جۇما, 29 ناۋرىز 2024
انىق-قانىعى 8926 51 پىكىر 21 قاڭتار, 2021 ساعات 13:07

ناۆالنىي اشكەرەلەگەن زەرتتەۋدەگى بولات زاكاريانوۆ كىم؟

رەسەيدەگى وپپوزيتسيالىق ساياساتكەر الەكسەي ناۆالنىيدىڭ «دۆورەتس دليا پۋتينا» ء(پۋتيننىڭ سارايى) اتتى زەرتتەۋى قازىر تەك رەسەيدىڭ ءوزى ىشىندە عانا ەمەس، بۇرىنعى كەڭەستىك ەلدەر مەن ەۋروپا ەلدەرىندە دە قىزۋ تالقى بولۋدا.

CentralAsia: ناۆالنىي وپۋبليكوۆال راسسلەدوۆانيە و «دۆورتسە پۋتينا». ۆيدەو

1 ساعات 52 مينۋتتان تۇراتىن زەرتتەۋ «الەكسەي ناۆالنىي» You Tube ارناسىندا 19 قاڭتار كۇنى جاريالانعان. كۇنى بۇگىنگە دەيىن ونى 38 ميلليوننان اسا ادام كورىپ، 1 ميلليونعا جۋىق پىكىر جازىلعان.

قوسىمشا اقپارات ءۇشىن: كەشە، 20 قاڭتار كۇنى اتالعان زەرتتەۋدى 27 ميلليون ادام كورگەن بولسا، ءبىر تاۋلىكتە ولاردىڭ سانى 11 ميلليوننان اسىپ جىعىلعان.

زەرتتەۋدى الەكسەي ناۆالنىيدىڭ «جەمقورلىقپەن كۇرەس قورى» (جكق) جاساعان. وندا رەسەيدىڭ كروسنودار ولكەسىنە قارايتىن گەلەندجيك قالاسى ماڭىندا سالىنىپ جاتقان «ءپۋتيننىڭ سارايى» جايلى ەگجەي-تەگجەيلى باياندالادى. دالىرەك ايتقاندا، 20 جىلدان بەرى رەسەي بيلىگىن باسقارىپ وتىرعان ۆلاديمير پۋتين مەن ونىڭ توڭىرەگىنە توپتاسقان بىرقاتار ءداۋ دوكەيلەردىڭ ەسىمدەرى مەن ولاردىڭ پارا بەرۋ سحەماسى جايلى ايتىلادى.

ۆ كرەملە پروكوممەنتيروۆالي فيلم ناۆالنوگو و ”دۆورتسە پۋتينا”: ۆچەرا، 05:21 - نوۆوستي نا Tengrinews.kz

قوسىمشا: ۆلاديمير پۋتين 1999 جىلدىڭ 31 جەلتوقسانىندا ءوز وكىلەتتىگىن مەرزىمىنەن بۇرىن تاپسىرعان بوريس ەلتسيننىڭ ورنىنا پرەزيدەنت مىندەتىن اتقارۋشى بولىپ تاعايىندالعان. ال 2000 جىلدىڭ 7 مامىرىندا ول رەسمي تۇردە رەسەي پرەزيدەنتى اتاندى.

اتالعان زەرتتەۋدە بولات زاكاريانوۆ دەيتىن ەتنيكالىق قازاقتىڭ دا ەسىمى اتالادى. ول تۋرالى الەكەسي ناۆالنىي:  «پۋتين سارايىنا» يەلىك ەتكەن كومپانيانى باسقارعان ادام»، - دەيدى.

روسسيا وتكازالاس ۋچاستۆوۆات ۆ پاسە ۆ سلۋشانياح پو "دەلۋ ناۆالنوگو"

ناۆالنىيدىڭ دەرەگى:

شامالوۆتان كەيىن سارايدى «ينۆەستستروي» دەيتىن كومپانيا باسقارعان. ونىڭ ديرەكتورى بولات زاكاريانوۆ دەيتىن ادام. ال مەنشىك يەسى – تاتيانا كۋزنەتسوۆا مەن يننا كولپاكوۆا دەيتىن ادامدار ەكەن. ولار كىمدەر؟ ولاردىڭ بيوگرافياسىنا كوز جۇگىرتسەڭىز، ولاردىڭ كىم ەكەنىن انىق بىلەسىز.

