جۇما, 29 ناۋرىز 2024
3691 0 پىكىر 20 ءساۋىر, 2021 ساعات 13:16

قىرعىزدار وزبەكستانعا جەر بەرىلۋىنە قارسى شىقتى

قىرعىزستاننىڭ ۇلتتىق قاۋىپسىزدىك جونىندەگى مەملەكەتتىك كوميتەتتىڭ توراعاسى كامچىبەك تاشيەۆ جەر الماسۋعا نارازى بولعان تۇرعىنداردىڭ تالابىنان كەيىن تاشكەنتكە تاعى ءبىر بارىپ كەلەتىنىن جەتكىزدى.

ول 19 ساۋىردە "كەمپير-ابادتىڭ" جانىنان 50 گەكتار جەردى وزبەكستانعا بەرۋگە قارسى بولعان تۇرعىندارمەن كەزدەسكەن.

"ولار (وزبەكستان - رەد.) 20 گەكتار جەردى الماسۋعا دايىن دەپ ايتايىن. ەلۋ ەمەس، جيىرما گەكتاردى. جارايدى ما؟ قورشالعان 20 گەكتار جەردى الا بەرسىن",- دەدى تاشيەۆ.

وسىنىڭ الدىندا وزبەكستانمەن جەر الماسۋعا بايلانىستى پروتوكولدى قىرعىزستان ءۇشىن ەڭ ءتيىمدى كەلىسىم دەپ اتاپ، بۇعان دەيىنگى جەر تالاستارعا نۇكتە قويىلادى دەگەن.

جەرگىلىكتى تۇرعىندار "كەمپير-اباد" جانىنداعى 50 گەكتار جەردىڭ وزبەكستانعا بەرىلۋىنە قارسى بولعان تۇرعىندار 17 ساۋىردەن باستاپ مەرزىمسىز اكتسيا باستاعان.

ۇقمك جەتەكشىسى كامچىبەك تاشيەۆ 30 ناۋرىزدا وزگون اۋدانىندا تۇرعىندارمەن كەزدەسۋ كەزىندە "كەمپير-اباد" سۋ قويماسىنىڭ جانىنان 50 گەكتار جەر وزبەكستانعا بەرىلگەنىن، ونىڭ ورنىنا قىرعىزستان باسقا ايماقتان جەر العانىن جەتكىزگەن.

18 ساۋىردە ماسكەۋدەگى قىرعىزستاندىق ميگرانتتار دا بيلىك شەشىمىنە قارسىلىق بىلدىرگەن.

جەر الماسۋ ارەكەتى بيىل 24-25 ناۋرىزدا تاشكەنتتە شەكارانى دەليميتاتسيالاۋ جانە دەماركاتسيالاۋ بويىنشا وتكەن قىرعىز-وزبەك ۇكىمەتارالىق كوميسسيا وتىرىسىنان كەيىن ءمالىم بولدى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3563