قر تاۋەلسىزدىگىنىڭ 30 جىلدىعىنا وراي قاراعاندى وبلىسى اكىمدىگى مادەنيەت، ارحيۆتەر جانە قۇجاتتاما باسقارماسىنىڭ قولداۋىمەن «مادەنيەت پورتالى» اقپاراتتىق اگەنتتىگىندە تۇڭعىش رەت وتكىزىپ جاتقان «تاۋەلسىزدىك: ءسوز بەن سۋرەت» اتتى اقىندار مەن سۋرەتشىلەر اراسىنداعى رەسپۋبليكالىق ونلاين-بايقاۋى جاريالاندى. ونلاين-بايقاۋدىڭ جۇلدە قورى - 7 600 000 تەڭگە.

بۇعان دەيىن ەلىمىزدە بولماعان بۇل مەگا جوبانىڭ نەگىزى ماقساتى – رەسپۋبليكاداعى سۋرەتشىلەر مەن اقىنداردىڭ شىعارمالارىن ناسيحاتتاۋ ءھام تانىتۋ، ولاردىڭ تۋىندىلارى ارقىلى قاراعاندى وبلىسىنىڭ تاريحي تۇلعالارىن، مادەني ەسكەرتكىشتەرىن، ساكرالدى ورىندارىن، تابيعاتىن، تاۋەلسىزدىك كەزەڭىندە ولشەۋسىز ۇلەس قوسقان تۇلعالاردىڭ ەسىمىن اسقاقتاتۋ، پوەزيا مەن سۋرەت ونەرىنىڭ ۇندەستىگىن باعالاۋ ءارى باعامداۋ، وقىرمان قاۋىمنىڭ مودەرندىك ورتاسىن قالىپتاستىرۋ.

بايقاۋدىڭ ەرەكشەلىگى – ونەر سايىسىنا قاتىسۋشى اقىندار مەن سۋرەتشىلەردىڭ جاس ەرەكشەلىگىنە شەكتەۋ قويىلمايدى، ياعني كەز-كەلگەن جاستاعى شىعارماشىلىق تۇلعا قاتىسا الادى.

ونلاين-بايقاۋ قازاق جانە ورىس تىلىندە وتەدى. بايقاۋعا رەسپۋبليكانىڭ بارلىق وبلىستارى پەن مەگاپوليستەرىندەگى سۋرەتشىلەر مەن اقىندار شىعارمالارىن «مادەنيەت پورتالىنا» ونلاين تۇردە ءوز قولىمەن تىركەي الادى. ول ءۇشىن ۇمىتكەرلەر «مادەنيەت پورتالىنا» تىركەلىپ، بۇرىن ەش جەردە جاريالانباعان، كونكۋرسقا ۇسىنىلعان شىعارمالارى مەن جەكە مالىمەتتەرىن پورتالدا كورسەتىلگەن «شىعارمانى قوسۋ» باتىرماسى ارقىلى ورنالاستىرا الادى. سونىمەن قاتار ونلاين-بايقاۋدىڭ باسقا دا شارتتارىن «مادەنيەت پورتالىنداعى» (madeniportal.kz) ەرەجەسىنەن وقىپ الۋعا بولادى.

«تاۋەلسىزدىك: ءسوز بەن سۋرەت» اتتى اقىندار مەن سۋرەتشىلەر اراسىنداعى رەسپۋبليكالىق ونلاين-بايقاۋى اياسىندا جەڭىمپاز اقىنداردىڭ ولەڭدەرى قازاق، ورىس جانە اعىلشىن تىلدەرىنە اۋدارىلىپ، سۋرەتشىلەردىڭ كارتينالارىمەن بىرگە ارنايى البوم دايىندالادى. جەڭىمپازداردىڭ شىعارمالارىنان قۇرالعان اتالمىش البوم اعىلشىن جانە ورىس ءتىلدى مەملەكەتتەردىڭ ۇلتتىق كىتاپحانالارىنا جولدانادى. مۇنىمەن قوسا البوم ارنايى تۇسىرىلگەن بەينەروليكتەرگە سىلتەمە بەرىلگەن QR-كودتارمەن جارىق كورمەك.

ونلاين-بايقاۋ 2 كەزەڭمەن وتەدى: 1-كەزەڭ – سۋرەتشىلەر ءۇشىن; 2-كەزەڭ –اقىندار ءۇشىن. بايقاۋدىڭ سۋرەتشىلەرگە ارنالعان 1-كەزەڭى 20.04.2021 – 20.06.2021 ارالىعىندا وتەدى. جەڭىمپاز 8 سۋرەتشى انىقتالىپ، ۇزدىك 8 كارتينا اشىق جاريالانادى. 26.06.2021 – 26.07.2021 ارالىعىندا وتەتىن بايقاۋدىڭ اقىندارعا ارنالعان 2-كەزەڭىندە ۇزدىك 8 سۋرەتتىڭ بىرەۋىن تاڭداپ، سول سۋرەت تۋرالى 1 پوەزيالىق شىعارماسىن (ولەڭىن) جولداۋ ارقىلى قاتىسا الادى.

جەڭىمپازداردىڭ جۇلدەلەرى تومەندەگىدەي تابىس ەتىلەدى:

ەكى باس جۇلدە /اقىن مەن سۋرەتشىنىڭ ارقايسىسىنا/ تەڭ بولىنەدى – 2 000 000 تگ

ەكى ءى ورىن /اقىن مەن سۋرەتشىنىڭ ارقايسىسىنا/ تەڭ بولىنەدى – 1 600 000 تگ

ءتورت ءىى ورىن /اقىن مەن سۋرەتشىنىڭ ارقايسىسىنا/ تەڭ بولىنەدى – 2 000 000 تگ

التى ءىىى ورىن /اقىن مەن سۋرەتشىنىڭ ارقايسىسىنا/ تەڭ بولىنەدى – 1 800 000 تگ

ەكى ىنتالاندىرۋ سىيلىعى /اقىن مەن سۋرەتشىنىڭ ارقايسىسىنا/ تەڭ بولىنەدى – 200 000

Abai.kz