بەيسەنبى, 28 ناۋرىز 2024
جاڭالىقتار 3420 0 پىكىر 2 مامىر, 2012 ساعات 09:00

«جاڭاوزەن ءىسى»: بوجەنكونىڭ زارى، ساربوپەەۆتىڭ جاۋاپتارى...

حالىقارالىق «جاڭاوزەن-2011» كوميتەتى مۇشەلەرىنىڭ حابارلاۋىنشا، اقتاۋداعى سوتتىڭ 26-جى جانە 27-ءشى ءساۋىر كۇندەرى بولعان 23-ءشى جانە 24-ءشى سوت وتىرىستارىندا كۋالاردى سۇراۋ جالعاسىپ، سونىڭ ىشىندە ءوزىنىڭ باستاپقى «الپىسباەۆ قايرات» لاقاپ اتىنان دا، لاقاپ اتپەن بەرگەن كورسەتۋلەرىنەن دە باس تارتىپ، اشىق شىققان بوجەنكو الەكساندر جانە جاڭاوزەن قالاسىنىڭ بۇرىنعى اكىمى ساربوپەەۆ وراق سۇرالعان.

23-ءشى سوت وتىرىسى

 

العاشقى سۇرالعان كۋالار - جاڭاوزەن پوليتەحنيكالىق كوللەدجىنىڭ ديرەكتورى بولاتباەۆا تىلەكتەس تە، سول كوللەدجدىڭ وقىتۋشىسى قاناتجانوۆا حاديشا دا وزدەرىنىڭ تەرگەۋ كەزىندە بەرگەن كورسەتۋلەرىنەن باس تارتىپ، ايىپتاۋ قورىتىندىسىنان ۇزىندىلەر وقىعان پروكۋرورلار ولارعا قىسىم جاساۋعا تىرىسقانىمەن، «16-جەلتوقسان كۇنى الاڭعا بارعان 54 ستۋدەنتكە مۇنايشىلار تارپا باس سالىپ، قۋىپ تاراتتى» دەگەن ماعلۇماتتى تەرىسكە شىعارعان.

ودان سوڭ بۇرىن سۇرالماي قالعان بەس جابىرلەنۋشى سۇرالىپ، ولاردىڭ تورتەۋى تالاپتارىنان باس تارتقان.

ءارى قاراي 11 كۋا سۇرالعان، ولاردىڭ بەسەۋى - قوسىمشا كۋالار.

بوجەنكو الەكساندر، 1989 جىلى تۋعان، بۇرىن «الپىسباەۆ قايرات» اتىمەن كۋا بولعان، نگدۋ-دا جۇمىس ىستەيدى.

پروكۋرور: سوتقا نە بىلەتىنىڭىزدى ايتىپ بەرىڭىز.

حالىقارالىق «جاڭاوزەن-2011» كوميتەتى مۇشەلەرىنىڭ حابارلاۋىنشا، اقتاۋداعى سوتتىڭ 26-جى جانە 27-ءشى ءساۋىر كۇندەرى بولعان 23-ءشى جانە 24-ءشى سوت وتىرىستارىندا كۋالاردى سۇراۋ جالعاسىپ، سونىڭ ىشىندە ءوزىنىڭ باستاپقى «الپىسباەۆ قايرات» لاقاپ اتىنان دا، لاقاپ اتپەن بەرگەن كورسەتۋلەرىنەن دە باس تارتىپ، اشىق شىققان بوجەنكو الەكساندر جانە جاڭاوزەن قالاسىنىڭ بۇرىنعى اكىمى ساربوپەەۆ وراق سۇرالعان.

23-ءشى سوت وتىرىسى

 

العاشقى سۇرالعان كۋالار - جاڭاوزەن پوليتەحنيكالىق كوللەدجىنىڭ ديرەكتورى بولاتباەۆا تىلەكتەس تە، سول كوللەدجدىڭ وقىتۋشىسى قاناتجانوۆا حاديشا دا وزدەرىنىڭ تەرگەۋ كەزىندە بەرگەن كورسەتۋلەرىنەن باس تارتىپ، ايىپتاۋ قورىتىندىسىنان ۇزىندىلەر وقىعان پروكۋرورلار ولارعا قىسىم جاساۋعا تىرىسقانىمەن، «16-جەلتوقسان كۇنى الاڭعا بارعان 54 ستۋدەنتكە مۇنايشىلار تارپا باس سالىپ، قۋىپ تاراتتى» دەگەن ماعلۇماتتى تەرىسكە شىعارعان.

ودان سوڭ بۇرىن سۇرالماي قالعان بەس جابىرلەنۋشى سۇرالىپ، ولاردىڭ تورتەۋى تالاپتارىنان باس تارتقان.

ءارى قاراي 11 كۋا سۇرالعان، ولاردىڭ بەسەۋى - قوسىمشا كۋالار.

بوجەنكو الەكساندر، 1989 جىلى تۋعان، بۇرىن «الپىسباەۆ قايرات» اتىمەن كۋا بولعان، نگدۋ-دا جۇمىس ىستەيدى.

پروكۋرور: سوتقا نە بىلەتىنىڭىزدى ايتىپ بەرىڭىز.

بوجەنكو: 15-جەلتوقسان كۇنگى تاڭدا مەن ماستەردىڭ جۇمساۋىمەن الاڭعا كيىز ءۇي تىگۋگە كومەكتەسۋ ءۇشىن باردىم. كەشكى 9-دا ۇيگە كەتتىم. 16-سى كۇنى ەرتەڭگىلىك باستىعىم تەلەفون سوعىپ، تاعى دا كيىز ۇيلەر ماڭايىندا كومەكتەسۋگە جۇمسادى. سوندا جۇرگەنىمدە كەنەت شۋ شىعىپ، كيىز ءۇي يەسى اجەي: «جينالۋ كەرەك»، - دەدى، وعان كومەكتەستىم، سونسىن ۇيگە كەتتىم. بولعان جاعدايدى ءوزىمدى اسىراپ العان اتا-اناما ايتتىم. 18-ءى كۇنى كوشەگە شىققانىمدا وموندىقتار ۇستاپ، ۇرىپ-سوقتى. الاڭعا اپارىپ، تىزەرلەتىپ قويدى دا، «نە ءۇشىن؟» دەگەنىمە قاراماي، تاعى دا ۇرىپ-سوقتى. ودان سوڭ مەنى جانە بىرنەشە ادامدى «گازەلگە» تەپكىلەپ كىرگىزىپ، پوليتسيانىڭ گاراجىنا اپاردى، اياق كيىمدى سىپىرىپ الىپ، مۇزداي ەدەندە 4 ساعات بويى تۇرعىزىپ قويدى. مەن شوشىنىپ، ىشىمنەن دۇعا وقىدىم، ولارعا ءوزىمنىڭ بالالار ۇيىنەن ەكەنىمدى ايتتىم، تىڭداماي، ۇرىپ-سوعىپ، قولىمنىڭ بىلەزىگىن سىندىردى، رەنتگەنگە تۇسىرگەن بەينەسى بار. باسىم ءالى كۇنگە دەيىن اۋىرادى. بوساتقان سوڭ اقتاۋداعى اعاما باردىم، ول دا شوشىنىپ، ەكەۋمىز پوليتسياعا ارىز جازدىق. ودان سوڭ مەنى تاعى دا ۇستاپ، پروكۋراتۋراعا اپاردى، جانات مۇرىنباەۆقا كورسەتۋگە ماجبۇرلەدى. مەن وندا: «نەگە مەنىڭ قولىمدى سىندىردى؟ نەگە ءتورت ساعات بويى جالاڭاياق مۇزداي ەدەندە تۇرعىزدى؟» - دەپ سۇرادىم. پروكۋراتۋرادا ماعان پوليتسەي ەرلان جولىقتى، ول مەنىڭ الاڭدا كيىز ءۇي تىككەنىمدى كورگەن بولاتىن. مەن ودان قامقورلىق سۇراپ ەدىم، ول كومەكتەسپەدى.

بوجەنكو ءالسىن-ءالسىن قازاقشادان ورىسشاعا اۋىسىپ، كەيدە جىلاپ، قينالىپ سويلەگەن: «قۇرمەتتى سوت، مەن مۇسىلمانمىن، جاناتقا جالا جاپتىم، ەندى ونى بوستاندىققا شىعارۋ ءۇشىن اياعىنا دەيىن كۇرەسەمىن. مەن ءتىپتى اسىراپ العان اتا-اناممەن دە ۇرىسىپ قالدىم».

پروكۋرور: 15-جەلتوقساندا جانات ساعان نە دەدى؟

بوجەنكو: امانداسىپ، جۇمىس تۋرالى سويلەستىك، ول ماعان تابىس تىلەدى، مەن وعان اقشا جاعىنان كومەكەتسەم دەپ ۋادە بەردىم.

پروكۋرور: 16-سىنا الاڭدا نە بولدى؟

بوجەنكو: شۋ بولدى، بىراق مەن ەشتەڭە كورمەدىم، كيىز ءۇي جىعۋعا كومەكتەستىم.

ادۆوكات بيسەكەشەۆ: ءسىزدى جاۋاپتاۋعا قالاي اپاردى؟ اپارعانداردىڭ اتتارى ەسىڭىزدە مە؟

بوجەنكو: اتتارىن بىلمەيمىن.

بيسەكەشەۆ: پوليتسەي ەرلان تۋرالى نە ايتا الاسىز؟ ول ءسىزدى ۇرىپ-سوقتى ما؟

بوجەنكو: جوق، ول مەنىڭ ساۋساعىمنىڭ تابىن العاندا بولدى.

بيسەكەشەۆ: سىزگە نەگە قپك-ءنىڭ 100-ءشى بابىن قولداندى؟

بوجەنكو: وزدەرى ايتتى، قولدانامىز دەپ.

بيسەكەشەۆ: لاقاپ اتپەن ايتقاندارىڭىزدى ءسىز ءوزىڭىز ويلاپ تاپتىڭىز با؟
بوجەنكو: ميليتسيونەرلەر ايتتى، مەن شوشىنعان جاعدايدا بولدىم. الدىندا مەن تەك جاناتتى 15-ىنە كورگەنىمدى عانا ايتتىم.

