جۇما, 29 ناۋرىز 2024
3412 1 پىكىر 9 ماۋسىم, 2021 ساعات 12:49

ارىستاعى جارىلىس: پروكۋرور ايىپتىلارعا 10 جىل سۇرادى

7 ماۋسىم كۇنى شىمكەنت گارنيزونى سوتىندا تۇركىستان وبلىسى ارىس قالاسىنداعى اسكەري ءبولىم قويماسىنداعى جارىلىسقا قاتىستى ايىپتالعان 16 ادام سوتتاعى سوڭعى ءسوزىن سويلەپ ءبىتتى.

پروكۋرور سوتتان ايىپتالۋشىلاردى 4 جىلدان 10 جىلعا دەيىن سوتتاۋدى سۇراعان. بۇل تۋرالى ازاتتىققا ەكى ايىپتالۋشىنىڭ ادۆوكاتى ءابدىرامان اققۇلوۆ حابارلادى.

- ايىپتالۋشىلاردىڭ بارلىعى كىناسىن مويىندامادى. ادۆوكاتتار سۋديادان تەرگەپ-تەكسەرۋ بارىسىندا جىبەرىلگەن زاڭسىزدىقتارعا كوڭىل اۋدارۋدى سۇرادى. جارىلىستىڭ شىعۋ سەبەبى انىقتالمادى. تاعىلعان ايىپ دالەلدەنبەدى، - دەيدى اققۇلوۆ.

سوت ءىستى قاراپ جاتقان سۋديا كەڭەسۋ بولمەسىنە كەتكەنىن راستادى. ۇكىم الداعى كۇندەرى وقىلۋى ءتيىس.

اسكەري پروكۋراتۋرادان ءار ايىپتالۋشىعا قانشا جىل جازا سۇرالعانى تۋرالى اقپارات الۋ مۇمكىن بولمادى.

ارىستاعى جارىلىسقا بايلانىستى سوت وتىرىسى 2020 جىلدىڭ 11 ماۋسىمىندا باستالعان. 400-دەن استام تومنان قۇرالعان ىستە 16 ادام ايىپتالۋشى، 1500 ادام جابىرلەنۋشى دەپ تانىلعان. ايىپتالۋشىلار اراسىندا اسكەري قويمانىڭ كومانديرى مەن ورىنباسارى دا بار. ولارعا "جارىلىس قاۋپi بار نىسانداردا قاۋiپسiزدiك قاعيدالارىن بۇزۋ" (281-باپ), "نەمقۇرايلىق" (371-باپ) باپتارى بويىنشا ايىپتار تاعىلعان.

بيىل قاڭتاردا سوت "قىلمىستىق ىستەگى كەمشىلىكتەردى جويۋ جانە ىسكە قاتىسى بار باسقا دا ادامداردى قىلمىستىق جاۋاپقا تارتۋ ءۇشىن" ءىستى پروكۋراتۋراعا قايتا تەرگەۋگە جىبەرگەن ەدى. ال 12 ساۋىردە شىمكەنت گارنيزونى سوتى ارىستاعى اسكەري ءبولىم قويماسىنداعى جارىلىسقا قاتىستى ءىستى قايتا قاراي باستاعان.

سوت ۆيدەوماتەريالداردا مەملەكەتتىك قۇپياعا بايلانىستى دەرەكتەر شىققان سوڭ ءىستى جابىق وتكىزۋ تۋرالى قاۋلى قابىلداعان ەدى.

2019 جىلى 24 ماۋسىمىندا ارىستاعى اسكەري وق-ءدارى قويماسى جارىلىپ، سونىڭ سالدارىنان ءتورت ادام قازا تاپقان. ولاردىڭ ەكەۋى – اسكەري، بىرەۋى – بەيبىت تۇرعىن، ال ءبىر بالا ەۆاكۋاتسيالاۋ كەزىندە جول اپاتىنان مەرت بولدى.

جارىلىس بولعان كۇنى مىڭداعىن ءۇي زاقىمدانىپ، ارىستىڭ 40 مىڭنان استام تۇرعىنى شىمكەنت قالاسى مەن توڭىرەگىندەگى ەلدىمەكەندەرگە ەۆاكۋاتسيالانعان. ولار كەيىنىرەك ارىسقا قايتا ورالعان.

رەسمي مالىمەت بويىنشا، قالاداعى 7 527 ءۇي مەن كوپقاباتتى 103 تۇرعىن ءۇي زاقىمدانعان. پايدالانۋعا جارامسىز بولىپ قالعان 420 ءۇي مەن 3 كوپقاباتتى تۇرعىن ءۇي قۇلاتىلعان.

كەيىن بيلىك جارىلىستان ۇيىنەن ايىرىلعان تۇرعىندارعا باسپانا سالىپ بەرگەن.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3600