جۇما, 29 ناۋرىز 2024
5883 6 پىكىر 3 ناۋرىز, 2021 ساعات 15:49

قوس ازاماتتىعى بار پوچيۆالوۆ قىزمەتىنەن بوساتىلدى

رەسەي ازاماتى بولىپ شىققان شىمكەنتتىك شەنەۋنىك ولەگ پوچيۆالوۆ قىزمەتىنەن بوساتىلدى. بۇل تۋرالى inbusiness.kz سايتى جازدى. 

سايت مالىمەتىنشە، «قر مەملەكەتتىك قىزمەتى تۋرالى» زاڭىنىڭ 61-بابى، 1-تارماعىنىڭ 10-1 تارماقشاسىنا سايكەس جانە شىمكەنت قالاسى اكىمىنىڭ وكىمىمەن قالالىق دەنە شىنىقتىرۋ جانە سپورت باسقارماسى باسشىسى ولەگ پوچيۆالوۆ جۇمىسىنان بوساتىلعان.

«شىمكەنت دەنە شىنىقتىرۋ جانە سپورت باسقارماسىنىڭ باسشىسى ولەگ ۆلاديميروۆيچ پوچيۆالوۆ شەت مەملەكەت ازاماتتىعىنىڭ بولۋىنا بايلانىستى 2021 جىلعى 25 اقپانىنان باستاپ جۇمىسىنان بوساتىلسىن» دەلىنگەن وكىمدە.

بۇعان دەيىن، پوچيۆالوۆ بۇعان دەيىن ءوزىنىڭ قازاقستان ازاماتى ەكەنىن ايتىپ، قالالىق پوليتسيا دەپارتامەنتىنىڭ ۇستىنەن سوتقا شاعىم تۇسىرگەن بولاتىن. الايدا ءال-فارابي اۋداندىق سوتى ولەگ ءۆلاديميروۆيچتىڭ شاعىمىن قاناعاتتاندىرمادى. ال، اتالعان ماسەلە جونىندە Abai.kz سايتىندا «شىمكەنتتىك شەنەۋنىكتىڭ رەسەي ازاماتى ەكەنى دالەلدەندى» دەگەن ماقالا جاريالانعان.

ايتا كەتەيىك، مەملەكەت باسشىسى قاسىم-جومارت توقاەۆ 2020 جىلى قىركۇيەك ايىنداعى قازاقستان حالقىنا جولداۋىندا «ەگەر مەملەكەتتىك قىزمەتشى نەمەسە كۆازيمەملەكەتتىك مەكەمەنىڭ باسشىسى قوس ازاماتتىق السا، ولار قىزمەتىنەن بوساتىلادى»،- دەپ مالىمدەگەن ەدى.

Abai.kz

6 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2272
عيبىرات

قايسار رۋحتى عازيز جان

مۇحتار قۇل-مۇحاممەد 3590