جۇما, 29 ناۋرىز 2024
2211 0 پىكىر 22 اقپان, 2021 ساعات 11:56

Pfizer ۆاكتسيناسى 95 پايىزعا ءتيىمدى

يزرايل تءاجىريبەسى Pfizer جءانە BioNTech كورپوراتسيالارىنىڭ COVID-19-عا قارسى ۆاكتسيناسىنىڭ تيىمدىلىگى 95 پايىزدان جوعارى ەكەنىن كءورسەتتى. تۇرعىندارىنىڭ دەنى ۆاكتسينا قابىلداعان يزرايل دەنساۋلىق ساقتاۋ مينيسترلىگى وسىلاي دەپ مءالىمدەدى.

مينيسترلىك مالىمەتىنە قاراعاندا، ۆاكتسينانىڭ ەكى دوزاسىن قابىلداعاندار اراسىندا كوروناۆيرۋس جۇقتىرعاندار كورسەتكىشى ۆاكتسينا سالدىرماعاندارمەن سالىستىرعاندا 95 پايىزعا از بولعان. ۆاكتسينانىڭ جۇقپالى اۋرۋدىڭ اۋىر تۇرىنە شالدىققاندارعا قاتىستى تيىمدىلىك كورسەتكىشى 99 پايىزعا جەتكەن.

ۆاكتسينالاۋ قارساڭىنداعى كلينيكالىق سىناقتار بارىسىندا ۆاكتسينا تيىمدىلىگى 95 پايىز بولعان.

Der Spiegel باسىلىمىنىڭ حابارلاۋىنشا، ۆاكتسينا جۇقپالى اۋرۋدان قورعاپ قانا قويماي، ونىڭ باسقا ادامعا جۇعۋىن تەجەيدى – ۆاكتسينا سالدىرعانداردىڭ 89,4 پايىزى ۆيرۋستى باسقا ادامدارعا جۇقتىرمايدى.

يزرايلدە حالىقتىڭ جارتىسىنا جۋىعى ۆاكتسينانىڭ كەم دەگەندە ءبىر دوزاسىن سالدىرعان، ال شامامەن 2,9 ميلليون تۇرعىن – حالىقتىڭ 30 پايىزى – ۆاكتسينانىڭ ەكى دوزاسىن دا ەكتىرگەن. بيلىك ناۋرىزدىڭ سوڭىنا دەيىن ەرەسەكتەردىڭ بارلىعىنا ۆاكتسينا ەگۋدى جوسپارلاپ وتىر.

ۆاكتسينا ەگۋ ناۋقانى باستالعالى بەرى يزرايلدە كوروناۆيرۋستان قايتىس بولعاندار ازايدى. بيىل قاڭتاردىڭ ورتاسىندا ەلدە شامامەن 80 مىڭ ادام اۋىرعان بولسا، قازىر 50 مىڭعا جاۋىق ناۋقاس ەم قابىلداپ ءجۇر. بيلىك كارانتين شەكتەۋلەرىن بىرتىندەپ جەڭىلدەتە باستادى. پرەمەر-مينيستر بينيامين نەتانياحۋ ۆاكتسينا سالدىرعاندارعا مەيرامحاناعا، مادەني شارالارعا بارۋعا، شەتەلگە شىعۋعا رۇقسات بەرەتىنىن مالىمدەدى.

ۆاكتسينالاۋ ناۋقانى ۇلىبريتانيا مەن اقش-تا جوعارى قارقىنمەن ءوتىپ جاتىر. ەۋرووداق ەلدەرى ولاردىڭ ءسال ارتتا كەلەدى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3613