بيسەكەشەۆ: تەرگەۋشى كىم بولدى؟

بوجەنكو: بىلمەيمىن.

بيسەكەشەۆ: ءسىزدى يۆس-تە ۇرىپ سوقتى ما؟

بوجەنكو: 3 كۇن بويى، بۇل توزاق ازابى سياقتى بولدى.

بيسەكەشەۆ: ۇرعان كىم؟

بوجەنكو: بەتتەرى جابىق، ولاردىڭ نەگە جاسىرىناتىنىن مەن تۇسىنبەدىم.

بيسەكەشەۆ: سول پوليتسەيلەردى تانىر ما ەدىڭىز؟

بوجەنكو: نەگىزىنەن ولار اقتاۋلىق پوليتسەيلەر بولدى، بىرەۋى ماعان: «مەن ءبىر بالالار ۇيىنىكىن وتىرعىزدىم، سەنى دە وتىرعىزام. سەندەر جاقسىلىقتى بىلمەيسىڭدەر»، - دەدى. مەن وعان: «مەنى اسىراعان سەن ەمەس، مەملەكەت»، - دەدىم. ءبىر پروكۋرور مەنەن: «سەن بالالار ۇينەنسىڭ بە؟»، دەپ سۇرادى، مەن: «يا»، - دەپ ەدىم، الگى پروكۋرور كونۆويشىعا: «دۋبينكاڭدى بەرشى، مەن ونىمەن سويلەسەيىن»، - دەدى، بىراق كونۆويشى: «مەن ونى جەتكىزىپ سالۋىم كەرەك، سوندىقتان بەرە المايمىن»، - دەدى.

بيسەكەشەۆ: بۇرىن نەگە وسىنىڭ ءبارىن ايتپادىڭىز؟

بوجەنكو: قورقتىم، مەنىڭ قولداۋشىم بولمادى.

بيسەكەشەۆ: سول پوليتسەيدى تانيسىز با؟
بوجەنكو: ءتۇرىن تانيمىن.

بيسەكەشەۆ: ءسىزدى الىپ بارعان گاراج جونىندە ايتىپ بەرىڭىز.

بوجەنكو: بۇل قىىد-ءنىڭ گاراجى، جاسىل ەسىكتى.

بيسەكەشەۆ: وندا ءسىزدىڭ تانىستارىڭىزى بولدى ما؟

بوجەنكو: يا، بالالار ۇينەن سەگەەۆ اناتولي سەرگەەۆيچ، تاعى دا جۇمىستان تانىستار بولدى، اتتارىن بىلمەيمىن.

بيسەكەشەۆ: ءسىزدى گارجدا ۇستاعاندا پروكۋرورلار كەلدى مە؟

بوجەنكو: جوق، كورگەن جوقپىن. وندا بىزگە ءبىر پوليتسەي بولىستى، ول ءتىپتى: «نە ءۇشىن بۇلاردى ۇرسىڭدار؟» - دەپ ايقايلاپ، ءبىز ءۇشىن توبەلەستى دە.

بيسەكەشەۆ: سوتتا لاقاپ اتپەن كورسەتۋلەر بەرگەندە قاسىڭىزدا كىم بولدى؟

بوجەنكو: حاتشى قىز («سوندا بولعان ءسىز بە؟» - دەپ سوتتاعى حاتشىلاردىڭ بىرىنە قاراعان), پروكۋرور جانە پوليتسەي بولدى. ءبىز ءىىب-دە بولدىق، 12-ءشى ىقشاماۋدان سياقتى. سول كۇنى مەنى بولمەدەن پروكۋرور الىپ شىقتى، ال حاتشى قىز مەنى: «قاشىپ كەتتى»، - دەدى. پروكۋرور: «سەن ماعان ءبارىن ءبۇلدىردىڭ، اشىق سوتقا بارساڭ، سەنى وندا قۇرتادى»، - دەد. مەن: «ءبارىبىر بارام»، - دەدىم. پروكۋرور ازاماتتىق كيىمدە بولدى.

بيسەكەشەۆ: ونىڭ پروكۋرور ەكەنىن قايدان بىلەسىز؟

بوجەنكو: ءوز ايتتى.

بيسەكەشەۆ: دەمەك، وندا ءۇش ادام، سەنىمەن تورتەۋ بولبولدى ما؟

بوجەنكو: يا. مەنى «شىندىقتى ايتام» دەگەنىمدە بولمەدەن الىپ شىقتى.

سۋديا: سودان سوڭ جاڭاوزەنگە كەتىڭىز بە؟

بوجەنكو: جوق، كابينەتتە وتىردىم، ءبىر ساعاتتاي. ماعان: «سەن ەركەك ەمەسسىڭ»، - دەدى.

سۋديا: جاڭاوزەنگە پوليتسەيلەر اكەتتى مە؟

بوجەنكو: يا. مەنىڭ كوڭىل-كۇيىم بولمادى.

سۋديا: 24-ساۋىردە، لاقاپ اتپەن كورسەتۋلەر بەرگەندە، جاڭاوزەننەن اقتاعا قالاي جەتتىڭىز؟

بوجەنكو: 23-ىنە كەشكە جۇمىستا بولدىم، پوليتسەي لەحا تەلەفون سوعىپ، 24-ىنە سوت دەدى. مەن ماستەرگە ەسكەرتۋ كەرەك دەدىم. لەحا شاقىرۋ بولاتىنىن ايتتى. 24-ىنە لەحا تەلەفون سوعىپ، ماعان جولدىڭ بويىنا شىق دەدى. جارتى ساعات كۇتتىم. مەنىمەن ازداپ دورەكى سويلەستى.

سۋديا: سەنى سول لەحا اكەلدى مە؟

بوجەنكو: يا.

ادۆوكات: 24-ىنە تاعى دا لاقاپ اتپەن كورسەتۋلەر بەرگەندەر بولدى ما؟

بوجەنكو: يا، ءبىر بالاقاي بولدى. ماعان ول: «شارشادىم مىنادان»، - دەدى.

ادۆوكات: ءسىز ونى بىلەسىز بە؟

بوجەنكو: جوق، وعان: «اللا جار بولسىن»، - دەدىم. ونىمەن بولمەگە پوليتسەي، پروكۋرور مەن حاتشى كىردى.

ادۆوكات سارسەمبينا: قورقپايسىز با؟ ەندى ارىز ايتا الاتىنىڭىزدى بىلەسىز بە؟

بوجەنكو: يا.

سوتتالۋشى قاليەۆ ءسوز سۇراعان: قۇرمەتتى سوت، مەن سىزگە مەنى وزگە سوتتالۋشىلار وتىرعان جالپى كامەراعا اۋىستىرۋدى وتىنگەن بولاتىنمىن، ال مەن ءالى كۇنگە جالعىز وتىرمىن. الدە مەنى قورقىتقىسى كەلە مە؟ بولدى، مەن ەندى قورقپايمىن.

سۋديا: بۇعان وراي مەن ارنايى شەشىم قابىلداعان جوقپىن. سيزودا بولىپ جاتقان جاعدايلار يزولياتور اكىمشىلىگىنىڭ وكىلەتتىلىگىندە.

قاليەۆ: ال سيزو اكىمشىلىگى بۇل سوتتىڭ قاۋلىسى دەيدى.

سۋديا: قايتالاپ ايتام، مەن بۇعان وراي ەشقانداي نۇسقاۋ بەرگەن جوقپىن.

سوتتالۋشى مۇرىنباەۆ: الەكساندر، سەن ەركەكسىڭ، قورقپا. راحمەت ساعان.

سوتتالۋشى قويشىباەۆ: سەنى تاعى قالاي ۇرىپ سوققانىن ايت.

بوجەنكو: كيرزى ەتىكپەن تەپكىلەدى، تۇنگى ساعات تورتتە تۇرعىزىپ الىپ سوقتى. جەتىبايلىق پوليتسەيلەر. بۇل ءبىر توزاق بولدى.

قويشىباەۆ: وند رۋسلان بولدى ما؟ ۇردى ما سەنى؟

بوجەنكو: يا، ول مەنىڭ ەسىمدە قالدى. قۇرمەتتى سوت، مارحابا، جاناتتى بوساتىڭىزشى.

سۋديا: جاكسى.

ادۆوكات بيسەكەشەۆ: سوتتان كۋا بوجەنكوعا قاۋىپسىزدىك شارالارىن قولدانۋدى وتىنەمىن..

سۋديا: كىمنەن قاۋىپسىزدىك؟

بيسەكەشەۆ: ول ايتتى عوي، پوليتسەيلەردىڭ ۇرىپ-سوققانىن، ولاردان قورقاتىنىن.

سۋديا: ءسىز قانداي مەملەكەتتە تۇراسىز؟ (زالدا شۋ شىققان: «زاڭسىزدىقتار بولىپ جاتىر عوي!»), ماتەريالداردى پروكۋراتۋراعا تەكسەرۋگە جىبەرەمىز. پوليتسيادان قاۋىپسىزدىك شارالارىن قولدانعاندى قايدان كوردىڭىز؟

ادۆوكات جۋاسپاەۆا: ءبىزدىڭ بارلىعىمىز كۋا بوجەنكودان ەستىگەنىمىزدەي، لاقاپ اتپەن جاسىرىنعان كۋا كورسەتۋلەر بەرەتىن بولمەدە پروكۋرور مەن پوليتسەي بولعان. ال بۇل كۋا «الپىسباەۆ قايراتتىڭ»، مۇمكىن، باسقالاردىڭ دا كورسەتۋلەرى زاڭسىز دەپ مويىنداۋ جونىندە تالاپ قويۋعا نەگىز بەرەدى. مۇنى سوت ءبىلدى دەپ ەسەپتەيمىن. بۇل فاكتىلەردى نازاردان تىس قالدىرۋ - زاڭ بۇزۋشىلىق، مۇنداي جاعدايدا مەن تاعى دا سۋدياعا سەنىمسىزدىك بىلدىرۋگە ءماجبۇر بولامىن.

سۋديا ادۆوكات جۋاسپاەۆانىڭ بۇل مالىمدەمەسى بويىنشا تاراپتاردى سۇرادى. ادۆوكاتتار مەن سوتتالۋشىلار جۋاسپاەۆانى قولدادى.

