دۇيسەنبى, 19 ءساۋىر 2021
2236 7 پىكىر 25 اقپان, 2021 ساعات 14:22

پۋتين: قىرعىزستاندا ورىس ءتىلىن ساقتاۋ ماڭىزدى

24 اقپاندا مءاسكەۋدە قىرعىزستان پرەزيدەنتى سادىر جاپاروۆ پەن رەسەي پرەزيدەنتى ۆلاديمير پۋتين كەزدەستى. بۇل تۋرالى Centralasian مالىمدەدى.

كرەملدىڭ حابارلاۋىنشا، رەسەي باسشىسى جاپاروۆتى قىرعىزستان پرەزيدەنتى قىزمەتىنە كىرىسۋىمەن قۇتتىقتاپ، ونىڭ "ەل ىشىندەگى ساياسي جاعدايدى رەتتەي الاتىنىنا" سەنەتىنىن ايتقان.

بۇعان قوسا، پۋتين كۇن تارتىبىندە كوپتەگەن ماسەلە تالقىلاناتىنىن، كەزدەسۋلەر ەكى ەلدىڭ قارىم-قاتىناسىن دامىتۋعا ۇلەس قوساتىنىن حابارلاعان.

سادىر جاپاروۆ بولسا قىرعىزستان "رەسەي فەدەراتسياسىمەن ارىپتەستىككە ءاردايىم دايىن ەكەنىن" ايتىپ، ءپۋتيندى كەز كەلگەن ۋاقىتتا ەلگە رەسمي ساپارمەن كەلۋگە شاقىردى.

ۆلاديمير پۋتين قىرعىزستانداعى ورىس ءتىلى مارتەبەسىنە قاتىستى ماسەلەنى دە كوتەرگەن.

ء"سىزدىڭ ورىس ءتىلىنىڭ مەملەكەتتىك مارتەبەسىن ساقتاعانىڭىز ەكى ەلدىڭ قارىم-قاتىناسى ءۇشىن اسا ماڭىزدى ەكەنىن ايتقىم كەلەدى. بۇل بىزگە دە، قىرعىزستان ازاماتتارى ءۇشىن دە ماڭىزدى، ويتكەنى رەسەيدىڭ ەڭبەك نارىعىنا كىرۋدى جەڭىلدەتەدى. ءوز تاراپىمىزدان قىرعىزستاندىقتاردىڭ وتانىندا ورىس ءتىلىن ۇيرەنۋگە جاعدايعا جاساۋ ءۇشىن ءبارىن جاسايمىز. جوسپارلار بار", - دەدى پۋتين.

19 اقپاندا ۇكىمەتتىڭ "قىرعىزستان ءسوزى" گازەتىندە سادىر جاپاروۆتىڭ ماقالاسى جاريالاندى. وندا قىرعىز باسشىسى ورىس ءتىلى مارتەبەسىن ساياسي مانيپۋلياتسيا رەتىندە پايدالانۋعا قارسى ەكەنىن جازعان.

قىرعىزستان پرەزيدەنتى سادىر جاپاروۆتىڭ ماسكەۋگە ەكى كۇندىك ساپارى 24 اقپاندا باستالدى.

Abai.kz

7 پىكىر