قازاقستان قارۋلى كۇشتەرىنىڭ ارداقتى ارداگەرى، ەلىمىزدىڭ ەڭبەك سىڭىرگەن قوعام قايراتكەرى، پروفەسسور، اسكەري عىلىمدار دوكتورى كيم سەرىكباەۆ 87 جاسىندا قايتىس بولدى،- دەپ حابارلايدى Sputnik.kz.

پولكوۆنيك ءومىرىنىڭ سوڭعى جىلدارىندا الماتى قالاسى مەدەۋ اۋدانى ارداگەرلەر كەڭەسىنىڭ توراعاسى قىزمەتىن اتقارعان.

كيم سەرىكبايۇلى 1934 جىلى 14 قاڭتاردا اقتوبە وبلىسى حرومتاۋ اۋدانى كوپتوعاي اۋىلىندا تۋعان.

1952-1956 جىلدارى قازاق مەملەكەتتىك ۋنيۆەرسيتەتىندە، ۋفا اسكەري ۋچيليششەسىندە ءبىلىم الدى. 1970 جىلى ماسكەۋدەگى اسكەري اكادەميانى ءبىتىردى.

1956-1966 جىلدارى قيىر شىعىس، پريكارپاتە، ماسكەۋ، ورتا ازيا اسكەري وكرۋگتەرىندە ۆزۆود، روتا، باتالون كومانديرى، موتواتقىشتار پولكىندا شتاب باستىعى، پولك كومانديرى بولىپ قىزمەت اتقارعان.

1970-1973 جىلدارى ماسكەۋدەگى اسكەري اكادەميادا كۋبادان، موڭعوليادان كەلگەن وفيتسەرلەرگە جالپى تاكتيكادان ساباق بەرگەن.

1973-1975 جىلدارى الماتى جوعارى اسكەري كوماندالىق ۋچيليششەسىندە كافەدرا باستىعى، 1975-1988 جىلدارى الماتى جوعارى پارتيا مەكتەبىندە كافەدرا باستىعى بولدى.

1988-1991 جىلدارى باۋىرجان مومىشۇلى اتىنداعى رەسپۋبليكالىق اسكەري مەكتەپ-ينتەرناتتىڭ باستىعى قىزمەتىن اتقاردى.

1992-1993 جىلدارى مەملەكەتتىك قورعانىس كوميتەتى توراعاسىنىڭ كەڭەسشىسى بولدى.

1994-1996 جىلدارى مينسترلەر كابينەتى جانىنداعى مەملەكەتتىك اتتەستاتسيا كوميتەتىندە ارناۋلى ماسەلەلەر جونىندەگى باس ساراپشى بولدى.

1996-1999 جىلدارى قر پارلامەنتىنىڭ ءماجىلىس اپپاراتىندا قورعانىس جانە قاۋىپسىزدىك ماسەلەلەر جونىندەگى كەڭەسشى قىزمەتىن اتقارعان.

كيم سەرىكبايۇلى 180 عىلىمي ەڭبەكتىڭ اۆتورى.

"سىنوۆني دولگ", "بىت پاتريوتوم", "نا كافەدرە تاكتيكي", "باۋىرجان مومىشۋلى ۆ موەي جيزني", "دوبرومۋ دەلۋ – دولگايا جيزن", "ۆوەننايا بەزوپاسنوست سترانى: پروبلەمى، پەرسپەكتيۆى", "نادەجنىي ستراج رودينى", "وبرەتەننوي نەزاۆيسيموستي – نادەجنۋيۋ زاششيتۋ", "باتىر اعانىڭ شاپاعاتى" كىتاپتارىن جازعان.

Abai.kz