پروكۋرور: بارلىق اقپارتتى تەكسەرۋ قاجەت. كەشە كۋا جىلادى، بۇگىن تاعى بىرەۋى جىلادى، بۇل كونتسەرت ەمەس قوي (زال شۋلاپ كەتكەن، الدەكىم: «سولاي تاياق جەگەندە كورەيىك سەنى»، - دەگەن).

پروكۋرور: بىراق ءبىز تەكسەرىس جۇرگىزۋگە قارسى ەمەسپىز، كەرىسىنشە، وسىندا كۋا رەتىندە ءىس جۇرگىزگەن تەرگەۋشىلەردى شاقىرۋدى ۇسىنامىز. اسىعۋدىڭ قاجەتى جوق. شەشىم كەلىسۋ بولمەسىندە قابالدانۋى ءتيىس دەپ ەسەپتەيمىز.

سۋديا: قازىر كورسەتۋگە باعا بەرە المايمىن، تالاپ-تىلەكتى اشىق قالدىرامىن.

ادۆوكات جۋاسپاەۆا: قۇرمەتتى سوت، 11-ساۋىردە سەنىمسىزدىك بىلدىرگەنبىز، وعان سەبەپ بولعان - بىزگە سوت وتىرىستارى حاتتامالارىنىڭ نە قاعاز، نە ەلەكتروندى نۇسقاداعى كوشىرمەلەرىنىڭ بەرىلمەۋى بولدى. كۋا بوجەنكونى سۇراۋ جوعالىپ كەتۋى مۇمكىن، سوندىقتان بۇگىنگى سوت وتىرىسى حاتتامالارىنىڭ كوشىرمەلەرى بەرىلۋىن تالاپ ەتەمىن.

سۋديا: ءسىز ۇنەمى وتىرىستار حاتتامالارىنىڭ كوشىرمەلەرىن سۇريسىز، بىراق بۇل زاڭدا قاراستىرىلماعان. ولارمەن تانىسا الاسىز، بىراق 18:00-دەن كەيىن.

پروكۋرور: ءبىز تاعى دا تەرگەۋشىلەردى كۋالار رەتىندە شاقىرۋ جونىندە تالاپ-تىلەك ەتەمىز.

ادۆوكات باتيەۆا: پروكۋرورلاردىڭ تالاپ-تىلەگىن قاناعاتتاندىرۋسىز قالدىرۋدى وتىنەمىن. ارنايى ورگاندار بار، سولار تەكسەرسىن. ول تەرگەۋشىلەر ءبارىبىر ەشتەڭەنى مويىندامايدى، پروتسەستى سوزا بەرۋدىڭ نە قاجەتى بار.

سوتتالۋشالار مەن ادۆوكاتتار تۇگەل ونى قولداعان. سوت مەملەكەتتىك ايىپتاۋ تاراپىنىڭ تالاپ-تىلەگىن قاناعاتتاندىرۋسىز قالدىرعان.

ودان سوڭ سۇرالعان كۋالار بەگىنشەۆ، وعلانوۆ، قاليەۆ تەرگەۋدە بەرگەن كورسەتۋلەرىن قايتالاعان، ال كۋا سارعۇلوۆا دامەش بىرنەشە سوتتالۋشىعا، سونىڭ ىشىندە پاراحات دۇيسەنباەۆقا قارسى بەرگەن كورسەتۋلەرىنەن تۇگەل باس تارتقان.

ەرەۋىلگە قاتىسقان مۇنايشى، قازىر ۋبر-دە جۇمىس ىستەيتىن كۋا جولداس ەسقۇلوۆ تەرگەۋ كەزىندەگى كورسەتۋلەرىن قايتالاپ، «15-جەلتوقسان كۇنى الاڭدا تاڭاتار قاليەۆتىڭ ماس كۇيىندە جاناربەكپەن جاعالاسقاندا ولاردى ايىرعانىن، روزا تولەتاەۆا ەكەۋى ونىڭ اۆتوكولىگىندە وتىرعان كەزدە ءدىنجانوۆ بەردىبەك كەلىپ: «گاراجدان 30 شولمەك بەنزين الىپ كەلەيىك»، - دەگەندە، بارۋعا كەلىسپەگەنىن، قاليەۆتىڭ: «قازىر مەن كيىز ۇيلەردى ورتەيمىن!» - دەپ ايقايلاعانىن» ايتىپ بەرگەن.

سوتتالۋشى قاليەۆ: جولداس، ايتشى، سەن يۆس-تە قانشا ۋاقىت بولدىڭ؟

ەسقۇلوۆ: 72 ساعات.

قاليەۆ: وندا سەنى ۇردى ما؟

ەسقۇلوۆ: يا، شامالاپ. قورقىتتى. كەۋدەمنەن، جاقتان ۇردى.

ادۆوكات دوسبولوۆ: ءسىزدى نە ءۇشىن ۇرىپ-سوقتى؟

ەسقۇلوۆ: ولار شىندىقتى ايتۋدى تالاپ ەتتى، قاسىمىزدا ۇقك-دەن ەكەۋ بولدى.

ادۆوكات باتيەۆا: قاليەۆ جونىندە كورسەتۋلەرىڭىزدى ناقتى قاي كەزدە بەردىڭىز؟

ەسقۇلوۆ: يۆس-تە بولعان 72 ساعاتتىڭ ىشىندە.

سوتتالۋشى ءاسپەنتاەۆ: جولداس، شىندىقتى ايت، وتباسى جالعىز سەندە عانا ەمەس قوي. مۇمكىن، سەنى ۇرىپ-سوعىپ، وسىلاي سويلەتكەن شىعار؟

ەسقۇلوۆ: ۇرىپ-سوقتى، بىراق مەن شىندىقتى ايتتىم.

ەڭ سوڭىنان سۇرالعان قورعانىس تاراپىنىڭ قوسىمشا كۋاسى پياستولوۆ الەكساندر يۆانوۆيچ سوتتالۋشىلار «وزەنمۇنايگاز» كەڭسەسىن ورتەۋگە مۇددەلى بولماعاندىقتان، ولاردىڭ كىناسىزدىگىنە سەنىمدىلىك بىلدىرگەن. ونىڭ ايتۋىنشا، بۇعان ومگ-ءنىڭ باسشىلىعى مۇددەلى بولعان.

پياستولوۆ: مەيرام كۇندەرى ومگ كەڭسەسىندە 20 شاقتى ادام بولدى، ءورت تۋرا بۋحگالتەريادا باستالدى. تاتۋلاستىرۋ كوميسسيا انىقتاعانداي، ستاتيستيكا ورگاندارىنا ورتاشا ايلىق جالاقى 360 مىڭ تەڭگە دەگەن مالىمەت بەرىلىپ، ال، قول قويىلعان ۆەدوموستەردە («جيروۆكالاردا») 160 مىڭ تەڭگە كورسەتىلگەن.

دەمەك، ونىڭ پىكىرىنشە، اي سايىن ءار جۇمىسشىدان 200 مىڭ تەڭگە «جۇتقان» قوسالقى بۋحگالتەريا جۇرگىزىلىپ وتىرعان. ءوز سوزىندە پياستولوۆ سوتتالۋشى مۇنايشىلاردى «بۇرىنعى جۇمىسشىلار» دەمەي، ولاردىڭ جۇمىسقا قايتا تۇرۋعا تولىق قۇقىعى بار ەكەندىگىن ايتا كەلە: «كىمدەردى ءولتىردى، تەك سولار عانا بۇرىنعىلار»، - دەگەن.

روزا تءولەتاەۆا: ءسىز بۋحگالتەرلىك قۇجاتتاردىڭ جويىلۋىنا جۇمىسشىلاردىڭ مۇددەلى بولماعاندىعىنا نەگە سەنىمدىسىز؟

پياستولوۆ: ويتكەنى مەن ومگ كەڭسەسىندە زاڭسىز جۇرگەن ادامداردىڭ قۇجاتتاردى ادەيى جويعاندىعىنا تىكەلەي سەنىمدىمىن.

پياستولوۆ ۇزاق سويلەگەن جانە سوتتالۋشىلار ونى اياعىنا دەيىن تىڭداۋدى تالاپ ەتكەن، الايدا كۋانى سۋديا توقتاتقان.

وتىرىس اياعىندا ادۆوكات جۋاسپاەۆا لاقاپ اتپەن سويلەيتىن كۋالاردىڭ انكەتالىق مالىمەتتەرىمەن ءوزىن تانىستىرۋ جونىندە تالاپ-تىلەك جاساپ، وعان الىنعان مىلىمەتتەردى جاريا ەتپەيتىندىگى تۋرالى قولحاتتى قوسا تىركەگەن. جانە، بۇرىن دا ادۆوكاتتار تاراپىنان جاسالىپ، بىراق قاناعاتتاندىرۋسىز قالدىرىلعان بۇل تالاپ-تىلەكتى سۋديا قاناعاتتاندىرىپ، جۇرتتىڭ بارلىعىن تاڭ قالدىرعان! ال ساعات 14:00-دەن كەيىن ادۆوكاتتارعا وتىرىستار حاتتامالارىمەن تانىسۋ مۇمكىندىگىن بەرۋ ءۇشىن كەلەسى كۇنگە دەيىن ءۇزىلىس جاريالاعان.

 

24-ءشى سوت وتىرىسى

 

27-ءشى ءساۋىر كۇنى ەرتەڭگىلىك سوت زالى ادامعا لىق تولعان جانە گۋىلدەسكەن جۇرت اۋىزىنان ءجيى-ءجيى «ەشمانوۆ، ساربوپەەۆ» ەسىمدەرى ەستىلىپ جاتقان. ويتكەنى بۇگىن سوت پروتسەسىندە وسى ادامداردىڭ، ياعني، ومگ-ءنىڭ ەكس-باسشىسى مەن جاڭاوزەن قالاسىنىڭ ەكس-اكىمى تىڭدالاتىندىعى بەلگىلى بولعان.

سوت وتىرىسىنىڭ باسىندا ادۆوكات جۋاسپاەۆا قوسىمشا كۋا مارجان اسپاندياروۆانى سۇراۋ جونىندە تالاپ-تىلەك جاساعان.

سۋديا: ول سوتقا نە حابارلاي الادى؟

جۋاسپاەۆا: ونىڭ قولىندا ىسكە قاتىستى قۇجاتتار بار، سونى جاريا ەتەدى.

