مءاسكەۋ قالالىق سوتى سءارسەنبى كءۇءنى كەشكە الەكسەي ناۆالنىي نەگىزىن قالاعان جەمقورلىقپەن كءۇرەس قورىن, سونىمەن بىرگە ناۆالنىي شتابتارىن جءانە "ازاماتتاردىڭ قۇقىعىن قورعاۋ قورىن" ەكسترەميستىك ۇيىمدار دەپ تانىپ, ولاردىڭ رەسەي اۋماعىندا قىزمەت ەتۋىنە تىيىم سالدى.

سوت بۇل ۇيىمداردى جويۋ تۋرالى شەشىم شىعاردى. اتالعان ۇيىمدار تەز ارادا قىزمەتىن توقتاتۋى ءتيىس، دەگەنمەن سوت شەشىمىنە شاعىم تۇسىرۋگە بولادى.

سوت ۇكىمى پروكۋراتۋرا شاعىمى نەگىزىندە قابىلداندى. سوت وتىرىسى 12 ساعاتقا سوزىلعان. وتىرىس سوڭىندا جەمقورلىقپەن كۇرەس قورىنىڭ ادۆوكاتتارى سوت زالىنان شىعىپ كەتتى. ولار سوتتى ءادىل ەمەس ەمەس دەپ اتادى.

ادۆوكات يۆان پاۆلوۆتىڭ ايتۋىنشا، ايىپتاۋشى تاراپ جەمقورلىقپەن كۇرەس قورىنىڭ نارازىلىق اكتسيالارىنا قاتىسقانى ءۇشىن جازالانعانداردىڭ ايىپپۇلىن تولەپ بەرەم دەگەن ۋادەسىن "ەكسترەميستىك قىزمەتتى" قارجىلاندىرۋدىڭ دالەلى دەپ كورسەتكەن.

سوت تىڭداۋى جابىق ءوتتى، ويتكەنى مۇندا قارالعان قۇجاتتارعا "قۇپيا" ءمورى باسىلعان. سوتتىڭ سوڭعى وتىرىسىندا قورعاۋشىلاردىڭ ءىستى جاريا ەتۋ تۋرالى ءوتىنىشى قابىلدانبادى.

قازىر كولونيادا وتىرعان ناۆالنىيدىڭ ينستاگرامىندا ساياساتكەر اتىنان مىناداي جازبا جاريالاندى: "كوزدەگەن ماقسات پەن يدەيامىزدان باس تارتپايمىز. ەل بىزدىكى، ودان باسقا بىزدە ەل جوق".

رەسەي زاڭدارىنا سايكەس، ناۆالنىي شتابتارى مەن جەمقورلىقپەن كۇرەس قورىندا جۇمىس ىستەگەندەر ەندى ەلدەگى سايلاۋلاردىڭ ەشقايسىنا قاتىسا المايدى.

Abai.kz