جۇما, 29 ناۋرىز 2024
بيلىك 3860 2 پىكىر 12 اقپان, 2021 ساعات 13:56

نىعماتۋلين «نۇر وتاننىڭ» سايلاۋ الدىنداعى مىندەتتەمەلەرى تۋرالى ايتتى

ماجىلىستە پالاتا سپيكەرى، «Nur Otan» پارتياسى پارلامەنتتىك فراكتسياسىنىڭ جەتەكشىسى نۇرلان نىعماتۋليننىڭ توراعالىعىمەن فراكتسيانىڭ كەڭەيتىلگەن وتىرىسى ءوتتى.

وندا ۇكىمەتتىڭ جانە «Nur Otan» پارتياسىنىڭ ماجىلىستەگى فراكتسياسىنىڭ «Nur Otan» پارتياسىنىڭ 2025 جىلعا دەيىنگى «وزگەرىستەر جولى: ءار ازاماتقا لايىقتى ءومىر!» سايلاۋ باعدارلاماسىن ورىنداۋدىڭ جول كارتاسىن ىسكە اسىرۋ جونىندەگى بىرلەسكەن جۇمىسى تۋرالى ايتىلدى.

جيىنعا پرەمەر-مينيستر اسقار مامين، «Nur Otan» پارتياسى توراعاسىنىڭ ءبىرىنشى ورىنباسارى باۋىرجان بايبەك جانە ۇكىمەت مۇشەلەرى قاتىستى.

-پارتيا توراعاسى، ەلباسى نۇرسۇلتان ءابىشۇلى نازارباەۆ اتاپ وتكەندەي، بۇل باعدارلاما وسى جىلداردا جاسالعا رەفورمالاردىڭ زاڭدى  جالعاسى. سونىمەن بىرگە، بۇل قۇجات – بۇكىل ەلىمىزدى جاڭعىرتۋ جانە بارشا قازاقستاندىقتاردىڭ ءومىرىن جاقسارتۋدىڭ  ناقتى جوسپارى، - دەدى ءماجىلىس توراعاسى.

ءماجىلىس سپيكەرى باعدارلامانى ىسكە اسىرۋعا قاجەتتى قاراجاتتاردىڭ كوزدەلگەنىن اتاپ ءوتىپ، دەپۋتاتتار سىرتقى جانە ىشكى ناقتى جاعدايلاردى ەسكەرە وتىرىپ، كەزەكتى رەسپۋبليكالىق بيۋدجەت جوباسىن قاراۋ كەزىندە حالىق الدىنداعى مىندەتتەمەلەردى قارجىلاندىرۋ ءۇشىن قاجەتتى تۇزەتۋلەردى ەنگىزۋگە دايىن ەكەنىن جەتكىزدى.

وتىرىس بارىسىندا، نۇرلان نىعماتۋلين:

«ەلباسىمىزدىڭ «جول كارتاسىن» ازىرلەۋ تۋرالى تاپسىرماسىنا سايكەس، كوپتەگەن جۇمىستار اتقارىلعانىن كورىپ وتىرمىز. وعان فراكتسيا دەپۋتاتتارى دا، ۇكىمەت مۇشەلەرى دە، پارتيا وكىلدەرى دە بەلسەندى قاتىستى. الداعى جوسپارلارىمىز، ماقساتتارىمىز بەلگىلى. ەندى وسى باعىتتا جۇمىسىمىزدى ودان ءارى  جالعاستىراتىن  بولامىز» - دەدى.

«جول كارتاسى» پارتيانىڭ ناقتى ماقساتتارعا باعىتتالعانىن جەتكىزگەن پالاتا سپيكەرى سايلاۋالدى باعدارما حالىقتىڭ بارلىق ساناتىن قامتىعانىن ايتا كەلە:

«سونىمەن بىرگە، الەۋمەتتىك قامتاماسىز ەتۋ، ءبىلىم، دەنساۋلىق، اۋىلشارۋاشىلىعى، ونەركاسىپ، شاعىن جانە ورتا بيزنەستى دامىتۋعا جاڭا قادام   جاسالىندى.  وسى باعدارلامادا وتباسىن، ايەل ازاماتتاردى،  جاستاردى  قولداۋعا دا ەرەكشە كوڭىل ءبولىندى. وسى ماقساتتارعا جەتۋ ءۇشىن «جول كارتاسىنىڭ» ءاربىر تارماعىنىڭ ورىندالۋىن قاتاڭ باقىلاۋ قاجەت.بۇل ەلباسىمىزدىڭ قاڭتاردىڭ ورتاسىندا بىزگە بەرگەن  تاپسىرماسى» - دەدى.

بۇل رەتتە «جول كارتاسىنىڭ» بارلىق باعىتتارى ءماجىلىستىڭ كوميتەتتەرى اراسىندا بولىنگەن. ال «جول كارتاسىنىڭ» ناقتى تارماقتارىنا باقىلاۋدى كۇشەيتۋ ءۇشىن «Nur Otan» فراكتسياسىنىڭ دەپۋتاتتارى بەكىتىلدى. سونىمەن قاتار، دەپۋتاتتار باعدارلاما تارماقتارىنىڭ ورىندالۋى تۋرالى اقپارات بەرۋگە دەربەس جاۋاپتى مەملەكەتتىك ورگانداردان دا انىقتاۋدى ۇسىندى. كەم دەگەندە، بۇل ۆيتسە-مينيستر دەڭگەيىندە بولۋى كەرەك

جيىندى قورىتىندىلاعان ءماجىلىس توراعاسى:

بۇل «جول كارتاسى»  – ءاربىر وبلىستى، ءاربىر اۋداندى ءاربىر اۋىلدى جانە بارلىق حالىقتى قامتيدى. العا قويعان مىندەتتەردى، اشىق، ساپالى، ءتيىمدى ورىنداۋعا كەڭ  جول اشادى. سەبەبى، وندا پارتيامىزدىڭ توراعاسى،  ەلباسىمىز نۇرسۇلتان ءابىشۇلى نازارباەۆتىڭ تاپسىرماسىنا سايكەس، بارلىق سالا بويىنشا، اسىرەسە، الەۋمەتتىك سۇراقتاردى شەشۋدىڭ ناقتى  شارالارى كورسەتىلدى.

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2279
عيبىرات

قايسار رۋحتى عازيز جان

مۇحتار قۇل-مۇحاممەد 3596