سۋديا: تاراپتار پىكىرى؟

ادۆوكات باتيەۆا: ادۆوكات جۋاسپاەۆا ول قانداي قۇجاتتار ەكەنىن ايتسىن.

سوتتالۋشىلار جۋاسپاەۆانىڭ تالاپ-تىلەگىن قولداعان.

پروكۋرورلار: ول قانداي قۇجاتتار ەكەنىن ادۆوكات جۋاسپاەۆانىڭ ءوزى دە بىلمەيدى. قاناعاتتاندىرماۋدى وتىنەمىز.

سوت تالاپ-تىلەكتى اشىق قالدىرعان.

سوتتالۋشى ءابدىراحمانوۆ: قۇرمەتتى سۋديا، بۇلتارتپاۋ شاراسىن وزگەرتىپ، مەنى ەشقايدا كەتپەۋ جونىندەگى قولحاتپەن شىعارۋىڭىزدى وتىنەمىن.

سۋديا: تاراپتار پىكىرى؟

ادۆوكاتتار مەن سوتتالۋشىلار قولداعان، پروكۋرورلار قارسى بولعان.

سوتتالۋشى دۇيسەنباەۆ: قۇرمەتتى سۋديا، ءسىز ءبىزدى تەكسەرۋ ءۇشىن دارىگەرلەر كەلەدى دەگەن ەدىڭىز، بىراق ءبىز ولاردى ءازىر كورمەدىك.

سۋديا: سيزودا دارىگەرلىك ءبولىم بار، سوندا بارىڭىز، ولار بارلىق قاجەت شارالاردى قولدانادى.

سۋديا: كەشە مەنىڭ ادۆوكاتتارعا دىبىس جانە بەينەجازبالارمەن تانىسۋعا رۇقسات ەتكەنىم بەلگىلى. ماعان نوۋتبۋكتەردىڭ بىرىنەن وتكەن وتىرىستاردىڭ دىبىس جانە بەينەجازبالارى تابىلعانىن حابارلادى. كەيىن ول كومپيۋتەردىڭ ادۆوكات جۋاسپاەۆانىكى ەكەندىگى انىقتالدى. ال مەن مۇندايعا تىيىم سالعانمىن، سوندىقتان وسىعان وراي اكت جاسادىق.

جۋاسپاەۆا: مەن مالىمدەمە جاسايمىن - نەگە مەنىڭ رۇقساتىمسىز مەنىڭ كومپيۋتەرىمنىڭ ىشىنە كىرگەن؟ مەن ۇزىلىسكە كەتەردە نوۋتبۋگىمدى وسىندا قالدىرعانمىن.

سۋديا: جارايدى، ءبىز تەكسەرەمىز. بىراق سىزگە ەسكەرتەمىن - ەگەر بۇل جازبالار ينتەرنەتكە شىعاتىن بولسا، ولاردى ءسىز شىعاردىڭىز دەپ ەسەپتەيمىز. قوسىمشا كۋا ساربوپەەۆتى شاقىرىڭىز.

كونۆوي شاشى تىقىرلاپ الىنعان ەكس-اكىمدى الىپ كىرگەن.

ادۆوكات باتيەۆا: ءسىز قاي كەزدەن اكىم بولدىڭىز؟

ساربوپەەۆ: 2009 جىلدىڭ 20-اقپانىنان.

باتيەۆا: 15-16-جەلتوقسان كۇندەرى بولعان وقيعالار جونىندە نە بىلەسىز؟

ساربوپەەۆ: ءبىز تاۋەلسىزدىك كۇنىن وتكىزۋگە كوپتەن دايىندالا باستادىق. الاڭدا تۋلاردىڭ ەكى جاعىنان كيىز ۇيلەر ورناتۋدى ۇيعاردىق. بىراق الاڭدا جىگىتتەر بولدى، ولاردىڭ دا ءوز شىندىعى بار، سوندىقتان كەلىسسوز جۋرگىزۋدى شەشتىك. ولار ماعان: «اكىم مىرزا، مۇمكىن، كيىز ءۇيسىز-اق بولار؟» - دەدى، مەن: «شەشىم قابىلداندى، تىگەمىز»، - دەپ جاۋاپ بەردىم. 15-ىنە كيىز ۇيلەر يەلەرىمەن سويلەسۋگە تۋرا كەلدى، ويتكەنى ولار ءوز مۇلكى ءۇشىن قاۋىپتەندى. 10-15 ادامدى اكىمدىككە شاقىرىپ، كەپىلدىك بەردىم. «مۇنايشىلار ەشكىمگە تيىسپەيدى، ولار جەتى ايدان بەرى ءتارتىپ ساقتاپ كەلەدى»، - دەدىم. جينالىستا ءتۇرلى تسيفرلار ايتىلدى، اقىرى ەكى ميلليون تەڭگەگە توقتاپ، كەپىلدىك حاتتار دايىندادىق. 15-ىنەن 16-سىنا قاراعان تۇندە الاڭعا باردىم، تىنىش بولاتىن. 16-سىنا تاڭەرتەڭ وبلىس اكىمىنىڭ 1-ءشى ورىنباسارى ايتقۇلوۆ, وبلىستىق ۇقكد باستىعىنىڭ ورىنباسارى، قىىد باستىعى كەلدى. ارينە، دايىندالىپ جاتقان ارانداتۋلار جونىندەگى سىبىس بىزگە دە جەتتى، سودان 2-3 كۇن بۇرىن تۇسكەن ارىزدا ءبىر توپ مۇنايشى دا سونداي ەسكەرتۋ جاساعان بولاتىن. 9:30-دار شاماسىندا «ەنەرگەتيك» سپورت كەشەنىنىڭ جانىندا مەكتەپتەر مەن كوللەدجدەر وقۋشىلارى جينالىپ، ساعات 10-دا كولوننا بولىپ الاڭعا جاقىندادى. ءبىز ايتقۇلوۆ ەكەۋمىز دە سول كەزدە شىعۋعا ءتيىس ەدىك. ادام كوپ بولدى. ءبىز ساحناعا بەتتەدىك. ارتىما قاراپ، ءبىر تۇسىنىكسىز قوزعالىس بايقادىم، بىراق ءمان بەرمەدىم. كونتسەرت باستالدى. كەنەت ايقاي ەستىلدى. الدەبىر ادامدار ساحناعا قاراي جۇگىردى، بەت-جۇزدەرىن اجىراتا المادىم، كوپ-اق. پوليتسەيلەر شەبى ولاردى توقتاتا الماي، الگىلەر تۋرنيكەتتى توڭكەرىپ كەتتى. ءبىز ساحنانىڭ سىرت جاعىنان ءتۇسىپ، قالالىق ءبىلىم ءبولىمىنىڭ ءماشاناسىنا وتىردىق تا، اكىمدىككە كەتتىك.

سوندا شىرشانى ورتەگەندىگى تۋرالى مالىمەت الدىق. تەرەزەدەن «ارۋانا» قوناق ۇيىنە، ومگ-گە قاراي جۇگىرىپ بارا جاتقانداردى كوردىم، اراسىندا «قازمۇنايگاز»-دىڭ ارنايى كيىمىن كيگەندەر بولدى. قولدارىندا تاياقتار، نەگە ەكەنىن، ماعان تامىزىققا پايدالاناتىن وتىن سياقتى بولىپ كورىندى. اكىمدىككە شابۋىلدايدى دەپ ويلاماعام، بىراق تەرەزە اينەگىنىڭ سىنعان دىبىسى، ودان سوڭ جۇگىرگەن ادامدار ءدۇرسىلى ەستىلدى. ءبىز ايتقۇلوۆ ەكەۋمىز الدىمەن دەمالىس بولمەسىندە جاسىرىندىق، ودان سوڭ ەسىگى مىقتى ءبىر كىشكەنە بولمەگە اۋىستىق. سوندا وتىرىپ، ءتۇتىن ءيىسىن سەزدىك. داۋىستار بىردە جاقىنداپ، بىردە الىستاپ كەتەدى. ۇزاق ۋاقىت شىعا المادىق، سونسىن مۇمكىندىكتى پايدالانىپ، ءورت ءسوندىرۋ جولى ارقىلى توبەگە كوتەرىلىپ، شاحتادا وتىردىق. ساعات 11-لەر شاماسى بولسا كەرەك، اۆتوماتتان وق اتقانىن ەستىدىك. اۋاعا وتقان بولار دەپ ويلادىق. K'Cell بايلانىسى ءۇزىلىپ قالدى، بىراق بيلاين ىستەپ تۇردى. پوليتسيامەن بايلانىستىق. ايتقانداي، 14-15-تەرىنە جاڭاوزەنگە 100 شاقتى پوليتسەي كەلگەنىن بىلەتىنمىن. ساعات 19-داردا پوليتسەيلەر كەلىپ، ءبىزدى الىپ شىقتى. قىىد-دە ماعان كابينەت ءبولىپ بەرىپ، سوندا وتىرىپ جۇمىس ىستەدىم.

باتيەۆا: ءسىز باسشىلىققا ەڭبەك تارتىسى جونىندە جازدىڭىز با؟

ساربوپەەۆ: جوق، بىراق اۋىزشا بايانداعام.

باتيەۆا: نەگە جازباشا ەمەس، ءسىز مەملەكەتتىك قىزمەتكەرسىز عوي؟

ساربوپەەۆ: باسىما كەلمەپتى.

باتيەۆا: ارااعايىن، ەڭبەك تارتىسى بويىنشا ماماندار شاقىرۋ جونىندە ىنتا بىلدىردىڭىزبە؟

ساربوپەەۆ: بۇل بىلاي بولدى. ەرەۋىل باستالىپ كەتكەن كەزدە جاڭناوزەنگە ءبىر شەتەلدىك ايەل كەلدى، امەريكاندىق قوي دەيمىن، سونىمەن اڭگىمە ۇستىندە ءبىز كەلىسسوزدەر بويىنشا ماماندار تۋرالى ايتتىق، مەن ءتىپتى كەلىسسوزشىلدەر تابۋدى ءوتىندىم عوي دەيمىن. مىنە، وسىدان كەيىن ارااعايىندار جونىندە يدەيا پايدا بولدى. سولار رەتىندە پياستولوۆ، شاحتەرلار، «العا» پارتياسىنىڭ زاڭگەرى، سەرىك ساپارعالي بولدى. كەيىن بۇل ماسەلە پىكىرتالاس كلۋبىندا تالقىلاندى، اتىن ۇمىتتىم («سامۇرىق-قازىنا» جانىنداعى كلۋب بولسا كەرەك. - ج.ق.).

