جەكسەنبى, 25 شىلدە 2021
1148 1 پىكىر 17 ماۋسىم, 2021 ساعات 16:15

تالاسبەك اسەمقۇلوۆ اتىنداعى كۇيشىلەر بايقاۋى وتەدى

كۇيشى تالاسبەك اسەمقۇلوۆتىڭ شىعارماشىلىعىن ناسيحاتتاۋ ماقساتىندا كۇيشىنىڭ جارى زيرا ناۋرزباەۆا جانە «كۇيشىلەر وداعى» رەسپۋبليكالىق قوعامدىق بىرلەستىگى كۇيشىلەر بايقاۋىن ۇيىمداستىرادى.

جاس شەكتەۋى جوق. كونكۋرسانتتار كەلەسى تالاپتار بويىنشا باعالانادى:

- تالاسبەك اسەمقۇلوۆتىڭ رەپەرتۋارىنان كۇي شەرتۋ (ت. اسەمقۇلوۆتىڭ نۇسقاسىمەن)

- ءداستۇرلى ورىنداۋعا (وڭ قول مەن سول قول) مەيلىنشە جاقىنداۋ

بايقاۋ ونلاين فورماتتا ءوتىپ، ءبىر كەزەڭنەن تۇرادى. قاتىسۋشى تومەندەگى تالاپ بويىنشا ءۇش كۇي ورىنداۋ قاجەت:

1-كۇي  - كەتبۇعى، قوتان تايشى، ساقبيكە، قىزىلمويىن قۋاندىق، بايجىگىت، سارى نياز تورە، قاساباي

2-كۇي – تاتتىمبەت، اقاي قاجى

3-كۇي - ت. اسەمقۇلوۆ، ج. ستامباەۆ اۆتورلىق كۇيلەرى

كۇيلەردىڭ اۋديو جازبالارىن «ءتالتۇس» جيناعىنان نەمەسە تەلەگرام كانالداعى «ءتالتۇس» كانالىنان (taltus2021) الۋعا بولادى. سونداي-اق، كۇيلەردى http://otuken.kz/topics/talasbek/music/ ، يۋتيۋبتان «otukenkz»، «اسەم ءان، ءتاتتى كۇي» ارنالاردان تىنداۋعا بولادى

بايقاۋ وتكىزۋ ۋاقىتى: جاريالاعان كۇننەن باستاپ 2021 جىلدىڭ 20-قىركۇيەگىنە دەيىن. وسى ارالىقتا ۇمىتكەرلەر وزدەرىنىڭ ينستاگرام يا فەيسبۋك پاراقشالارىنا #TalasbekAsemkulov2021 حەشتەگىمەن كۇيلەردى ءبىر ۆيدەومەن سالۋى ءتيىس.

جەڭىمپازدار قارجىلاي سىيلىقپەن ماراپاتتالىپ، «دومبىرا» ۇلتتىق تەلەارناسىنان كورسەتىلەدى.

بايلانىس تەلەفونى: +7 705 506 92 64

Abai.kz

1 پىكىر