جۇما, 29 ناۋرىز 2024
بيلىك 3939 4 پىكىر 5 مامىر, 2021 ساعات 15:12

ماجىلىستە پرەزيدەنتتىك ساياسي رەفورمالار پاكەتتەرىنىڭ نەگىزگى زاڭ جوبالارى قارالدى

ءماجىلىستىڭ پلەنارلىق وتىرىسىندا پرەزيدەنتتىك ساياسي رەفورمالار پاكەتتەرىن جۇزەگە اسىرۋ بويىنشا نەگىزگى زاڭ جوبالارى قارالدى. اتاپ ايتقاندا، ءماجىلىس دەپۋتاتتارى «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ كونستيتۋتسيالىق زاڭىنا وزگەرىستەر مەن تولىقتىرۋلار ەنگىزۋ تۋرالى» كونستيتۋتسيالىق زاڭ جوباسىن جانە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سايلاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ىلەسپە زاڭ جوباسىن ءبىرىنشى وقىلىمدا قابىلداعان بولاتىن.

بۇدان بولەك، 13 ساۋىردە، ءماجىلىستىڭ زاڭناما جانە سوت-قۇقىقتىق رەفورما كوميتەتىندە اتالعان زاڭ جوبالارىنىڭ تانىستىرىلىمى ءوتتى. ودان كەيىن بۇل قۇجاتتار بويىنشا جۇمىس توبىنىڭ 12 وتىرىسى وتكىزىلدى. زاڭ جوبالارىن تالقىلاۋعا ۇلتتىق قوعامدىق سەنىم كەڭەسىنىڭ مۇشەلەرى مارات شيبۋتوۆ، Rakhim Oshakbayev, اندرەي چەبوتاريوۆ، Marat Bashimov, ەلدار جۋماگازيەۆ جانە باسقا ازاماتتار قاتىستى.

وسى ايتىلعان قۇجاتتار اۋىل اكىمدەرىن تىكەلەي سايلاۋ، ساياسي پارتيالاردىڭ ماجىلىسكە ءوتۋى ءۇشىن بەلگىلەنگەن شەكتى باعامدى 7-دەن 5 پايىزعا دەيىن تومەندەتۋ جانە بارلىق دەڭگەيدەگى سايلاۋ بيۋللەتەندەرىنە «بارشاعا قارسى» باعانىن قوسۋ ماسەلەسىنە قاتىستى قولدانىستاعى زاڭناماعا وزگەرىستەر ەنگىزۋدى كوزدەيدى.

وسىعان وراي «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ كونستيتۋتسيالىق زاڭىنا وزگەرىستەر مەن تولىقتىرۋلار ەنگىزۋ تۋرالى» كونستيتۋتسيالىق زاڭ جوباسىنا سايكەس اۋىل اكىمدەرىنىڭ سايلاۋىن تاعايىنداۋ جانە وتكىزۋ، كانديداتتاردى ۇسىنۋ جانە تىركەۋ، كانديداتتارعا قويىلاتىن تالاپتار جانە باسقا دا ماسەلەلەر بويىنشا قولدانىستاعى زاڭناماعا تۇزەتۋلەر ەنگىزۋ جوسپارلانىپ وتىر.
ال، «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سايلاۋ ماسەلەلەرى بويىنشا وزەرىستەر مەن تولىقتىرۋلار ەنگىزۋ تۋرالى» زاڭ جوباسىندا «قازاقستان رەسپۋبليكاسىنداعى جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى»، «قازاقستان رەسپۋبليكاسىنىڭ مەملەكەتتىك قىزمەتى تۋرالى»، «ساياسي پارتيالار تۋرالى» زاڭدارعا جاڭا نورمالار ەنگىزۋ كوزدەلگەن.

وسى وزگەرىستەر مەن تولىقتىرۋلار قولدانىستاعى زاڭناماعا ەنگىزىلگەننەن كەيىن اۋىل اكىمدەرىن تىكەلەي سايلاۋدىڭ جالپىعا ورتاق ءتارتىبى بەلگىلەنەدى. جالپى، 4 جىل ىشىندە 2345 اكىمدى، سونىڭ ىشىندە 2021 جىلى 836 اكىمدى سايلاۋ جوسپارلانىپ وتىر.

بۇل نورمالاردىڭ قابىلدانۋى ساياسي باسەكەنى دامىتۋعا جانە ازاماتتاردىڭ ساياسي بەلسەندىلىگىن ارتتىرۋعا سەپتىگىن تيگىزەدى.

ەرلان قارين

Abai.kz

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1572
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2267
عيبىرات

قايسار رۋحتى عازيز جان

مۇحتار قۇل-مۇحاممەد 3567