باتيەۆا: نەگە امەريكالىقتى كۇتۋ قاجەت بولدى، جالپى ارااعايىندار جونىندە قايدا ايتىلدى؟

ساربوپەەۆ: بۇل انشەيىن مەنىڭ يدەيام بولدى. ەرەۋىل كەزىندە كوپتەگەن ادامدار كەلىپ جاتتى عوي، مۇنايشىلار ءۇشىن ءبىر پايدا بولسىن دەدىم.

باتيەۆا: بۇل يدەيانىڭ ءبارىن باسقا جاققا بۇرىپ اكەتۋى مۇمكىن بولعانىن ءسىز ويلامادىڭىز با؟

ساربوپەەۆ: جوق، ولاي ويلامادىم، تەك شەشىم تاپقىم كەلدى.

باتيەۆا: جاعداي ۇشىعىپ تۇرعانىن بىلسەڭىز دە، ءسىز كيىز ۇيلەر يەلەرىنە كەپىلدىكتەر بەردىڭىز. كىمنىڭ اتىنان؟

ساربوپەەۆ: اكىمنىڭ اتىنان. بالكىم، وكىلەتتىلىگىمنەن اسقان شىعارمىن، تۇسىنەم. مەن مۇنايشىلاردىڭ ارانداتۋلارعا بارمايتىندىعىنا سەنىمدى بولدىم، قازىر دە سەنىمدىمىن. مەنىڭ ءوزىم دە ينستيتۋت بىتىرگەن سوڭ 15 جىل مۇنايدا ىستەدىم عوي.

باتيەۆا: 15-ىنە اكىمدىكتەگى جينالىستا كىمدەر بولدى؟

ساربوپەەۆ: ءوزىمىز بولدىق.

باتيەۆا: پوليتسيا بولدى ما؟

ساربوپەەۆ: جوق.

باتيەۆا: كيىز ۇيلەردى نەگە تاس تابانعا تىكتىڭىزدەر؟

ساربوپەەۆ: بۇل مەنىڭ يدەيام بولاتىن. مەن تاپسىردىم، ودان ءارى تەك ورىندادى. ماعان ايتقان، توپىراققا تىككەن دۇرىس دەپ، بىراق مەن قورقىنىشتى ەشتەڭە جوق دەدىم.

باتيەۆا: دەگەنمەن، نەگە تاس تابانعا؟ قازاقتاردىڭ كيىز ءۇيدى تاستىڭ ۇستىنە تىكپەيتىنىن ءسىز بىلەسىز عوي؟

ساربوپەەۆ: تاس تابانعا بولمايدى دەپ قايدا جازىلعان؟ ونىڭ استى دا توپىراق قوي.

باتيەۆا: قورشاۋ (وتسەپلەنيە) قايدا تۇردى؟

ساربوپەەۆ: ساحنا مەن شىرشا اراسىندا.

باتيەۆا: نەگە ءدال سولاي؟

ساربوپەەۆ: بۇل پوليتسيانىڭ شەشىمى بولسا كەرەك.

باتيەۆا: سىزدەر نەگە قورشاۋمەن مۇنايشىلاردى ءبولىپ تاستادىڭىزدار؟

ساربوپەەۆ: ولار پارادقا قاتىسۋشىلارعا ىقپال ەتەدى دەگەسىن.

باتيەۆا: 15-ىنە قوپارىلعان تاستاردى كوردىڭىز بە؟

ساربوپەەۆ: جوق.

باتيەۆا: كەلەسى كۇنى شە؟

ساربوپەەۆ: جوق، بىراق كەيىن سىنعان تاس تۇيىرلەرىن كوردىم.

ادۆوكات بيسەكەشەۆ: ناقتى كىم كيىز ۇيلەردى تۋلار اراسىنا قويۋعا كەڭەس بەرگەن؟

ساربوپەەۆ: ەسىمدە جوق.

بيسەكەشەۆ: وتكەن جىلدارى الاڭ جانىندا كوگونىس، ازىق-تۇلىك ساتاتىن جارمەڭكە وتكىزىلىپ پە ەدى؟

ساربوپەەۆ: جوق.

بيسەكەشەۆ: ولاي بولسا، ناق سول جەرلەرگە كوگونىس، ازىق-تۇلىك تيەلگەن 20 كاماز قويۋدىڭ قانداي قاجەتى بولدى؟

ساربوپەەۆ: ادامدارعا سول جەردەن ساتىپ الۋ وڭاي بولادى دەپ ويلادىق، قالانىڭ ورتاسى عوي.

بيسەكەشەۆ: مۇنايشىلار ءسىز 15-ءى كۇنى ولاردى قورقىتتى دەدى. راس پا؟

ساربوپەەۆ: ەسىمدە جوق.

بيسەكەشەۆ: ءسىزدىڭ پىكىرىڭىزشە، مۇنايشىلاردىڭ جالاقىنى 1.7, ي 1.8 كوەففيتسيەنتتەرىمەن تولەۋ جونىندەگى تالابى زاڭدى ما؟

ساربوپەەۆ: زاڭدى.

بيسەكەشەۆ: جالاقىنى كوتەرۋ ءسىزدىڭ وكىلەتتىلىگىڭىزگە جاتا ما؟

ساربوپەەۆ: مەن جالاقىنى كوتەرۋدى قولدادىم.

بيسەكەشەۆ: ءسىز مۇنايشىلاردىڭ تارتىپسىزدىكتەر دايىنداپ جاتقانىن سەزدىڭىز بە؟

ساربوپەەۆ: جوق، ناقتى ەشتەڭە ەستىگەن جوقپىن، بىراق تارتىپسىزدىكتەر تۋرالى سىبىستار بولدى.

بيسەكەشەۆ: 16-سىنا مۇنايشىلاردان الاڭدا ناقتى كىمدەردى كوردىڭىز؟

ساربوپەەۆ: ەسىمدە جوق.

بيسەكەشەۆ: ءسىز 16-سىنا 19:00-گە دەيىن اكىمدىكتىڭ توبەسىندە وتىردىڭىز، بىراق قالاي؟ عيمارات ورتەنىپ جاتتى عوي؟

ساربوپەەۆ: شاحتادا، ايتقۇلوۆپەن.

بيسەكەشەۆ: ال اكىمدىك قىزمەتكەرى قاتيرا؟..

ساربوپەەۆ: ول ءوزىنىڭ ەكىنشى قاباتتاعى كابينەتىندە بولعان، كەيىن تەرەزەدەن سەكىرگەن.

بيسەكەشەۆ: شولاق مىلتىق ۇستاعان ادامدار كوردىڭىز بە؟

ساربوپەەۆ: جوق.

بيسەكەشەۆ: ورتەنىپ جاتقان كيىز ۇيلەردى كوردىڭىز بە؟

ساربوپەەۆ: جوق.

ادۆوكات الىبيەۆ: ءسىز ەرەۋىلدەگى مۇنايشىلارعا كومەكتەستىڭىز بە؟

ساربوپەەۆ: جوق، مەن ولايعا قالايشا كومەكتەسەم؟ بىراق كوەففيتسيەنتتىڭ زاڭدىلىعى جونىندە ولارعا ايتىپ، اۋىزشا كومەكتەستىم.

الىبيەۆ: مەنىڭ ايتىپ تۇرعانىم الەۋمەتتىك كومەك، ماسەلەن، بالالار ءۇشىن؟

ساربوپەەۆ: «مەكتەپكە بارار جول» اكتسياسى شەڭبەرىندە ءبىز ناشار قامتاماسىز ەتىلگەن وتباسىلارىنىڭ، سونىڭ ىشىندە ەرەۋىلشىلەردىڭ بالالارىنا دا كومەكتەستىك. جىنە مەن بانكىلەردىڭ نەسيەلەر بويىنشا پايىزدار تولەۋ مەرزىمىن شەگەرۋىن ءوتىندىم.

الىبيەۆ: ال «جارىلقاۋ» قورى ارقىلى كومەكتەسۋگە بولاتىن با ەدى؟

ساربوپەەۆ: ول جەكە قور ، ونىڭ بەلگىلى ماقساتتارى بار - مۇگەدەكتەرگە، قاررتارعا كومەكتەسۋ. وقشا قمگ-دان ءتۇسىپ تۇردى، سونداقتان ءبىز ونى ەرەۋىلشىلەرگە كومەككە باعىتتاي المايتىن ەدىك.

الىبيەۆ: ءسىز كيىز ۇيلەر ءۇشىن اقشا تولەۋگە تىرىستىڭىز با؟

ساربوپەەۆ: يا، تىرىستىق، كيىز ۇيلەر يەلەرىنىڭ ءتىزىمىن جاساي باستادىق. بارلىعى ورتەنىپ كەتكەن جوق قوي. ساراپتاما جۇرگىزۋ كەرەك بولدى، 2 ميلليون - ولاردىڭ ايتۋى عوي. ينتەرنەتتە كيىز ۇيلەردىڭ قۇنىن انىقتاي باستادىق.

الىبيەۆ: ءسىز ىكىمدىكتە وتىرعان كەزدە تەلەفون سوقتىم دەدىڭىز. ناقتى كىمگە؟

ساربوپەەۆ: مەن ەمەس، ايتقۇلوۆ، قىىد-گە تەلەفون سوقتى.

الىبيەۆ: ءسىز اتىستى توقتاتۋدى تالاپ ەتتىڭىز بە؟

ساربوپەەۆ: ادامدارعا اتىپ جاتىر دەپ ويلاعان جوقپىز، اسپانعا اتتى دەپ ويلادىق.

ادۆوكات تاسقىنباەۆ: ءسىز ەرەۋىلشىلەرگە الاڭدا پالاتكالار قويۋعا رۇقسات بەرمەدىڭىز.

ساربوپەەۆ: ولاردىڭ جازدا ىستىقتان، قىستا سۋىقتان قورعانعىسى كەلگەنىن ءبىلدىم، بىراق بۇل قالا ورتالىعى عوي.

