بەيسەنبى, 24 ماۋسىم 2021
46 - ءسوز 7355 6 پىكىر 14 ءساۋىر, 2021 ساعات 13:49

جالعان رەسەي تاريح قوينىنا كەتەدى

سونىمەن... ۋكراينا شەكاراسىندا نە بولىپ جاتىر؟ ەڭ الدىمەن ايتارىم - ۇلكەن سوعىس بولمايدى. قازىر كەيبىر ساراپشىلار وسىلاي دەپ ايتا باستادى.
الەكساندر كۋشناردىڭ ايتۋى بويىنشا ۇلكەن سوعىس بولۋى مۇمكىن.

رەسەي بوستان-بوسقا سونشاما تەحنيكاسىن سۇيرەلەپ، ءتىپتى كەيبىر حلامدارىن 1100 كم جەردەن تاسىمالداپ، بار بولعانى زەلەنسكيدى قورقىتىپ مەدۆەدچۋككە سانكتسيا سالۋدى توقتاتتىرۋ ءۇشىن اكەلگەن جوق. ەگەر سوعىس باستار الدىندا اقپارات كەڭىستىگىندە ارت.دايىندىق جاسايىن دەمەسەڭ 2014 جىلعىداي قول-اياعى كەرىلىپ تاستالعان بالا تۋرالى سارناي بەرۋدىڭ دە ماعىناسى جوق. كرەملدىڭ ويلاۋ جۇيەسى قاراپايىم. بۇل قورقىتۋ ەمەس، بۇل ناعىز سوعىسقا دايىندىق، مۇنى ۋكراينا دۇرىس ءتۇسىنۋى كەرەك دەيدى كۋشنار.

ونىڭ سوزدەرىن جيرينوۆسكي دە قۋاتتاي تۇسەدى. ونىڭ ايتۋى بويىنشا الداعى مامىر-ماۋسىم ايلارىندا ۇلكەن سوعىس باستالادى، ۋكراينا تاۋەلسىزدىگىمەن قوشتاسا بەرسە دە بولادى. جيرينوۆسكي مەم. دۋمانىڭ ۆيتسە-سپيكەرى، لاۋازىمدى تۇلعا، ياعني ول ءپۋتيننىڭ ويىنداعىسىن جەتكىزىپ وتىر.

دەگەنمەن دە وسىنشاما دايىندىقتارعا قاراماستان ۇلكەن سوعىس بولمايدى. نەگە؟ بۇعان ەڭ الدىمەن اقش-تىڭ قاتاڭ پوزيتسياسى اسەر ەتىپ وتىر. ول ەشتەڭەدەن دە تايسالماستان ۋكراينانى قورعايتىنىن اشىق جەتكىزدى. اقش-تىڭ بىرجاقتى قاتاڭ پوزيتسياسى ەۋروپانىڭ بەلدى مەملەكەتتەرى گەرمانيا مەن فرانتسيانىڭ ەگەر سوعىس بولا قالسا ولاردىڭ ۋكراينا جاعىندا بولاتىندىعىن ەرىكسىز مويىنداتتى. بريۋسسەلدە ءتىپتى رەسەيدىڭ شەكاراعا ارمياسىن جاقىنداتىپ، سوعىسقا دايىندالعاندىعىنىڭ ءوزى سانكتسيا سالۋعا جاتادى دەگەن اڭگىمەلەرگە ارقاۋ بولدى.

تاعى ءبىر ماڭىزدى كورسەتكىش - تۇركيەنىڭ پوزيتسياسى. تۇركيە قىرىمدى دەوككۋپاتسيالاۋ جوسپارىن بىرجاقتى قولدايتىنىن جەتكىزدى. ەردوعان پۋتينمەن قانشا دوس بولسا دا قىرىم ماسەلەسىندە ەلىنىڭ مۇددەسىن جوعارى قويىپ وتىر. سوعىس بولا قالعان جاعدايدا تۇركيەنىڭ "بايراقتارى" ۋكراينا اسپانىندا "ويناق سالاتىنى" بەلگىلى بولىپ قالدى. "ني رىبا، ني مياسو" ەۋروپا ەلدەرىنىڭ پوزيتسياسىنان دا تۇركيەنىڭ پوزيتسياسى پۋتيننىڭ شىمبايىنا باتىڭقىراپ كەتتى. تۇركيە سونداي-اق ەكى امىريكالىق ەسمينەتستى قارا تەڭىزگە ۋكراينانى قولداۋ ءۇشىن كەزەكشىلىككە وتكىزدى.
وداقتاس ىزدەپ قىتايعا بارعان ساپارىنان بوس قايتقان رەسەي اقىرى جالعىز قالىپ، ەرىكسىز ءوزىنىڭ بۇكىل الەمگە قارسى سوعىسا المايتىنىن تۇسىنە باستاعانداي. ونىڭ ۇستىنە ونى اسا اۋىر سانكتسيالار كۇتىپ وتىرعانى دا ونىڭ مىسىن باسا تۇسكەندەي.

مىنە، ۋكراينا شەكاراسىنداعى جاعداي ازىرگە وسىنداي. ەرتە مە، كەش پە، ۋكراينا ناتو-عا مۇشە بولادى، باتىس ەلدەرىنىڭ توبىنا قوسىلادى. تاريحتاعى شىن ورىس مەملەكەتى بىرتىندەپ ءوز تاريحىن قايتىپ الادى، سوندا كۇنى كەشە پەتر پاتشانىڭ جارلىعىمەن رەسەي اتالعان جالعان مەملەكەت بىرتىندەپ تاريح قوينىنا كەتەدى.

قۋانىش ەدىلحانتەگى

Abai.kz

6 پىكىر