جەكسەنبى, 25 شىلدە 2021
1523 0 پىكىر 22 ماۋسىم, 2021 ساعات 12:16

قازاقستاندا كارانتيندى كۇشەيتۋى مۇمكىن

ۇكىمەت وتىرىسىندا پرەمەر-ءمينيستردىڭ ورىنباسارى ەرالى توعجانوۆ جاقىن ارالىقتا نۇر-سۇلتان قالاسى مەن وزگە ايماقتارداعى ەپيدەميولوگيالىق جاعدايعا بايلانىستى باسقوسۋ وتكىزىپ، كارانتين ماسەلەسىن قاراستىراتىنىن مالىمدەدى.

ونىڭ سوزىنشە ەلدەگى ەپيدەميولوگيالىق جاعداي تۇراقتى.

"قازىرگى تاڭدا ەلىمىزدەگى ۆيرۋسقا قاتىستى يندەكس دەڭگەيى 1, بىراق ءبىز الەمدە جانە كورشىلەس ەلدەردە نە بولىپ جاتقانىن كورىپ وتىرمىز. كوروناۆيرۋستىڭ جاڭا شتاممدارى تەز تاراپ جاتىر. نۇر سۇلتاندا سكرينينگ جاسالدى، سوندىقتان دا مينيستر تسوي دەلتا-شتاممدار جايلى ايتىپ وتىر. ايماق اكىمدەرى جاعدايدى باقىلاۋدا ۇستاۋى ءتيىس", - دەدى ەرالى توعجانوۆ.

ول باسقوسۋ بارىسىندا ەلدەگى كارانتيندىك شارالاردى كۇشەيتۋ تۋرالى ماسەلەلەر قارالۋى مۇمكىن ەكەندىگىن دە ەسكەرتتى.

Abai.kz

0 پىكىر