تاسقىنباەۆ: 100 پوليتسەي قايدان كەلدى؟

ساربوپەەۆ: مەن ولاردىڭ 14-15-ىنە كەلگەنىن ءبىلدىم، بىراق قايدان ەكەنىن بىلمەيمىن.

تاسقىنباەۆ: ولاردى ورنالاستىرۋمەن، تاماقتاندىرۋمەن كىم اينالىستى؟

ساربوپەەۆ: ولاردىڭ بىرنەشە شاعىن قوناق ۇيدە، بىرقاتارى تۋىستارىندا ورنالاسقانىن بىلەمىن، تاماقتانۋدى ومگ ۇيىمداستىردى.

تاسقىنباەۆ: وقيعالاردان كەيىن كوميسسيالار قۇرىلدى ما؟

ساربوپەەۆ: يا، ەكەۋى. بىرەۋىن وبلىس پروكۋرورىنىڭ ورىنباسارى باسقاردى، ەكىنشىسىنە قالالىقتار، ۇكىمەتتىك ەمەس ۇيىمدار كىردى.

تاسقىنباەۆ: قانشا ادامنىڭ ۇستالعانىن، جاراقات العانىن كىمگە باياندادى؟

ساربوپەەۆ: بىلمەيمىن، ماعان بايانداعان جوق.

تاسقىنباەۆ: ءسىزدىڭ پىكىرىڭىزشە، ورىن العان تارتىپسىزدىكتەر ءۇشىن كىم كىنالى؟

پروكۋرور: ءبىز قارسىمىز، كىمنىڭ كىنالى ەكەنىن كۋا ايتا المايدى.

ادۆوكات تاسكىنباەۆ: ءجاي ءوز پىكىرىڭىزدى ايتىڭىز.

ساربوپەەۆ: ءسىرا، ءبارى كىنالى شىعار. ءسىرا، مەن دە كىنالى شىعارمىن. مەن اكىم بولىپ تۋعان جوقپىن عوي. يا، مۇنايشىلارمەن ۇرىسقان كەزدەرىم دە بولدى، بىراق تاتۋلاسۋعا تىرىستىم. 14-15-جەلتوقساندا مەن پوليتسەيلەردەن سۇرادىم، بىراق ولار دا ءبارى جاقسى بولاتىنىنا سەنىمدى بولدى. مۇنايشىلاردى كىنالامايمىن. ءۇشىنشى كۇش بولدى دەپ ويلايمىن. مەنىڭ تارتىپسىزدىكتەرگە قاتىسىم جوق.

تاسقىنباەۆ: اكىمدىكتەگى ورتكە قارسى جابدىقتار جونىندە نە ايتا الاسىز؟

ساربوپەەۆ: ءورت سوندىرۋمەن ەشكىم اينالىسقان جوق.

ادۆوكات باتيەۆا: ءسىز 1.7 جانە 1.8 كوەففيتسيەنتتەرىن تولەۋ تۋرالى تالاپتاردى مانسۇقتاۋ قاسىرەتكە الىپ كەلدى دەدىڭىز...

ساربوپەەۆ: يا.

باتيەۆا: ەندەشە نەگە ماسەلەنى زاڭ بويىنشا شەشۋگە تىرىسپادىڭىز؟

ساربوپەەۆ: تىرىستىق.

باتيەۆا: حات جازدىڭىزدار؟

ساربوپەەۆ: تاتۋلاستىرۋ كوميسسياسىنىڭ جۇمىسى كەزىندە حاتتامالار تولتىرىلدا، وندا مەنىڭ قولىم بار.

باتيەۆا: ءسىز ەرەۋىلشىلەردىڭ زاڭ بىلمەستىگىن پايدالانعان جوقسىز با؟

ساربوپەەۆ: جوق.

ادۆوكات بيسەكەشەۆ: كيىز ۇيلەر يەلەرى ولاردى 15-ىنە الاڭنان شىعارماي ۇستاعانى تۋرالى ايتتى.

ساربوپەەۆ: مەن ونداي نۇسقاۋ بەرگەن جوقپىن.

ادۆوكات باتيەۆا: ءسىز تالعات ساقتاعانوۆتىڭ شەتەلگە بارعانىن بىلەسىز بە؟

ساربوپەەۆ: يا، بىلەم.

باتيەۆا: نەگە ونىمەن جولىقپادىڭىز؟ ول ناقتى ەڭبەك تارتىسى بويىنشا باردى عوي ول جاققا.

ساربوپەەۆ: باسىما كەلمەپتى.

باتيەۆا: ءسىز ايتقان ءۇشىنشى كۇش ءسىزدىڭ ادامدار ەمەس پە؟

ساربوپەەۆ: جوق.

ادۆوكات جامەنوۆ: ءسىز جۇماعاليەۆ مۇراتبايدىڭ: «زاڭ قايدا؟ ادىلەت قايدا؟» - دەپ ايقايلاعانىن ەستىدىڭىز بە؟

ساربوپەەۆ: جوق.

سوتتالۋشى دۇيسەنباەۆ: ءسىز ەرەۋىلشىلەردىڭ تاس داقتىرىپ، ورتەپ، قيراتىپ، تالقانداعانىن كوردىڭىز بە؟

ساربوپەەۆ: جوق، يتەرگەنىن كوردىم، بىراق ناقتى ەشكىم ەسىمدە قالمادى.

دۇيسەنباەۆ: ءبىز قىستا جىلىنۋ ءۇشىن الاڭدا قاردان جاساپ، ءۇي تۇرعىزدىق، ال ءسىز ونى تراكتورمەن بۇزۋعا بۇيرىق بەردىڭىز.

ساربوپەەۆ: بۇل قالانىڭ ورتاسى عوي، بىراق مەنىڭ سىزدەرگە زيان كەلتىرۋ نيەتىم بولعان جوق.

دۇيسەنباەۆ: 5-شىلدەدە ءوزىمىزدىڭ ۋوس-5 كاسىپورنىنىڭ الدىندا تۇرعاندا ءبىزدى قۋىپ تاراتتى. بۇل كىمنىڭ بۇيرىعى ەدى؟

ساربوپەەۆ: بىلمەيمىن، مەنىڭ وعان قاتىسىم جوق.

دۇيسەنباەۆ: ءبىزدى نەگە جاڭاوزەننىڭ بارلىق مەديتسينالىق مەكەمەلەردە ەمدەۋدەن باس تارتتى؟

ساربوپەەۆ: بىلمەيمىن.

سوتتالۋشى دوسماعامبەتوۆ: ءسىز تەك بۇگىن عانا مۇنايشىلار تالاپتارى زاڭدى بولدى دەپ تۇرسىز، ال بۇرىن ولاي دەمەگەنسىز.

ساربوپەەۆ: ويتكەنى «وزەنمۇنايگازدا» ولاردىڭ دۇرىستىعىن دالەلدەيتىن قۇجاتتار كورسەتتى، مەن سوعان سەندىم.

دوسماعامبەتوۆ: پرەزيدەنت نازارباەۆ بىزدىكى دۇرىس بولعانىن ايتتى، ەرەۋىل باستالعان سوڭ ءۇش اي وتكەسىن-اق جاڭاوزەنگە بارعىم كەلدى دەدى. ءسىز نەگە وعان اقپارات جەتكىزبەدىڭىز؟

ساربوپەەۆ: مەن باسشىلىقتىڭ باسىنان اتتاپ كەتە المايمىن.

دوسماعامبەتوۆ: جۇمىسشىلار اۆتوبەكەتىن قورشاۋ جونىندە بۇيرىق بەرگەن كىم؟

ساربوپەەۆ: بىلمەيمىن، مەن بۇيرىق بەرگەن جوقپىن.

دوسماعامبەتوۆ: ومگ باسشىلىعىمەن ۇناتپاۋشىلىق قارىم-قاتىناسىڭىز بولدى ما؟

ساربوپەەۆ: جوق.

سوتتالۋشى نەپەس: ءسىزدى قانداي باپپەن سوتتاپ جاتىر؟

سۋديا: بۇل سۇراققا جاۋاپ بەرمەۋىڭىزگە بولادى.

نەپەس: بىلتىر جازدا جەرگىلىكتى تەلەارنادان ءسىزدىڭ بۇكىل ايتىس-تارتىستى 50-60 ورالمان جاساپ وتىر دەگەنىڭىزدى كورسەتتى.

ساربوپەەۆ: مەن ازاماتتاردى بولمەيمىن جانە ورالمانداردى قورلاعىم كەلگەن جوق. مەنىڭ ءتىپتى تولىق جازبانى («سامۇرىق-قازىنا» جانىنداعى پىكىرتالاس كلۋبىنىڭ. - ج.ق.) كورسەتۋ جونىندە ويىم دا بولدى.

نەپەس: جازدا، ءبىز الاڭدا تۇرعان كەزدە، مەزگىل-مەزگىل الدەبىر جاس جىگىتتەر كەلىپ، 20-30 ادام، ءبىزدىڭ رۇقساتىمىزسىز ءبىزىد فوتوعا ءتۇسىرىپ ءجۇردى. ولاردى ءسىز جىبەردىڭىز بە؟

ساربوپەەۆ: مۇنى ءبىز جاعدايدى ءبىلۋ ءۇشىن جاسادىق. بىزدەن ۇكىمەت ەرەۋىلدە قانشا ادام ەكەنىن جانە ت.ب. اقپارات سۇرادى. بەينەتاسپاعا تۇسىردىك.

نەپەس: مەن باسقا ماسەلەنى ايتام، جاس جىگىتتەر تۋرالى.

ساربوپەەۆ: ول، شاماسى، اكىمدىكتىڭ جاس ماماندارى بولسا كەرەك.

نەپەس: ءسىز ااتقۇلوۆتىڭ تەرىس سوزدەرىن نەمەسە ءىس-ارەكەتتەرىن بايقامادىڭىز با؟ ول ۇنەمى ءبىزدى باسىپ تاستاۋعا تىرىسىپ، بارلىق ىستەرگە قىستىرىلدى عوي.

ساربوپەەۆ: ەندى، ول ءبىزدىڭ كۋراتورىمىز بولدى عوي، ءتىپتى بىلمەيمىن...

