بەيسەنبى, 28 ناۋرىز 2024
جەر داۋى 4405 1 پىكىر 29 ءساۋىر, 2021 ساعات 14:07

سەناتتاعى جەر تۋرالى زاڭ. حالىق تالابى ەسكەرىلدى مە؟

سەنات جەر قاتىناستارى بويىنشا اۋىلشارۋاشىلىق جەرلەرىن شەتەلدىكتەرگە ساتۋعا تىيىم سالۋدى كوزدەيتىن زاڭ جوباسىنا وزگەرىستەر ەنگىزىپ، ونى ماجىلىسكە قايتاردى، دەپ جازدى باق.  

ناقتىراق ايتقاندا، سەناتورلار جەر كودەكسىنىڭ 48 جانە 128-باپتارىنا وزگەرىستەر ەنگىزگەن. ول بويىنشا، ەندى جەكە ورمان ءوسىرۋ ءۇشىن جەر تەك قازاقستان رەسپۋبليكاسىنىڭ ازاماتتارىنا جانە ەشقانداي شەتەلدىك تۇلعانىڭ قاتىسى جوق قازاقستان رەسپۋبليكاسىنىڭ زاڭدى تۇلعالارىنا بەرىلەتىن بولدى. زاڭ جوباسىنىڭ قالعان بولىگى وزگەرىسسىز قابىلدانعان.

بۇل - قر پرەزيدەنتى قاسىم-جومارت توقاەۆتىڭ زاڭنامالىق باستاماسى نەگىزىندە دايىندالعان. ونىڭ ماقساتى:

- شەت ەلدىكتەرگە،

- ازاماتتىعى جوق ادامدارعا،

- شەتەلدىك زاڭدى تۇلعالارعا،

- قازاقستانداعى شەت ەلدىك تۇلعالاردىڭ قاتىسى بار ازاماتتارعا،

- حالىقارالىق ۇيىمدارعا،

- شەت ەلدىك قاتىسى بار عىلىمي ورتالىقتارعا،

- قانداستارعا اۋىل شارۋاشىلىعى ماقساتىنداعى جەر ۋچاسكەلەرىن جەكە مەنشىككە بەرۋگە جانە ۋاقىتشا جەر پايدالانۋ قۇقىعىنا تىيىم سالۋ.

شەتەلدىك جەر پايدالانۋشىلارعا جانە شەتەلدىك ۇلەسى بار بىرلەسكەن كاسىپورىندارعا اۋىل شارۋاشىلىعى ماقساتىنداعى جەر ۋچاسكەلەرىنە قۇقىق بەرۋ ماسەلەلەرىن رەتتەيتىن نورمالار، سونداي-اق، قانداستار جەر زاڭناماسىنان الىنىپ تاستالدى.

زاڭ جوباسىندا، سونداي-اق، جوعارىدا اتالعان جەر پايدالانۋشىلارعا جالداۋ نەگىزىندە 2016 جىلدىڭ 1 شىلدەسىنە دەيىن بەرىلگەن اۋىلشارۋاشىلىق ماقساتىنداعى جەرلەرگە ۋاقىتشا جەر پايدالانۋ قۇقىعى جالداۋ كەلىسىمشارتى اياقتالعانعا دەيىن كۇشىندە بولادى جانە ول قايتادان جاڭارتىلمايدى.

بۇگىنگى كۇنگە دەيىن 74,4 مىڭ گا اۋىلشارۋاشىلىق جەرلەرى جەتى بىرلەسكەن كاسىپورىننان جالعا الىنعان.

- شەتەلدىك كومپانيالاردىڭ اۋىلشارۋاشىلىق ماقساتىنداعى جەرلەردى جالداۋ شارتىن اياقتاۋ مەرزىمى 2022 جىلدان 2025 جىلعا دەيىن اياقتالادى. سايكەسىنشە، اياقتالعاننان كەيىن جالداۋ شارتتارى جاڭا مەرزىمگە ۇزارتىلمايدى، ويتكەنى بۇگىن تالقىلانىپ جاتقان زاڭ جوباسى شەتەلدىك جەر پايدالانۋشىلارعا جانە ءارتۇرلى بىرلەسكەن كاسىپورىندارعا جەر بەرۋگە تولىق تىيىم سالۋدى كوزدەيدى, - دەدى اۋىل شارۋاشىلىعى ءمينيسترى ساپارحان وماروۆ.

زاڭ جوباسى جەر كودەكسىنە جانە ءۇش زاڭعا، ونىڭ ىشىندە كوشى-قون زاڭىنا وزگەرىستەر ەنگىزەدى.

اتالعان اقپارات جونىندە قر سەناتىنىڭ سايتىندا: «اۋىلشارۋاشىلىق ماقساتىنداعى جەرلەردى شەتەلدىكتەرگە ساتۋعا جانە جالعا بەرۋگە زاڭمەن تىيىم سالىنادى», دەپ قانا جازىلعان. وعان سايكەس، وسى زاڭ جوباسىندا ەگەر مەنشىك يەسى بولىپ تابىلاتىن تۇلعانىڭ قازاقستان ازاماتتىعى توقتاتىلعان نەمەسە قازاقستان رەسپۋبليكاسىنىڭ زاڭدى تۇلعاسىنا شەتەلدىكتەر مۇشە بولعان جاعدايدا اۋىل شارۋاشىلىعى جەرلەرىن يەلىكتەن شىعارۋ ءراسىمى دە قاراستىرىلعانى ايتىلىپتى.

ايتا كەتەيىك، زاڭ قابىلدانعاننان كەيىن دە ەلىمىزدە جەر ماسەلەلەرىن زاڭنامالىق رەتتەۋدى جەتىلدىرۋ جۇمىستارى جالعاسا بەرەدى.

«جەر كوميسسياسىنىڭ ۇسىنىستارى نەگىزىندە قازىرگى تاڭدا ۇكىمەت جەردى پايدالانۋعا قاتىستى زاڭنامالىق تۇزەتۋلەر توپتاماسىن ازىرلەۋدە. سونىڭ ناتيجەسىندە الداعى ۋاقىتتا ءتيىستى زاڭ جوباسى پارلامەنتكە كەلىپ تۇسەدى»،- دەلىنگەن سەنات سايتىندا.

دايىنداعان نۇربيكە بەكسۇلتانقىزى

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2251
عيبىرات

قايسار رۋحتى عازيز جان

مۇحتار قۇل-مۇحاممەد 3504