دۇيسەنبى, 19 ءساۋىر 2021
1971 1 پىكىر 27 قاڭتار, 2021 ساعات 18:10

شورانوۆ: ۆاكتسيناتسيالاۋ 1 اقپاننان باستالادى

مەملەكەت باسشىسىنىڭ تاپسىرماسى بويىنشا 2021 جىلدىڭ اقپان ايىندا ەلىمىزدە حالىقتىڭ جەكەلەگەن توپتارىن كوروناۆيرۋس ينفەكتسياسىنا قارسى ۆاكتسيناتسيالاۋدى كەزەڭ-كەزەڭىمەن باستاۋ جوسپارلانعان. بۇل تۋرالى بۇگىن ورتالىق كوممۋنيكاتسيالار قىزمەتىن وتكەن بريفينگتە دەنساۋلىق ساقتاۋ ءبىرىنشى ۆيتسە-ءمينيسترى مارات شورانوۆ مالىمدەدى.

«ءبىرىنشى كەزەكتە مەديتسينا قىزمەتكەرلەرى، اسىرەسە جۇقپالى اۋرۋلار اۋرۋحانالارىنىڭ، جەدەل مەديتسينالىق جاردەمنىڭ، سونداي-اق باسقا دا بەيىندەگى قىزمەتكەرلەر اقپاننان باستاپ ەكپە سالسا، پەداگوگتار مەن كۇش قۇرىلىمدارىنىڭ قىزمەتكەرلەرى ناۋرىز ايىندا; ستۋدەنتتەر ساۋىردەن باستاپ، مامىر ايىندا ۆاكتسينا كولەمىنىڭ جەتكىلىكتى بولۋىنا قاراي حالىقتىڭ قالعان كونتينگەنتى قامتىلادى. كۆي قارسى ۆاكتسيناتسيالاۋ 6 ملن. ادامدى قامتي وتىرىپ، اعىمداعى جىلدىڭ سوڭىنا دەيىن جالعاسادى. ۆاكتسيناتسيالاۋعا پروفيلاكتيكالىق ەگۋگە قارسى كورسەتىلىمدەرى جوق ادامدار جىبەرىلەدى»، - دەدى شورانوۆ.

ونىڭ ايتۋىنشا، ۆاكتسيناتسيا جۇرگىزەر الدىندا دەنە تەمپەراتۋراسى ولشەنەدى، ەپيدەميولوگيالىق انامنەزدى جيناۋ، ساتۋراتسيانى، جۇرەك جيىرىلۋىنىڭ جيىلىگىن، ارتەريالىق قىسىمدى ولشەۋ، تىنىس الۋ جانە جۇرەك-قانتامىر جۇيەسىن اۋسكۋلتاتسيالاۋ جانە جۇتقىنشاقتى تەكسەرۋ شارالارى جاسالادى. ەگەر تەمپەراتۋرا 37°C-تان اسسا، ۆاكتسيناتسيا كەيىنگە قالدىرىلادى.

ۆاكتسيناتسيالاناتىن ادام ەگۋدى جۇرگىزۋ الدىندا جازباشا تۇردە ەرىكتى اقپاراتتاندىرىلعان كەلىسىمگە نەمەسە پروفيلاكتيكالىق ەگۋدى جۇرگىزۋدەن باس تارتۋعا قول قويادى.

Abai.kz

1 پىكىر