قازاق ادەبيەتى تاريحىندا وزىندىك بيىك ورىن العان ساتتار ەرۋباەۆ ۇلكەن تەررور باستالعان ايگىلى 1937 جىلعى ماۋسىم ايىندا دۇنيەدەن ءوتتى. تاماشا جازۋشى جانە اقىنعا، تۋعانىنا 80 جىل تولۋىنا وراي، قالالىق قابىرستاننىڭ كىرەبەرىسىنەن 1994 جىلى سيمۆولدىق قۇلپىتاس (كەنوتاف) ورناتىلعان-دى.

بەيىتى ۇستىنە قالا سالىنىپ كەتكەن بولاتىن. ەسكى زيراتتان ساقتالىپ قالعان رايىمبەك باتىر كەسەنەسى عانا ەدى، سول اۋليە باسىنان توپىراق الىنىپ، جاس ۇرپاقتىڭ (ادەبيەتشى، اقىن، كەز كەلگەن وتانشىل قىز-جىگىت) ەسكە الىپ، تاعزىم ەتىپ تۇراتىن قاسيەتتى جەر بولادى دەگەن ۇمىتپەن سوعىلعان كەنوتافقا سالىندى. ەسكەرتكىشتى قويعان – سول شاقتاعى «ساتتار» ادەبيەتشىلەر قاۋىمداستىعىنىڭ باس ديرەكتورى، كورنەكتى اقىن قاسىمحان بەگمانوۆ.

وسى الماتى قالالىق بەيىتىندە تىنشىعان ۇلتىمىزدىڭ ءبىرتۋار ۇل-قىزدارى جاتقان ورىنداردى نۇسقاپ، قىسقا اقپارات بەرەتىن جول نۇسقاعىش جاساۋ قاجەت-ءتىن. بۇل ءىستى ەسكەرىلمەي جۇرگەن الاش ارىستارى مۇراسىن جارىققا شىعارۋدى باتىل قولعا الىپ، كوپشىلىكتى سۇيسىنتكەن، جاقسى ىستەرىمەن كوزگە ءتۇسىپ جۇرگەن «قىر بالاسى» قورىنىڭ (زاڭعار كەرىمحان، ەلدوس توقتارباي باستاعان جاس زەرتتەۋشىلەر) قولعا العانى جاقىندا بەلگىلى بولدى. ىسكە ءسات، الاششىل جاس ازاماتتار!

سۋرەتتەردە: الماتى قالالىق زيراتىنداعى ساتتار ەرۋباەۆ قۇلپىتاسى; قۇلپىتاس فراگمەنتى; ماڭگى جاس، بارشاعا قۇرداس جازۋشى ءام اقىن ساتتارعا تاعزىم.

بەيبىت قويشىباەۆ

Abai.kz