بەيسەنبى, 24 ماۋسىم 2021
1317 0 پىكىر 10 مامىر, 2021 ساعات 14:07

«ۇلكەن جەتىلىك» ەلدەرى رەسەيلىك پروپاگاندامەن كۇرەسپەك

«ۇلكەن جەتىلىكتىڭ» قاتىسۋشىلارىنا (G7) بەلگىلى ءبىر مەحانيزمدى قولدانا وتىرىپ، رەسەيلىك ۇگىت-ناسيحاتپەن كۇرەسۋ ۇسىنىلدى. بۇل تۋرالى جەكسەنبى، 2 مامىردا ۇلىبريتانيانىڭ سىرتقى ىستەر ءمينيسترى دومينيك رااب مالىمدەدى.

وسىلايشا، G7 ەلدەرى «ۇگىت-ناسيحات جانە دەزينفورماتسيا» سالاسىندا جەدەل جاۋاپ بەرىپ، رەسەيدى ۇستاۋعا مۇمكىندىك بەرەتىن ۇجىمدىق مەحانيزمدى ۇيىمداستىرۋ مۇمكىندىگىن قاراستىرعالى وتىر. رااب G7 «فەيك جاڭالىقتار، جالعاندىق پەن پروپاگاندا» پايدا بولعان كەزدە رەسەي، قىتاي جانە بۇكىل الەم ازاماتتارى تەرىسكە شىعارىپ، شىندىققا جاناساتىن فاكتىلەردى ۇسىنۋ ءۇشىن ۇجىمدىق ارەكەت ەتۋ كەرەك دەپ ءتۇسىندىردى.

سىرتقى ىستەر ءمينيسترى سونىمەن قاتار رەسەي مەن قىتاي باتىس ەلدەرىندە سەنىمسىزدىك تۋعىزۋعا تىرىسىپ جاتقانىن اتاپ ءوتتى. ول وسىنداي ەلدەر بەلسەندى تاراتقان جالعان اقپاراتتى ەسكە ءتۇسىردى. مىسالى، COVID-19 ۆاكتسينالارىنا قاتىستى، سايلاۋعا ارالاسۋ نەمەسە جاڭالىقتار لەنتاسى تۋرالى.

3 جانە 5 مامىردا G7 سىرتقى ىستەر مينيسترلەرى لوندوندا كەزدەسكەن. بۇل سوڭعى ەكى جىلداعى العاشقى بەتپە-بەت كەزدەسۋ. ءىس-شاراعا سونىمەن قاتار ەۋروپالىق ديپلوماتيانىڭ باسشىسى حوسەپ بوررەلل جانە اۆستراليا، وڭتۇستىك افريكا، ءۇندىستان جانە وڭتۇستىك كورەيا وكىلدەرى قاتىسادى.

ساۋىردە اقش مەملەكەتتىك دەپارتامەنتىنىڭ وكىلى نەد پرايس رەسەيدى ۋكرايناعا قارسى پروپاگاندا جاسادى دەپ ايىپتادى. ونىڭ ايتۋىنشا، اقش رەسەي قاۋپىنەن قورعاۋ ءۇشىن ۋكراينانى قولداي بەرەدى.

Abai.kz

0 پىكىر