سەنبى, 24 ءساۋىر 2021
3396 1 پىكىر 5 ناۋرىز, 2021 ساعات 13:36

قازاقستاندا بەس مۇنايگاز-حيميا زاۋىتى سالىنباق

قر ەنەرگەتيكا مينيسترلىگى مۇنايگاز-حيميانى دامىتۋ جونىندە ۇلتتىق جوبا ازىرلەيدءى. جوباعا سايكەس، قازاقستاندا 2025 جىلعا قاراي 5 زاۋىتتىڭ قۇرىلىسى اياقتالادى. بۇل تۋرالى ەنەرگەتيكا ءمينيسترى نۇرلان نوعاەۆ مالىمدەدى.

ونىڭ ايتۋىنشا، اتالعان جۇمىس مۇنايگاز-حيميا جوبالارىن شيكىزاتپەن قامتاماسىز ەتۋ، مۇنايگاز-حيميا كلاستەرىن قۇرۋ، قايتا وڭدەۋدى دامىتۋ ماسەلەلەرىن شەشۋگە باسا نازار اۋدارا وتىرىپ، سالانى ناقتى دامىتۋعا مۇمكىندىك بەرەدى-مىس.

ودان بولەك، مۇنايگاز-حيميا جوباسىن ىسكە اسىرۋ كەزىندە ونىڭ قاجەتتىلىكتەرىن ەسكەرە وتىرىپ، ەل ۇكىمەتى مەن ينۆەستور اراسىندا جەكە كەلىسىم ازىرلەۋ ماسەلەسى دە پىسىقتالىپ جاتقان كورىنەدى.

ءسويتىپ، اتالعان شارالار 2025 جىلعا قاراي 5 زاۋىتتىڭ قۇرىلىسىن اياقتاۋعا مۇمكىندىك بەرەدى. ونىڭ ىشىندە اتىراۋ وبلىسىنداعى ءۇش زاۋىت:

- قۋاتى جىلىنا 500 مىڭ توننا پوليپروپيلەن وندىرەتىن زاۋىت;

- تەحنيكالىق گازدار: قۋاتى 57 ملن.تەكشە مەتر ازوت جانە 34 ملن. تەكشە مەتر قۇرعاق سىعىلعان اۋا ءوندىرۋ بويىنشا;

- قۋاتى جىلىنا 430 مىڭ توننا پوليەتەلەنتەرەفتالات ءوندىرۋ بويىنشا ءۇش زاۋىتتىڭ قۇرىلىسىن اياقتاۋعا مۇمكىندىك بەرەدى.

سونداي-اق شىمكەنتتە قۋاتى جىلىنا 81 مىڭ توننا پوليپروپيلەن جانە شىمكەنت مۇناي وڭدەۋ زاۋىتىنىڭ شيكىزاتى بازاسىندا قۋاتى جىلىنا 57 مىڭ توننا بەنزينگە ارنالعان وكتان ارتتىرعىش قوسپالاردى وندىرەتىن جاڭا زاۋىتتىڭ قۇرىلىسى اياقتالادى.

ورالدا قۋاتى 182 مىڭ توننا مەتانول (82 مىڭ توننا) جانە گليكول (100 مىڭ توننا) وندىرەتىن زاۋىت سالىناتىن بولادى.

- كۇتىلەتىن ناتيجە: ءوندىرىس كولەمى 9 ەسە ارتىپ، 2 ملن. توننا مۇنايگاز- حيميا ءونىمىن; ەل ەكونوميكاسىنا ينۆەستيتسيالار كولەمى شامامەن $3,9 ملرد. قۇرايدى. وسىلايشا، بازالىق مۇنايگاز-حيميا ءونىمىن ءوندىرۋ مۇناي-گاز سالاسىنداعى تەرەڭ وڭدەۋدى دامىتۋ ءۇشىن بەرىك نەگىز بولادى، بۇل ءبىزدىڭ شيكىزات ەكونوميكاسىن ءارتاراپتاندىرۋ جانە تەحنولوگيالىق دامۋعا ۇمتىلۋ جونىندەگى ستراتەگيامىزعا سايكەس كەلەدى، - دەدى مينيستر.

Abai.kz

1 پىكىر