2024 جىلدىڭ 1 قاڭتارىنان باستاپ زاڭدى تۇلعالاردىڭ باسشىلارى مەن قۇرىلتايشىلارى، سونداي-اق جەكە كاسىپكەرلەر مەن ولاردىڭ جۇبايلارى ءۇشىن دەكلاراتسيا ەنگىزىلەدى. بۇل تۋرالى قر قارجى مينيسترلىگى مالىمدەدى. 

جالپىعا بىردەي دەكلاراتسيالاۋ كەزەڭ-كەزەڭىمەن جۇزەگە اسىرىلادى. الدىمەن مەملەكەتتىك قىزمەتشىلەردەن باستاپ، كەيىن بارلىق ازاماتتار قامتىلادى.

سونىمەن، اعىمداعى جىلدىڭ 1 قاڭتارىنان باستاپ دەكلاراتسيانى مەملەكەتتىك قىزمەتشىلەر مەن ولارعا تەڭەستىرىلگەن ادامدار جانە ولاردىڭ جۇبايلارى تاپسىرا باستادى.

2023 جىلدىڭ 1 قاڭتارىنان باستاپ مەملەكەتتىك مەكەمەلەر مەن كۆازيمەملەكەتتىك سەكتور قىزمەتكەرلەرى جانە ولاردىڭ جۇبايلارى تاپسىرادى.

ال 2025 جىلدىڭ 1 قاڭتارىنان باستاپ - ازاماتتاردىڭ قالعان ساناتتارى كىرىستەرىن جاريالايتىن بولادى.

«مۇنداي باقىلاۋ جۇيەسى كولەڭكەلى ەكونوميكاعا جانە سىبايلاس جەمقورلىق كورىنىستەرىنە قارسى تۇرۋعا باعىتتالعان، سونىمەن قاتار بيۋدجەتكە قوسىمشا كىرىستەردىڭ تۇسۋىنە ىقپال ەتەدى. سونىمەن بىرگە، سالىق سالىناتىن بازانى ازايتۋ ماقساتىندا جەكە تۇلعالار الەۋمەتتىك سالىق شەگەرىمدەرىن قولدانا الادى. بۇل ازاماتتارعا ءتيىستى شىعىستار بولعان جاعدايدا تابىس سالىعىنىڭ مولشەرىن ازايتۋعا مۇمكىندىك بەرەدى», - دەدى ە.جاماۋباەۆ

Abai.kz