ءبىر كەزدەگى سارايدى باسقارعان كومپانيانىڭ ديرەكتورى بولعان بولات زاكاريانوۆ قازىر ءپۋتيننىڭ جارلىعىمەن رف پرەزيدەنتىنىڭ ءىس باسقارماسىنا قارايتىن، قوعامدىق تاماقتانۋ باسقارماسىنىڭ باسشىسى لاۋازىمىنا تاعايىندالعان.

گەلەندجيكتەگى جاعالاۋدا 2015 جىلى ءتورت بىردەي ءزاۋلىم ءۇي سالىنعان. وسى ءتورت ءۇيدىڭ ەڭ ۇلكەنى بولات زاكاريانوۆتىڭ ۇلىنا تيەسىلى.


سونىمەن، بولات زاكاريانوۆ دەگەن كىم؟ ونى قازاقستانمەن نە بايلانىستىرادى؟ اتالعان ساۋالعا قازاقستاندىق باق جاۋاپ ىزدەپ، جازىپ جاتىر. ءبىز دە ينتەرنەتتەگى اشىق دەرەككوزدەرىندەگى مالىمەتتەردى ءبىر شولىپ شىقتىق. ەندى سول تۋرالى از-كەم اقپارات...

«پەرسونا رف» دەرەگىنشە، بولات قابىكەنۇلى زاكاريانوۆ 1963 جىلى تۋعان. تۋعان جەرى تسەلينوگراد قالاسى دەپ كورسەتىلگەن. جوعارىدا اتالعان مەكەمەلەردەن بولەك، «دينامو-گەلەندجيك» سپورتتىق-اڭشىلىق» كلۋبىنىڭ نەگىزىن قالاۋشى ەكەن.

بولات زاكاريانوۆتىڭ كرەملدىڭ قوعامدىق تاماقتانۋ باسقارماسىنا باسشى بولىپ تاعايىندالعانى تۋرالى اقپارات سوناۋ 2015 جىلى جاريالانعان (365info.kz).

«ەتنيكالىق قازاق بولات زاكاريانوۆ رف پرەزيدەنتى اكىمشىلىگىنىڭ قوعامدىق تاماقتانۋ باسقارماسىنا باسشى بولىپ تاعايىندالدى. ول بۇعان دەيىن كراسنودار ولكەسىنە قاراستى گەلەندجيك كۋرورتتىق قالاسى دۋماسىنىڭ توراعاسى بولعان. ال سوڭعى ۋاقتا رف پرەزيدەنتى اكىمشىلىگىنە تيەسىلى «رۋبلەۆو-ۋسپەنسكي ساۋىقتىرۋ كەشەنى» فەدەرالدىق مەكەمەسىنىڭ باس ديرەكتورى بولعان»، - دەپ جازعان ەدى.

ونداعى اقپاراتقا سۇيەنسەك، ماسكەۋ ماڭىنداعى پانسيوناتتار مەن ساياجاي كەشەندەرىنىڭ ەڭ جاقسىسى اتالعان باسقارما مەنشىگىنە تيەسىلى ەكەن.

بولات زاكاريانوۆ كەزىندە پەتروپاۆل قالاسىنىڭ اكىمى، پاۆلودار وبلىسى اكىمىنىڭ ورىنباسارى بولعان تولەگەن زاكاريانوۆتىڭ تۋعان باۋىرى ەكەن.

اكەسى قابىكەن زاكاريانوۆ

قابىكەن زاكاريانوۆ «ادىلەت» تۇتىنۋشىلار قۇقىعىن قورعاۋ قوعامى» قب توراعاسى ەكەن. ول تۋرالى «قاجىرلى جان قابىكەن», «دوبرىە دەلا كابىكەنا زاكاريانوۆا» دەگەن اۋانداعى ماتەريالدار جاريالانىپتى. وندا ۇلدارى تۋرالى دا جازىلعان. دالىرەك: «تولەگەننىڭ عىلىمي اتاعى بار، قازىر مەملەكەتىتك قۇرىلىمدا قىزمەت ەتۋدە. بولات رف پرەزيدەنتىنىڭ ءىس باسقارماسىندا باسشى. كىشى ۇلى اباي ماسكەۋدە تۇرادى، بەزنەسمەن»، - دەپ جازىلىپتى.

