتقان ەكەن.  

«بۇل كرەملدىڭ، قاۋىپسىزدىك قىزمەتكەرلەرىنىڭ، جەرگىلىكتى شەشەن باسشىلارىنىڭ بىرلەسكەن كۇشىمەن قۇرىلعان قورقىنىشتى قىلمىستىق انكلاۆ. شەشەنستاندا رەسەيدىڭ قانداي زاڭدارى ىقپالدى؟ شەشەنستانعا رەسەيلىك پوليتسەيلەردى جىبەرۋگە بولمايدى»، - دەيدى سولونين.

شەشەن رەسپۋبليكاسى - رەسەي فەدەراتسياسىنىڭ سۋبەكتىسى. 1993 جىلدىڭ قاڭتارىندا شەشەن-ينگۋش اۆتونوميالىق كەڭەستىك رەسپۋبليكاسى بولىنگەننەن كەيىن قۇرىلعان. شەشەنستاننىڭ قازىرگى باسشىسى رامزان قادىروۆ.

سولونين 1958 جىلى كۋيبىشەۆ قالاسىندا (قازىرگى سامارا) دۇنيەگە كەلگەن. كۋيبىشەۆ اۆياتسيالىق ينستيتۋتىنىڭ اۆياتسيالىق ينجەنەريا فاكۋلتەتىن بىتىرگەن. ءبىراز ۋاقىت ول اۆياتسيالىق بيۋرونىڭ كونسترۋكتورى بولىپ جۇمىس ىستەدى. 1990 جىلدارى كاسىپكەرلىكپەن اينالىستى.

سولونين تاريحقا 1980 جىلدارى قىزىعۋشىلىق تانىتا باستاعان ادام. ەكىنشى دۇنيەجۇزىلىك سوعىس تاقىرىبىن زەرتتەيدى. ونىڭ كوپتەگەن ەلدەردە، سونىڭ ىشىندە رەسەيدە، ۋكراينادا، ەستونيادا، ليتۆادا، پولشادا، چەحيادا، رۋمىنيادا، بولگاريادا جانە گەرمانيادا جەتى كىتابى جارىق كورگەن.

سولونين كوبىنە تاريحي پروتسەستەرگە بالاما كوزقاراس ۇسىنادى. ونىسى رەسەيدىڭ رەسمي ۇستانىمىمەن سايكەسە بەرمەيدى. ول ءوز ەڭبەكتەرىندە مۇراعاتتا جيناقتالعان قۇپياسىزداندىرىلعان قۇجاتتارعا سۇيەنەدى. قازىر سولونين ەستونيادا (2016 جىلدان بەرى) تۇرادى.

كەرىمسال جۇباتقانوۆ،

قازاق-ورىس حالىقارالىق ۋنيۆەرسيتەتىنىڭ دوتسەنتى، تاريح عىلىمدارىنىڭ كانديداتى

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3511