بەيسەنبى, 28 ناۋرىز 2024
ەكونوميكا 50127 5 پىكىر 19 اقپان, 2021 ساعات 13:38

21 ملن.گا جۋىق جايىلىمدىق جەر توزىپ كەتكەن

قر سەناتىنىڭ اگرارلىق ماسەلەلەر، تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىندە "جايىلىمدار تۋرالى" قر زاڭىن ىسكە اسىرۋ تۋرالى" تاقىرىبىنا ارنالعان كەڭەيتىلگەن وتىرىس بولدى. 

وتىرىستاعى نەگىزگى ماسەلەنىڭ ءبىرى - وڭىرلەردەگى جايىلىمداردىڭ تاپشىلىعى جانە وسى پروبلەمانىڭ شەشىمىن زاڭنامالىق قامتاماسىز ەتۋ بولدى.

"قازىرگى ۋاقىتتا اۋىلدىق ەلدى مەكەندەردەگى جايىلىمدىق جەرلەردىڭ تاپشىلىعى بارلىق وبلىستاردا بايقالىپ وتىر. مالدىڭ 80%-عا جۋىعى اۋىلدىق ەلدى مەكەندەر ماڭايىندا جانە ونىڭ اينالاسىندا جايىلادى. وسىعان بايلانىستى بۇرىن جەكە قوسالقى شارۋاشىلىقتاردى دامىتۋ ءۇشىن بولىنگەن 21 ملن.گا جۋىق جايىلىمدىق جەرلەر قاتتى توزىپ كەتتى", - دەدى سەناتور سۇلتان دۇيسەمبينوۆ.

دەپۋتاتتىڭ ايتۋىنشا، كەيبىر اۋىل تۇرعىندارى كەزىندە ۇزاق مەرزىمگە اۋقىمدى جەرگە يە بولعانىمەن بۇگىندە ونى پايدالانباي وتىر. ارينە، بۇل جاعداي جەرگىلىكتى تۇرعىنداردىڭ نارازىلىعىن تۋدىرادى. ول سوندىقتان دا وسى باعىتتا قولدانىستاعى زاڭناماعا تۇزەتۋلەر ەنگىزۋ قاجەت دەپ سانايدى.

مەملەكەتتىك ورگانداردىڭ وكىلدەرى وسى باعىتتا جۇرگىزىلىپ جاتقان جۇمىستار تۋرالى ايتا كەلىپ، اۋىل تۇرعىندارى ءۇشىن جايىلىمداردىڭ تاپشىلىعىن وزدەرى دە راستادى.

وتىرىس قورىتىندىسى بويىنشا وعان قاتىسۋشىلار ۇسىنىمدار ازىرلەدى.

"مەن بۇگىن جەرگىلىكتى جەرلەردە "جايىلىم پايدالانۋشىلار بىرلەستىگىن" قۇرۋ قاجەتتىلىگى تۋرالى ايتىلعان ۇسىنىس قولدانىستاعى زاڭناماعا جانە ءبىزدىڭ ەلىمىزدە ىسكە اسىرىلىپ جاتقان ساياساتقا سايكەس كەلەدى دەپ سانايمىن. سونىمەن قاتار، جەكەلەگەن مال يەلەرىنىڭ وسى ۇيىمدارعا مىندەتتى تۇردە كىرۋى جونىندەگى زاڭ نورمالارىن بەلگىلەۋ، سونداي-اق وسىنداي بىرلەستىكتەر مەن جەرگىلىكتى ءوزىن-ءوزى باسقارۋ ورگاندارىنىڭ وكىلەتتىكتەرىن كەڭەيتۋ ماڭىزدى", - دەدى كوميتەت توراعاسى ءالي بەكتاەۆ

سەناتورلار سونىمەن قاتار اۋىل شارۋاشىلىعى مينيسترلىگىنە كەيبىر زاڭنامالىق اكتىلەرگە، ونىڭ ىشىندە جەر كودەكسىنە جايىلىم تاپشىلىعى ماسەلەسىن شەشۋگە ىقپال ەتەتىن تۇزەتۋلەر ەنگىزۋ ماسەلەسىن پىسىقتاۋدى ۇسىندى. ال جەرگىلىكتى اتقارۋشى ورگاندار جايىلىم جەرلەرىن تۇگەندەي وتىرىپ، ءاربىر اۋىلعا قاجەتتى جايىلىمدى انىقتايدى جانە جايىلىم ينفراقۇرىلىمىن دامىتۋ شارالارىن جۇزەگە اسۋىنا باقىلاۋدى كۇشەيتەتىن بولادى.

Abai.kz

5 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3529