بەيسەنبى, 28 ناۋرىز 2024
46 - ءسوز 7101 5 پىكىر 6 ءساۋىر, 2021 ساعات 14:01

ايەلدەردىڭ ورىستانعانى ءجۇز ەسە قاۋىپتى

قازاق ەركەكتەرىنە قاراعاندا ايەلدەر مەن قىز-كەلىنشەكتەرىنىڭ ورىستانعانى ۇلتقا 100 ەسە قاۋىپتى. بالا اناسى قاي تىلدە سويلەسە، سول ءتىلدى تەز يگەرىپ شىعادى. ودان كەيىن ورىستانعان ايەلدەر ەركەكتەرگە قاراعاندا الدەقايدا كوكبەت، ءتىلىڭ دە، باسقاڭ دا وزىڭە، ءوز ءومىرىم، ءوزىم بىلەممەن بەت باقتىرماي بەتىڭنەن الادى. تالاي كوردىم.

بالا قاشاندا بىلدىراپ اناسى قاي تىلدە سويلەسە، ول دا سول تىلدە سويلەيدى. بالانىڭ ەشقانداي دا كىناسى جوق. ول ءتىلىم وسى ەكەن دەيدى. ءدىلى سولاي قالىپتاسادى. قازىرگى ءورىستىلدى بالالار مەن بۇلدىرشىندەر ءتىلىم قازاق ءتىلى دەپ ەرتەڭ ەسەيسە دە مۇلدەم مويىندامايدى. سەبەبى، ولار ورىس تىلىمەن ءوستى، ورىس تىلىمەن نان جەدى. ءبىتتى.

ءتىل مەملەكەتتىڭ ۇلتتىق قاۋىپسىزدىگىنىڭ كەپىلى. ءتىلىڭ قانشالىقتى قۇردىمعا كەتسە، بالا-شاعاڭ، قاتىن-قالاشىڭ، سولارعا ءتىل جاعىنان باس كوز بولماعان ەز ەركەكتەرىڭ كوبەيسە، مەملەكەتتىڭ ۇلتتىق قاۋىپسىزدىگى دە سونشالىقتى السىرەيدى ءارى جۇتىلىپ كەتە بەرەسىڭ. قازىرگى جاعداي - ءتىل، ءتىل جانە ءتىل! نەمقۇرايلى قاراساق ءوز وبالىمىز وزىمىزگە. ءتىلدىڭ تاعدىرى ۇلت ءۇشىن جەردىڭ تاعدىرىمەن بىردەي. ۇلتقا جەر قانداي كەرەك بولسا، ءتىل دە سونداي كەرەك. بۇل ەكى انا - ەكى قاناتىڭ. ءبىرى اقساسا، ەكىنشىسى سەنى كوككە كوتەرە المايدى.

رەسەيدىڭ دە ءتىلىڭدى اقساتىپ ساياسات جۇرگىزىپ وتىرعانى سودان. قىرىمدى اننەكتسيالاپ وزىنە قوسىپ الاردا سول قىرىمنىڭ 90 پايىزدان استام حالقى ورىس ءتىلىن قولداپ، ءپۋتيننىڭ ىعىنا جىعىلعانىن ۇمىتپاڭىزدار! سول جىعىلعان حالىقتىڭ 70 پايىزىنان استامى ءورىستىلدى ۋكرايندار بولعان.

بەكبولات قارجان

Abai.kz

5 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1560
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2250
عيبىرات

قايسار رۋحتى عازيز جان

مۇحتار قۇل-مۇحاممەد 3503