الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى ديزاينەر Bisen-ءنىڭ ولىمىنە ايىپتالۋشىعا قاتىستى ۇكىم شىعاردى. 

سوت دۇيسەنعاليەۆتى قك 99-بابى 1-بولىگى «كىسى ءولتىرۋ» بابى بويىنشا كىنالى دەپ تانىدى.

«سوت ۇكىمىمەن س. دۇيسەنعاليەۆ 11 جىل 3 ايعا باس بوستاندىعىنان ايىرىلدى. سونداي-اق، دۇيسەنعاليەۆ قازا تاپقان جىگىتتىڭ وتباسىنا 10 ميلليون تەڭگە مورالدىق زالال وتەۋگە مىندەتتى»، - دەلىنگەن ۇكىمدە.

ۇكىم ءالى زاڭدى كۇشىنە ەنگەن جوق، وعان شاعىمدانۋعا بولادى.

بۇعان دەيىن سوتتالۋشى س.دۇيسەنعاليەۆ مارقۇمنىڭ وتباسىنان كەشىرىم سۇراپ، جاساعان ىسىنە وكىنەتىنىن ايتقان. ال، پروكۋرور ايىپتالۋشىنىڭ قاماۋ مەرزىمىن قىسقارتۋدى سۇراعان بولاتىن.

ديزاينەردىڭ ولىمىنە كۇدىكتى رەتىندە الماتىدا 1991 جىلى تۋعان ەر ادام ۇستالدى. ول مارقۇم كەزدەسكەن قىزدىڭ اعاسى. كۇدىكتى قارىنداسى مەن ديزاينەردىڭ كەزدەسۋىنە قارسى بولعاندىقتان ونى ۇرىپ-سوعىپ، ولتىرگەنىن مويىنداعان.

ايتا كەتەيىك، 2020 جىلى 18 قازاندا الەۋمەتتىك جەلىلەردە تانىمال قازاقستاندىق ديزاينەر ءسابيت Bisen ومىردەن ءوتتى.

كۋاگەرلەردىڭ ايتۋىنشا، اۋلاداعى جانجالدىڭ سوڭى توبەلەسكە ۇلاسىپ، كوپ ۇزاماي قارسىلاستاردىڭ ءبىرى وقيعا بولعان جەردە قايتىس بولعان.

Abai.kz