بەيسەنبى, 28 ناۋرىز 2024
46 - ءسوز 23573 1 پىكىر 22 اقپان, 2021 ساعات 13:27

بايدەن رەسەيگە قاتىستى نە ايتتى؟

بايدەن ميۋنحەن كونفەرەنتسياسىندا ءسوز سويلەدى، قاراپ وتىردىم. سوندا 20 مينۋتقا سوزىلعان بايانداماسىندا، بايدەن قىسقاشا ايتقاندا مىنا ويلاردى ايتتى. ماڭىزدى دەگەندەرى(سوزبە-ءسوز ەمەس، بىراق وسى ماعىنادا):

- اقش قايتىپ ورالدى، ناتو قايتا ورالدى! ءبىز جىبەرىپ العان مۇمكىندىكتەر مەن جوعالتقان پوزيتسيالارىمىزدى قايتا قالپىنا كەلتىرۋدى باستايمىز.

- ريمنەن ريگاعا دەيىنگى ارالىقتىڭ مىزعىماس قاۋىپسىزدىگى جالعاسىن تابادى. ناتو-نىڭ ءبىر مۇشەسىنە شابۋىل، بارلىعىمىزعا شابۋىل بولىپ سانالادى. ءبىز ونداي ارەكەتكە قاتاڭ جاۋاپ بەرەمىز. 2001 جىلى اقش-قا شابۋىل جاسالعاندا ەۋروپالىق وداقتاستارىمىز بىزبەن بىرگە ەكەنىن كورسەتتى. ءال-كايدامەن بىرگە كۇرەستىك. بۇل مىزعىماس قاعيدا.

- يراكتاعى قاۋىپسىزدىكتى كۇشەيتىپ، ساۋدا-ساتتىقتىڭ دامۋىنا ۇلەس قوسۋعا ءتيىسپىز. ءبىز دايش(يگيل)-تىڭ قايتا تىرىلۋىنە، باس كوتەرۋىنە جول بەرمەيمىز.

- ەۋروپالىق وداقتاستارىمىز، اقش جانە ازياداعى ارىپتەستەرىمىزبەن قىتايدىڭ جابايى ەكونوميكالىق جاۋلاۋىنا قارسى تۇرامىز. بۇل ۇلكەن كۇرەس بولماق جانە ءبىز وعان دايىنبىز. ينتەللەكتۋالدىق جەكە مەنشىكتى ۇرلاۋعا جول جوق. الەم ورتاق ەرەجەمەن ويناۋى ءتيىس.

- كرەمل ەۋروپاداعى ەلدەرگە قاۋىپ ءتوندىرىپ، دەموكراتيالىق ينستيتۋتتارعا شابۋىل جاساۋدا. ولار حاكەرلىك شابۋىلدى دوعارار ەمەس. پۋتين ناتو ەلدەرىنىڭ اراسىنا سىنا قاعىپ، الاۋىزدىق ءدانىن سەبۋدە. ءبىز رەسەيگە ولاي جاساۋعا بولمايتىندىعىن جاقسىلاپ تۇسىندىرەمىز.

- اقش الەم ەلدەرىمەن بىرگە. سول سەبەپتى دە ءبىز كليماتتى قولداۋعا ارنالعان "پاريج كەلىسىمىنە" قايتا ورالدىق. ددسۇ(ۆوز)-مەن بىرگە جۇمىستاردى قايتا باستادىق. ۆاشينگتون كوروناۆيرۋسپەن كۇرەسۋگە 2 ملرد دوللار قارجى بولمەك.

- يران يادرولىق قارۋدى يەمدەنۋگە ۇمتىلۋدا. ءبىز يادرولىق تەحنولوگيانىڭ تەررورلىق توپتارعا وتۋىنە جول بەرمەيمىز. الايدا يران يادرولىق كەلىسىمگە ساي ارەكەت ەتسە، تالاپتاردى ورىنداسا، ونى قايتا قاراۋعا بولادى دەپ ويلايمىن.

اسحات قاسەنعاليدىڭ جازباسى

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3523