جۇما, 29 ناۋرىز 2024
4247 2 پىكىر 7 ناۋرىز, 2021 ساعات 11:49

تۇركىمەنستانداعى احۋال: جۇمىسسىز ايەل ءوزىن ورتەپ جىبەردى

تۇركىمەنستاندا الەۋمەتتىك جاعدايدىڭ تومەندەۋى شارىقتاۋ شەگىنە جەتتى. 3-ناۋرىز كۇنى سايات اتىرابىنداعى تازە اۋىلىنىڭ تۇرعىنى ءوزىن ورتەپ، كوز جۇمعان. بۇل تۋرالى «حرونيكي تۋركمەنيستانا» تاۋەلسىز جۋرناليستەر بىرلەستىگى حابارلادى.

ىكبال ەگەنبەرديەۆانىڭ ەكى قىزى بار. كۇيەۋى ەكەۋىنىڭ تۇراقتى جۇمىسى بولماپتى. ولار جەردى جالعا الىپ، استىق ەگىپ، كۇن كورگەن. الايدا ول كاسىپتەرى ايتارلىقتاي پايدا اكەلمەگەن. سوندىقتان ىكبال بازاردا جەمىس-جيدەك ساتۋعا ءماجبۇر بولىپتى. پاندەمياعا بايلانىستى بازارلاردىڭ جابىلۋى، وتباسىن مۇلدە قارجىسىز قالدىرعان.

ءومىرىنىڭ سوڭعى كۇندەرىندە ىكبال دەپرەسسيادا ءجۇرىپتى. 3-ناۋرىزدا ول جەرتولەگە ءتۇسىپ، ءوزىن ورتەپ جىبەرگەن. العان جاراقاتىنان اۋرۋحاناعا بارار جولدا كوز جۇمىپتى.  جەرگىلىكتى بيلىك جەرلەۋ راسىمىنە كومەكتەسپەپتى. ادەتتە جەرگىلىكتى بيلىك تاراپىنان ۇن، كۇرىش، ءسابىز بەرىلەتىن.

تۇركىمەنستاندا سوڭعى جىلدارى الەۋمەتتىك جاعداي ناشارلاپ كەتتى. حالىق كۇندەلىكتى قاجەت زاتتاردى الۋ ءۇشىن كۇنۇزاققا كەزەككە تۇرۋدا. نان، ءسۇت، جۇمىرتقا ونىمدەرىنىڭ تاپشىلىعى بايقالادى.

Abai.kz

 

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3542