اقش ەلشىسى ۋيليام موزەر پرەسس-كونفەرەنتسيا بارىسىندا رەسەيگە سالىنعان سانكتسيالاردىڭ قازاقستانعا اسەرى بولماۋى ءۇشىن جۇمىس ىستەپ جاتقانىن جەتكىزدى. 

ء"بىز سانكتسيالاردى رەسەيدىڭ ۇستانىمى مەن كوزقاراسىن وزگەرتۋ ءۇشىن سالدىق", - دەدى ۋيليام موزەر. ەلشى رەسەيدىڭ زاڭسىزدىقتارىن اقش ەندى كوتەرە المايتىنىن دا ايتا كەتتى.

ء"بىزدىڭ سايلاۋ پروتسەسىمىز بەن ىشكى ساياساتىمىزعا ارالاسۋ فاكتىلەرى بولدى. مۇنداي ارەكەتتەرگە ءبىز قاتاڭ جاۋاپ بەرەمىز. ال قازاقستانعا قاتىستى ايتاتىن بولسام، ءبىز قازاقستاندا جۇمىس ىستەگەنبىز جانە ىستەي بەرەمىز. قازاقستانعا سانكتسيالاردىڭ اسەرى بولماۋ ءۇشىن ارەكەتتەنىپ جاتىرمىز. ءبىز بۇل سانكتسيالاردىڭ قازاقستانعا كەرى اسەر ەتكەنىن قالامايمىز", — دەدى ەلشى.

16 ءساۋىر كۇنى اقش رەسەيگە جاڭا سانكتسيالار سالدى. ول ءرۋبلدى قۇلدىراتىپ،رەسەي ەكونوميكاسىنىڭ ءوسۋ ديناميكاسىنا اسەر ەتتى.

Abai.kz