نەپەس: ءسىز 16-سىنان كەيىن يۆس-كە بارمادىڭىز با؟ بىلگىڭىز كەلمەدى مە؟

ساربوپەەۆ: ماعان، ۇستالعاندار يۆس-كە سىيماي جاتىر، سوندىقتان گاراجعا دا ورنالاستىرۋدا، ودان سوڭ اقتاۋعا اتتاندىرا باستادى دەپ ايتقان.

سوتتالۋشى تولەتاەۆا: ءسىز ومگ-دە قوسالقى بۋحگالتەريا جۇرگىزۋى مۇمكىن دەگەندى ەستىدىڭىز بە؟

ساربوپەەۆ: يا، ەستىدىم، مەنىڭ كەزىمدە استاناداعى قمگ ادامدارىنىڭ ءوزى «جيروۆكاداعى» ءارتۇرلى مالىمەتكە نازار اۋدارسا دا، ومگ باسشىلىعى مۇنى تەرىسكە شىعاردى. مەن انىقتاۋعا تىرىستىم.

سوتتالۋشى دۇيسەنباەۆ: ءسىز كيىز ۇيلەر ءۇشىن 2 ميلليون تەڭگە كەپىلدىك بەردىڭىز، ال ادام ءولىمى ءۇشىن 1 ميلليون تەڭگەدەن بەردى. وسى دۇرىس پا؟

ساربوپەەۆ: بۇل تسيفردى مەن ەمەس، ۇكىمەت بەلگىلەدى.

دۇيسەنباەۆ: ادام ءومىرى 1 ميلليون تۇرا ما؟

پروكۋرور: ءبىز بۇل سۇراققا قارسىمىز.

دۇيسەنباەۆ: مەنىڭ اكەمدى ءولتىردى، مەنى جانە قارىنداسىمدى سوتتاپ جاتىر، جانە دە ونى جاراقاتتادى. ادامدارعا اتۋ دۇرىس پا؟

ساربوپەەۆ: دۇرىس ەمەس، ءومىر 1 ميلليون تەڭگە تۇرۋى مۇمكىن ەمەس.

تولەتاەۆا: ادامدارعا وق اتۋعا كىم بۇيرىق بەرگەن؟

سۋديا: بۇل سۇراقتى الىپ تاستايمىن.

ادۆوكات الىبيەۆ: سىزگە 16-سىندا قارۋ قولدانۋ مۇمكىندىگى تۋرلى ايتتى ما؟ ول كەزدە 100 پوليتسەي كەلدى عوي.

ساربوپەەۆ: جوق.

تولەتاەۆا: ءسىزدىڭ پىكىرىڭىز - اتۋعا كىم بۇيرىق بەردى؟

ساربوپەەۆ: مەن بۇل جونىندە ۇزاق ويلاندىم. بىلمەيمىن.

پروكۋرور: ءسىزدىڭ  كابينەتىڭىز ورتەندى مە؟

ساربوپەەۆ: سىرتقى بولمەدە بولعاندا كۇيىك ءيىسىن سەزدىم.

پروكۋرور: ەگەر ءسىزدى تارتىپسىزدىكتەر كۇنى ۇستاپ العاندا، سىزگە نە ىستەر ەدى؟

سۋديا: بۇل سۇراقتى الىپ تاستايمىن.

پروكۋرور: سوتتالۋشىلاردىڭ ءبىرى، بالالار ۇيىندە تاربيەلەنۋشى، ولار اكىمدىككە بارعاندا ءسىز: «مەن «ايت» دەسەم، سەندەردى پارشالاپ تاستايدى»، - دەدى دەگەن. بۇل رام پا؟

ساربوپەەۆ: جوق.

پروكۋرور: ءسىز ايتتىڭىز: «مۇنايشىلاردىڭ ءوز شىندىعى بار»، - دەپ. قانداي؟

ساربوپەەۆ: جالاقى بويىنشا، ەڭبەك تارتىسى بويىنشا.

پروكۋرور: ساقتاعانوۆتىڭ شەتەلگە قانداي ماقساتپەن بارعانىن بىلەسىز بە؟

ساربوپەەۆ: جوق.

پروكۋرور: مۇنايشىلاردان كىم ءسىزدىڭ جەكە قابىلداۋىڭىزدا بولدى؟

ساربوپەەۆ: ەشكىم.

ادۆوكات تولەۋقۇلوۆ: تارتىپسىزدىك كۇندەرى قازا بولعاندار مەن رالانعانداردىڭ سانىن ايتا الاسىز با؟

پروكۋرور: بۇل ماسەلەنىڭ قارالىپ جاتقان ىسكە قاتىسى جوق (سوتتالۋشىلار، زالداعىلار: «ايتسىن، ايتسىن!» - دەپ شۋلاپ كەتكەن).

سۋديا: بۇل مالىمەتتەر قۇپيا ەمەس.

ساربوپەەۆ: 16 ادام ولتىرىلگەن، 100-گە تارتا جارالانعان.

سۋديا: سول كۇندەرى ءسىز قىىد-نىڭ گاراجىنا باردىڭىز با؟ (زالداعى ءبىر كەكسە ايەل: «ايت، ادامداردى قالاي ازاپتاعانىن سەن كوردىڭ عوي»).

ساربوپەەۆ: جوق.

سۋديا: سىزگە جانىپ كەتكەن كيىز ۇيلەر سانى بەلگىلى مە؟

ساربوپەەۆ: 5-6.

سۋديا: الاڭنان سوڭعى كيىز ءۇيدى قاشان الىپ كەتتى؟

ساربوپەەۆ: ەسىمدە جوق.

ودان سوڭ سۇرالعان كۋا،  مەكتەپ مۇعالىمى نارىنباەۆا يباش ءوزىنىڭ تەرگەۋ كەزىندە: «مۇنايشىلار وقۋشىلاردىڭ شەرۋىنە كەدەرگى كەلتىرۋگە تىرىستى»، - دەپ بەرگەن كورسەتۋىنەن باس تارتقان.

قورعانىس تاراپىنىڭ قوسىمشا كۋاسى مارجان اسپاندياروۆا سوتتالۋشىلاردىڭ كىناسى جوق ەكەندىگىنە كۋالىك بەرەتىندىگى، شىن كىنالىلەر ساربوپەەۆ، قۇلىباەۆ، ءماسىموۆ، نازارباەۆ ەكەندىگى، سولار جاۋاپقا تارتىلمايىنشا بۇل 37 ادامدى سوتتاۋمەن ءىس بىتپەيتىندىگى، قوعامدىق ۇيىمداردىڭ ەرەۋىلشىلەرگە زاڭگەرلەر ارقىلى كومەكتەسۋگە تىرىسقاندىعى تۋرالى ايتا كەلىپ، سۋدياعا پىكىرتالاس كلۋبىنىڭ بەينەجازباسىن سۇراتۋ جونىندە تالاپ-تىلەك جاساعان. سۋديا: «جاقسى»، - دەپ، ءۇزىلىس جاريالاعان.

اسپاندياروۆانى سۇراۋ كەزىندە ادۆوكات باتيەۆا، بىرىنشىدەن: «ول تەك تولەتاەۆا جونىندە ايتسىن، باسقا سوتتالۋشىلار جونىندە ايتپاسىن»، - دەپ شەكتەۋ قويىپ، ەكىنشىدەن: «ءسىز: «ەرەۋىلدى مانسۇقتاۋ قانتوگىسكە اكەلەدى»، - دەپ ەسكەرتتىم دەدىڭىز، سوندا ءسىز مۇنى بىلگەنسىز بە؟» - دەپ، جۇرتتىڭ اشۋ-ىزىسىن تۋعىزۋى سالدارىنان زالداعىلار بىرنەشە رەت: «باتيەۆا، كەت! باتيەۆا، شىعىپ كەت!» - دەپ ايقايلاعان.

 

ۇزىلىستەن كەيىن سۇرالعان «قاراساەۆ ايبەك» لاقاپ اتتى كۋا تەرگەۋ كەزىندە سوتتالۋشى وتەبەكوۆ جانايدار جونىندە: «پوليتسەيلەرگە جانعىش شولمەك، تاس لاقتىردى، قارسىلىق كورسەتتى»، - دەپ بەرگەن كورسەتۋىن قايتالاعان، بىراق قويىلعان سۇراقتاردىڭ بارلىعىنا دەرلىك («وتەبەكوۆتىڭ كيىمى، بويى، شاشى، ءوڭى قانداي، ءسىزدى پوليتسياعا قالاي شاقىردى؟» جانە ت.ب.) «ەسىمدە جوق»، «بىلمەيمىن» دەپ جاۋاپ بەرگەن.

ودان سوڭ سۇرالعان «مۇرات» لاقاپ اتتى كۋا «پوليتسەيلەرگە شابۋىل جاساعان سوتتالۋشىلار دوسماعامبەتوۆ، نەپەس، قوسبارماقوۆ، جارىلعاسىنوۆ، اقجىگىتوۆ، دۇيسەنباەۆ، ەرعازەۆ، تولەتاەۆا» تۋرالى بۇرىنعى كورسەتۋلەرىن قايتالاعان جانە ول دا قويىلعان سۇراقتارعا نە «بىلمەيمىن»، «ەسىمدە جوق» دەپ جاۋاپ بەرگەن، نە مۇلدە جاۋاپ بەرۋدەن باس تارتقان، سوندىقتان ادۆوكات جامەنوۆ ونى كۋالار قۇرامىنان شىعارىپ تاستاۋ جونىندە تالاپ-تىلەك جاساعان.

ەڭ سوڭىنان سۇرالعان ايىپتاۋشى تاراپتىڭ قوسىمشا كۋاسى - پوليتسيا تەرگەۋشىسى ونەروۆ ەلجان.

پروكۋرور: ءسىز كۋا بوجەنكونى نەشە رەت سۇرادىڭىز؟

ءونەروۆ: مەن بوجەنكونى بىلمەيمىن.

پروكۋرور: كىمدى سۇرادىڭىز؟

ونەروۆ: «ورازباەۆ المازدى», ياعني، جايلىحانوۆ ەرلاندى.

پروكۋرور: ول لاقاپ اتتى ءوزى تاڭدادى ما؟

ونەروۆ: يا، ودان كەيىن سوتتالۋشى ەرمۇقانوۆتىڭ تۋىستارى  جايلىحانوۆتى قورقىتقانى ايقىندالدى.

