قازاقستاندا وقشاۋلانۋ رەجيمىن بۇزعان ازاماتتارعا ايىپپۇل سالىنادى. سانيتارلىق-ەپيدەميولوگيالىق باقىلاۋ كوميتەتىنىڭ حابارلاۋىنشا، كوروناۆيرۋستىق ينفەكتسياسىن جۇقتىرعاندار مەن ۆيرۋس انىقتالعاندارمەن قاتىناستا بولعاندار ءۇشىن وقشاۋلانۋدىڭ مىندەتتى رەجيمىن قاراستىراتىن سانيتارلىق ەرەجەلەر بەكىتىلگەن.

«وسى تالاپتاردى ورىنداماعانى ءۇشىن اكىمشىلىك جازا قولدانىلادى. ەرەجەلەر 2021 جىلدىڭ 10 ماۋسىمىندا كۇشىنە ەنەدى»، - دەلىنگەن حابارلامادا.

مەملەكەتتىك ورگان كارانتيندى بۇزىپ، اينالاسىنداعىلارعا جۇقتىرۋ قاۋپىن قاساقانا ارتتىرعاندارعا 30 اەك نەمەسە 87 510 تەڭگە كولەمىندە اكىمشىلىك ايىپپۇل تۇرىندە جازا قولدانىلاتىندىعىن ءتۇسىندىردى.

زاڭ بۇزۋشىلار Ashyq كومەگىمەن انىقتالاتىنى اتاپ ءوتىلدى. اتاپ ايتقاندا، جۇيە مەملەكەتتىك مەكەمەلەرگە بارعاندا «قىزىل» مارتەبەگە يە ادامداردى انىقتاۋعا مۇمكىندىك بەرەدى.

«كارانتيندەگى ناۋقاس ادامنىڭ سانيتارلىق-ەپيدەميولوگيالىق تالاپتاردى ساقتاماۋى اكىمشىلىك كودەكستىڭ 802-بابىنا سايكەس اكىمشىلىك قۇقىق بۇزۋشىلىق تۋرالى ءىس قوزعاۋعا جانە وعان قاتىستى اكىمشىلىك جازالار قولدانۋعا نەگىز بولادى»، - دەپ اتاپ ءوتتى كوميتەت.

Abai.kz