جۇما, 7 مامىر 2021
1178 0 پىكىر 19 ءساۋىر, 2021 ساعات 11:46

چەحيا ەكى رەسەيلىك تىڭشىعا ىزدەۋ جاريالادى

چەحيانىڭ ىشكى ىستەر مينيسترلىگى ء(ىىم) رەسەيدىڭ اسكەري باس بارلاۋ قىزمەتىنىڭ (گرۋ) ىقتيمال ەكى تىڭشىسىنا ىزدەۋ جاريالادى.

مەكەمە مالىمەتىنە قاراعاندا، ولار چەحيا ايماعىنا 2014 جىلى الەكساندر پەتروۆ جانە رۋسلان بوشيروۆتىڭ اتىنا بەرىلگەن رەسەيدىڭ تولقۇجاتىمەن كىرىپ، ەل ىشىندە تاجىكستاننىڭ رۋسلان تاباروۆ جانە مولدوۆانىڭ نيكولاي پوپا دەگەن ازاماتتىنىڭ قۇجاتتارىن قولدانعان.

2014 جىلى چەحيانىڭ ۆربەتيتسە قالاسىنداعى قارۋ-جاراق ساقتالعان قويمادا جارىلىس بولعاندا، ولار وسى ايماقتا جۇرگەن. وپەراتور بۇل ەكى ادامعا 13-17 قازان كۇندەرى قارۋ-جاراق ساقتالعان قويماعا بارۋعا رۇقسات بەرگەن، ال جارىلىس 16 قازاندا بولعان. وندا 50 توننا وق-ءدارى جارىلىپ، چەحيانىڭ ەكى ازاماتى قايتىس بولعان. ولاردىڭ ەلەكتروندىق پوشتا ارقىلى رۇقسات سۇراعان حاتىندا رۋسلان تاباروۆ اتتى ادامنىڭ اتىنا بەرىلگەن تاجىك تولقۇجاتى كورسەتىلگەن.

17 ساۋىردە چەحيانىڭ سىرتقى جانە ىشكى ىستەر ءمينيسترى قىزمەتىن قاتار اتقارىپ وتىرعان يان گاماچەك رەسەي ەلشىلىگىندە ىستەيتىن 18 ديپلوماتتىڭ شىن مانىندە رەسەي باس بارلاۋ باسقارماسى (گرۋ) مەن سىرتقى بارلاۋ قىزمەتىنىڭ ادامدارى ەكەنىن دالەلدەيتىن ايعاقتىڭ بارىن ايتقان.

ديپلوماتتارعا ەلدەن كەتۋگە 48 ساعات بەرىلىپ وتىر.

ولكەنىڭ ۇكىمەت باسشىسى اندجەي بابيش پەن سىرتقى ىستەر ءمينيسترى يان گاماچەك مالىمدەدى.

ءبابيشتىڭ سوزىنشە، چەحيانىڭ قۇقىق قورعاۋ ورگاندارى ۆربەتيتس اۋىلىنداعى اۋقىمدى جارىلىسقا رەسەي اسكەريلەرىنىڭ قاتىسى بارىن دالەلدەگەن.

وسى ارادا چەحيا پوليتسياسى ءارتۇرلى پاسپورتى بار دەگەن ەكى رەسەي ازاماتىنا ىزدەۋ سالدى. بۇل ەكى ازامات چەحيادا 2014 جىلى 11-16 قازان ارالىعىندا بولعان. پوليتسيانىڭ سوزىنە قاراعاندا، اڭگىمە الەكساندر پەتروۆ پەن رۋسلان بوشيروۆ دەيتىن اتىشۋلى رەسەيلىكتەر جونىندە بولىپ وتىر.

ۇلىبريتانيا پەتروۆ پەن ءبوشيروۆتى سەرگەي مەن يۋليا سكريپالداردى "نوۆيچوكپەن" ۋلاۋعا قاتىسى بار گرۋ قىزمەتكەرلەرى سانايدى. Bellingcat پەن The Insider مالىمەتىنشە، پەتروۆ پەن بوشيروۆتىڭ ناعىز اتى-ءجونى اناتولي چەپيگا جانە الەكساندر ميشكين.

Abai.kz

0 پىكىر