پروكۋرور: جايلىحانوۆتان نەشە رەت كورسەتۋلەر الدىڭىز؟

ءونەروۆ: ەكى رەت. ماعان ەرمۋقانوۆتىڭ تۋىستارى جايلىحانوۆتى نوتاريۋسقا الىپ بارىپ، باس پروكۋرورعا حات قۇراستىرعانى بەلگىلى بولدى. جايلىحانوۆ ول حاتتى قىسىممەن جازعان.

پروكۋرور: ءسىز نوتاريۋستان كورسەتۋلەر الدىڭىز با؟

ءونەروۆ: يا، الدىم.

سوتتالۋشى دوسماعامبەتوۆ: 20-جەلتوقساندا مەنى تەرگەۋشىلەر جاۋاپتادى، ءسىز ولاردىڭ مەنى قورقىتىپ، قۇلاعىمدى ستەپلەرمەن قىسقانىن كوردىڭىز بە؟

ونەروۆ: جوق، كورگەن جوقپىن.

دوسماعامبەتوۆ: جوق، كوردىڭىز.

ونەروۆ: بۇل وتىرىك.

دوسماعامبەتوۆ: سەن جانە سيزوعا كەلىپ، ءبىزدى قورقىتتىڭ، بىزگە قارسى جاڭا ايىپتاۋلار جاسالدى دەدىڭ. قۇرمەتتى سۋديا، وعان سەنۋگە بولمايدى.

درۋگيە پودسۋديمىە: قۇرمەتتى سۋديا، ونەروۆ 16-17-جەلتوقساندا جاڭاوزەندە بولعان جوق، ال ءسىز ۇنەمى - كۋالار تەك جاپپاي تارتىپسىزدىكتەر بويىنشا كەرەك دەيسىز. قۇرمەتتى سۋديا، ونەروۆ پەن جايلىحانوۆتى بەتتەستىرۋدى تالاپ ەتەمىز.

ادۆوكات ءالءىبيەۆ: جايلىحانوۆقا نەگە ادۆوكات بەرمەدىڭىز؟

ءونەروۆ: قاجەت ەمەس دەپ ەسەپتەدىك.

الىبيەۆ: ءسىز ايتاسىز، جايلىحانوۆقا ەرمۋقانوۆتىڭ تۋىستارى تاراپىنان جاسالعان قىسىم جونىندە بەلگىلى بولدى دەپ،  ولاي بولسا نەگ قىلمىستىق ءىس قوزعامادىڭىز، ەشقانداي شارا قولدانبادىڭىز؟ جايلىحانوۆ ول كەزدە 100-ءشى باپتىڭ قورعاۋىندا بولدى عوي؟

ونەروۆ: نە ايتىپ تۇرعانى تۇسىنىكسىز.

ءالءىبيەۆ: ءسىز مەنى تۇسىنبەدىڭىز. مىنە، قپك-دا جازىلعان: 100-ءشى باپتى قولدانۋ ءۇشىن كۋاعا نەمەسە ونىڭ تۋىستارىنا ناقتى قاۋىپ ءتونۋى كەرەك. ناقتى قاۋىپ بولدى ما؟

ءونەروۆ: بولدى.

ءالءىبيەۆ: جاقسى، ءسىز 100-ءشى باپتى قولداندىڭىز. بىراق كۋا جايلىحانوۆقا ەرمۇقانوۆتىڭ تۋىستارى قىسىم كورسەتە باستاعاندىعى جونىندە سىزگە بەلگىلى بولعان كەزدە نەگە سول تۋىستارعا قارسى قىلمىستىق ءىس قوزعامادىڭىز؟

ءونەروۆ: قوزعامادىم.

ءالءىبيەۆ: نەگە؟

ءونەروۆ ۇندەمەگەن.

الىبيەۆ: جارايدى، مىنە، ءسىز ايتاسىز، ەرمۇقانوۆتىڭ اناسى كۋامەن بىرگە قازاقستاننىڭ باس پروكۋرورىنا حات جازعاندىعى سىزگە بەلگىلى بولدى دەپ. سوندى ءسىز مۇنى قىسىم، قورقىتۋ دەپ ەسەپتەيسىز بە؟

ونەروۆ ۇندەمەگەن.

الىبيەۆ: سىزگە قىسىم تۋرالى بەلگىلى بولدى دەيسىز، ەندەشە نەگە ءسىز كۋاعا تولىق قاۋىپسىزدىك قامتاماسىز ەتپەدىڭىز؟ الدە وعان لاقاپ ات بەرۋمەن شەكتەلۋدى ۇيعاردىڭىز با؟

سۋديا: تەرگەۋشى مۇنىمەن اينالىسۋعا ءتيىس ەمەس.

الىبيەۆ: قۇرمەتتى سۋديا، كۋا ءۇشىن جاۋاپ بەرمەڭىز.

سۋديا: مەن سىزگە زاڭدى ءتۇسىندىرىپ وتىرمىن.

الىبيەۆ: ماعان ءوزىم بىلەتىن نارسەنى ءتۇسىندىرۋدىڭ قاجەتى جوق. كۋا ونەروۆ، ءسىز جايلىحانوۆتىڭ جاۋاپتارىن باسقا ادامداردىڭ كورسەتۋلەرىمەن سالعاستىردىڭىز با، ولار ۇيلەسە مە؟

ءونەروۆ: ەسىمدە جوق.

الىبيەۆ: ەسىڭىزگە سالايىن، ءسىز ىستە ەرمۇقانوۆ قىلمىس جاساعاندىعىن تەرىسكە شىعارادى دەپ جازاسىز، ال جايلىحانوۆتان باسقا كۋا جوق. كورشىلەرى مەن تۋىستارى ەرمۇقانوۆتى مۇلدە باسقا جەردە كوردىك دەيدى، ءسىز نەگە ولارعا سەنبەيسىز؟

ونەروۆ: ولار ەرمۇقانوۆتىڭ الاڭعا قاراي بارا جاتقانىن كوردىك دەدى عوي.

ادۆوكات سارسەمبينا: ءوزىڭىزدىڭ جۇمىس ساعاتتارىڭىزدى ايتىڭىزشى؟

ءونەروۆ: جاڭاوزەندە مە؟

سءارسەمبينا: يا.

ءونەروۆ: تاڭعى 9:00-دە باستايمىن، ودان سوڭ جاعدايعا قاراي.

سارسەمبينا: ىستە ءسىزدىڭ كۋا جايىلحانوۆتى سۇراۋدى 22-جەلتوقسان كۇنى 22:35-تە باستاپ، تۇنگى 1:35-تە اياقتاعانىڭىز جازىلعان. تۇندە جاۋاپتاۋدىڭ قانداي قاجەتتىلىگى بولدى؟ جاڭاوزەندە كومەندانت ساعاتى جۇمىس ىستەيتىنىن بىلە تۇرا، ءسىز كۋانى 1.35-تە جىبەرەسىز دە، ۇيىنە جەتكىزىپ سالمايسىز، ال ونى سول ءتۇنى وموندىقتار ۇستاعان. ونىڭ ايتۋىنشا، سودان سوڭ ونى ۇرىپ-سوققان. ونىڭ ۇستىنە قپك سۇراۋلاردى كۇندىزگى ۋاقىتتا جۇرگىزگەن دۇرىس دەيدى.

ونەروۆ: ول كەزدە جۇمىس وتە كوپ بولدى، كۇندىز ۇلگەرمەي جاتتىق.

الىبيەۆ: ءىس ماتەريالدارىندا كۋا جايلىقانوۆتى، جانە تاعى دا سونى، بىراق «ورازباەۆ الماز» لاقاپ اتىمەن، ءبىر مەزگىلدە ەكى تەرگەۋشىنىڭ - ءسىز بەن بيازبەكوۆتىڭ سۇراعانى كورسەتىلگەن. سوندا بۇل قالاي، زاڭسىزدىق قوي؟

ءونەروۆ: بىلمەيمىن.

الىبيەۆ: قۇرمەتتى سۋديا، كۋا «ورازباەۆ المازدىڭ» كورسەتۋلەرىن دالەلدەردەن الىپ تاستاۋ جونىندە تالاپ-تىلەك جاسايمىن، ويتكەنى پروتسەسسۋالدىق نورمالار بۇزىلعان، ونىڭ ۇستىنە لاقاپ اتتى كۋانىڭ انكەتالىق مالىمەتتەرى سالىنعان كونۆەرت اشىلدى. ۋۆاجاەمىي سۋديا حوداتايستۆۋيۋ يسكليۋچيت پوكازانيا سۆيدەتەليا «ورازباەۆا المازا» يز دوكازاتەلستۆ، تاك كاك بىلي نارۋشەنى پروتسەسسۋالنىە نورمى، تەم بولەە ۆى راسكرىلي كونۆەرت س انكەتنىمي داننىمي سۆيدەتەليا پود پسەۆودنيموم (وسى ۋاقىت بويىنا سۋديانىڭ قولىندا مورلەر باسىلعان سارى ءتۇستى قاعاز كونۆەرت بولعان، ول ودان ءالسىن-ءالسىن بىردەڭەنى الىپ، قايتادان سالىپ وتىرعان. ال كەشە پروكۋرورلار اشىلعان كۋالاردىڭ انكەتالىق مالىمەتتەرىن تەك جارىسسوزدەن كەيىن عانا سالىستىرۋعا بولادى دەگەن).

پىكىرلەردى سۇراعان سوڭ (پروكۋرورلار قارسى بولعان) سۋديا بۇل تالاپ-تىلەكتى اشىق قالدىرىپ، بۇگىن كەلمەگەن جابىرلەنۋشى ەشمانوۆتى ماجبۇرلەپ كەلتىرۋ ءۇشىن  2-مامىردىڭ ساعات 10:00-ىنە دەيىن ءۇزىلىس جاريالاعان.

جاسارال قۋانىشالين،

حالىقارالىق «جاڭاوزەن-2011» كوميتەتىنىڭ

اقپاراتتىق توپ جەتەكشىسى.

الماتى قالاسى،

2012 جىلدىڭ 01-مامىرى.

«اباي-اقپارات»

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3508