ەكس-پرەزيدەنت نۇرسۇلتان نازارباەۆتىڭ كەنجە قىزى ءاليا نازارباەۆا سوڭعى ۋاقتا الەۋمەتتىك جەلىلەردە بەلسەندى بولىپ جۇرگەنىن وسىعان دەيىن جازعانبىز. ال وتكەندە نازارباەۆا الەۋمەتتىك جەلىدەگى پاراقشاسىندا كوپشىلىكتىڭ كومەك سۇراپ ءجيى جازاتىنىن ايتىپتى. 

ءۇش كۇن بۇرىن ول وقىرماندارىنىڭ ءبىرى پاتەر الۋ ءۇشىن 15 ملن.تەڭگە قارىز سۇراعانىن جازدى. ال، قارىزدى ءاليا نۇرسۇلتانقىزىنا 60-70 مىڭ تەڭگە جالاقىسىنان قايتارماق بولعان.

الايدا، ءاليا حانىم بارلىق ادامداردىڭ قاجەتى مەن مۇقتاجدىعىن ورىنداي  المايتىنىن، سونداي-اق، تۇرعىن ءۇي ماسەلەلەرىنە، مەملەكەتتىك ورگانداردىڭ ىستەرىنە ارالاسپايتىنىن ايتىپتى. ءوز ءسوزى، قاز-قالپىندا:

«قۇرمەتتى جازىلۋشىلارىم مەن وقىرماندارىم! ماعان كۇندەلىكتى كوپتەگەن ادام كومەك سۇراپ جازادى!
⠀
ءوزىمنىڭ كوزقاراسىمدى ناقتى ايقىنداعىم كەلەدى: مەن بارلىق ادامداردىڭ قاجەتتىلىكتەرى مەن مۇقتاجدىقتارىن ورىنداي المايمىن.
⠀
مەن قوعامدىق ماڭىزى بار نارسەلەرمەن اينالىسامىن، بيزنەس جانە قايىرىمدىلىق جوبالارى بار، بىراق قايىرىمدىلىقتى دا قوردىڭ سايتىندا كورسەتىلگەن شارتتارعا سايكەس كورسەتەمىز!
⠀
ءبىز تۇرعىن ءۇي ماسەلەلەرىن شەشپەيمىز، جۇمىسقا ورنالاستىرمايمىز، مەملەكەتتىك ورگانداردىڭ ىستەرىنە ارالاسپايمىز.
⠀
ەگەر ءسىز ەشكىمنىڭ وتىنىمىنەن باس تارتپاساڭىز، ول يگىلىكتى ىسپەن اينالىساسىز دەگەندى بىلدىرمەيدى! كەيدە باس تارتۋ - ول ءوزىڭنىڭ نيەتتەرىڭە بەرىك بولۋ!
⠀
ال مەنىڭ نيەتتەرىم كۇردەلى ەمەس: ەكولوگيا جانە ءبىلىم جولىندا ەڭبەكتەنۋ!»،- دەپ جازدى ول.

ايتا كەتەيىك، ءاليا نازارباەۆا قىزمەتتىك جولىن پرەزيدەنت اكىمشىلىگىندە كەڭەسشى بولىپ باستاعان. «Caspian Industries Ltd» جشس باس ديرەكتورى، «ەليتستروي» جشس ديرەكتورلار كەڭەسىنىڭ توراعاسى بولىپ جۇمىس ىستەدى. قازاقستانداعى العاشقى كوپفۋنكتسيونالدى «Wellness Club LUXOR» سپورتتىق-ساۋىقتىرۋ كەشەنىنىڭ نەگىزىن قالاۋشى.

2011 جىلى يتالياندىق «Damiani» زەرگەرلىك ۇيىمەن بىرلەسىپ «Alsara» اتتى زەرگەرلىك بۇيىمدار جەلىسىن شىعاردى.

قر قوعام قايراتكەرى، ونەر جانە مادەنيەت سالاسىنداعى مەملەكەتتىك سىيلىقتىڭ لاۋرەاتى دەگەن اتاقتارى تاعى بار.

Abai.kz