2021 جىلى جول-قۇرىلىس جانە جوندەۋ جۇمىستارىمەن رەسپۋبليكالىق جانە جەرگىلىكتى ماڭىزى بار اۆتوموبيل جولدارىنىڭ 6 مىڭ شاقىرىمى قامتىلادى. بۇل تۋرالى قر يندۋستريا جانە ينفراقۇرىلىمدىق دامۋ مينيسترلىگى مالىمدەدى.

مينيسترلىك اقپاراتىنشا، جەرگىلىكتى ماڭىزى بار جولداردىڭ جالپى ۇزىندىعى – 71 مىڭ شاقىرىم، سونىڭ 25%-ى بۇگىندە قاناعاتتانارلىقسىز جاعدايدا. 2025 جىلعا دەيىن جەرگىلىكتى ماڭىزى بار جولدىڭ 27 مىڭ شاقىرىمىنا جوندەۋ جۇرگىزۋ كوزدەلگەن. بۇل جولداردىڭ 95%-ىن ءنورماتيۆتى جاعدايعا جەتكىزۋگە مۇمكىندىك بەرەدى.

اۆتوموبيل جولدارى كوميتەتى جول اكتيۆتەرىنىڭ ۇلتتىق ساپا ورتالىعى جۇرگىزگەن تەكسەرىستەردىڭ ناتيجەسى بويىنشا 2020 جىلى رەسپۋبليكالىق جەلىدە انىقتالعان ەسكەرتۋلەردىڭ 2%-ى تۇزەتىلمەگەن. جەرگىلىكتى جەلى مەن ەلدىمەكەن كوشەلەرى بويىنشا بۇل كورسەتكىش 25%-دى قۇرادى.

ايتا كەتەيىك، قازاقستان رەسپۋبليكاسىنداعى جالپىعا ورتاق پايدالانىمداعى اۆتوموبيل جولدارى مەن ەلدىمەكەندەردەگى كوشەلەر جەلىسىنىڭ ۇزىندىعى 157 مىڭ شاقىرىمدى قۇرايدى: رەسپۋبليكالىق ماڭىزى بار – 25 مىڭ شاقىرىم;
جەرگىلىكتى ماڭىزى بار – 71 مىڭ شاقىرىم;
كوشە-جول جەلىسى – 61 مىڭ شاقىرىم.

Abai.kz