جۇما, 7 مامىر 2021
1505 0 پىكىر 20 ءساۋىر, 2021 ساعات 16:43

قاراعاندى اكىمى قالاداعى جول جوندەۋ جۇمىستارىن تەكسەردى

مايقۇدىقتاعى كارل ماركس – ماگنيتوگورسكايا كوشەسىندەگى جول جۇمىستارىنىڭ بارىسىن قاراعاندى اكىمى ەرماعانبەت بولەكپاەۆ تەكسەردى. بۇگىنگى كۇنى جولدى قالپىنا كەلتىرۋ جۇمىستارىنا 60 ادام جانە 50 بىرلىك تەحنيكا تارتىلدى.

مەردىگەر بيىلعى جىلى كوگىلدىر توعان شاعىن اۋدانىندا جوندەۋدى تولىق اياقتايدى.

قازىر جول قۇرىلىسشىلارى ۆيننيتسكايا كوشەسىندە اسفالت توسەۋ ءۇشىن نەگىز دايىنداۋدا. سودان كەيىن اسفالتتىڭ ءۇش قاباتىن توسەپ، ءبۇيىر تاستار ورناتىلادى. جاياۋ جۇرگىنشىلەر جولى جاسالادى. سونداي-اق، جارىقتاندىرۋ تىرەكتەرى ورناتىلىپ، اۆتوبۋس ايالدامالارى، باعدارشامدار جانە ت. ب. اۋىستىرىلادى.

قاراعاندى قالاسىنا جۇمىس ساپارى بارىسىندا قالا باسشىسى 7-ءشى ماگيسترالدىڭ كۇردەلى جوندەلۋىن تەكسەردى. وندا جاڭا سۋ قۇبىرلارى سالىنىپ، اسفالت نەگىزى وزگەرتىلىپ، ونىڭ ءۇش قاباتى ودان ءارى رەتتەلەدى.

ەرماعانبەت بولەكپاەۆ كامالي دۇيسەمبەكوۆ كوشەسىندە دە بولىپ قايتتى. وندا اۆتوجول قۇرىلىسى اياقتالاتىنى بەلگىلى. ونىڭ ۇزىندىعى - 1,7 شاقىرىم. جۇمىستار 98%-عا اياقتالدى.

سونداي-اق، قاراعاندىدا كەپىلدىك بەرىلگەن جولداردى جوندەۋ جۇمىستارى باستالدى. جالپى، قالادا 118 جول بار، ونىڭ 80-ءى بيىل اياقتالادى. قازىر ماماندار بۇل جولداردى ارالاپ شىعىپ، جول توسەمەلەرىنىڭ جاعدايىن تەكسەرۋدى جالعاستىرۋدا. بۇگىنگى تاڭدا 19 ۋچاسكەدە اقاۋلار انىقتالدى. مەردىگەرلەر ولاردىڭ بارلىعىن جويۋى ءتيىس.

Abai.kz

0 پىكىر