ۇلى تيمۋر زاكاريانوۆ

تيمۋر بولاتوۆيچ زاكاريانوۆ «ۆوستوك-زاپاد» اڭشىلىق شارۋاشىلىنىڭ باسشىسى، «توپدجەت» اۋە كومپانياسىنىڭ نەگىزىن قالاۋشىلاردىڭ ءبىرى ەكەن.

تولەگەن زاكاريانوۆ ەلورداداعى ەسىل اۋدانىنىڭ اكىمى بولىپ تاعايىندالدى

اعاسى تولەگەن قابىكەنۇلى زاكاريانوۆ

تولەگەن قابىكەنۇلى 1961 جىلى تۋعان. ءبىلىمى – زاڭگەر، قۇقىقتانۋشى، ەكونوميست. ەكونوميكا عىلىمىنىڭ كانديداتى.

ول كوكشەتاۋ قالاسىندا پروكۋراتۋرادا ىستەگەن. بىرنەشە جەكە فيرمادا ديرەكتور بولعان. 2007-2008 جىلدارى قر پرەزيدەنت اكىمشىلىگىندە مەملەكەتتىك باسقىلاۋ باسقارماسىندا مەملەكەتتىك ينسپەكتور، ودان كەيىن، 2008-2010 جىلدارى پاۆلودار وبلىسى اكىمىنىڭ ورىنباسارى، 2013-2014 جىلدارى پەتروپاۆل قالاسىنىڭ اكىمى، 2018-2019 جىلدارى استانا قالاسىنداعى ەسىل اۋدانىنىڭ اكىمى قىزمەتتەرىن اتقارعان. 2020 جىلدان بەرى «پودكورپوراتسيا» ۇك» اق باسقارما مۇشەسى – باسقارۋشى ديرەكتورى.

«ازاتتىق رادوسىنىڭ» اقپاراتىنشا، تولەگەن زاكاريانوۆ 2010 جىلى پاۆلودار وبلىسى اكىمىنىڭ ورىنباسارى بولىپ جۇرگەندە ونىڭ ۇستىنەن «قىزمەتىن اسىرا پايدالاندى»، دەپ قىلمىستىق ءىس قوزعالعان. كەيىن بۇل قىلمىستىق ءىس جابىلىپ، سوسىن قايتا قوزعالىپ، اقىرى زاكاريانوۆ ىسىندە «قىلمىستىق قۇرام جوق»، دەن تانىلعان.

«ازاتتىق راديوسى»: «تولەگەن زاكاريانوۆ قازىر قازاقستاننىڭ «ازىق-تۇلىك كەلىسىم شارت كورپوراتسياسى» ۇلتتىق كومپانياسىن باسقارادى. ءىنىسى اباي زاكاريانوۆ رەسەيدە كاسىپكەر. اشىق دەرەككوزدەرىندەگى ماتىلەمتكە قاراعاندا، ماسكەۋ مەن ماسكەۋ وبلىسىندا اباي زاكاريانوۆتىڭ اتىنا IT, ساۋدا مەن مەديتسينا سالاسىندا جۇمىس ىستەيتىن بىرنەشە كومپانيا تىركەلگەن.

2017 جىلى كەيبىر باسىلىمدار قازاقستاننىڭ ەكس-پرەزيدەنتى نۇرسۇلتان نازارباەۆتىڭ كۇيەۋ بالاسى، ميللياردەر تيمۋر قۇلىباەۆتىڭ ماسكەۋ ىرگەسىندە يلين اۋرۋحاناسىنىڭ 50 پايىزىن ساتىپ العانىن حابارلاعان. «ۆەدوموستي» باسىلىمىنىڭ جازۋىنشا، كەلىسىمگە دەيىن بۇل اۋرۋحانانىڭ جالعىز يەسى اباي زاكاريانوۆ بولعان»، - دەپ جازىپتى.

ال جاڭاعى ناۆالنىي زەرتەتۋىندە اتى اتالاتىن بولات زاكاريانوۆتىڭ رەسەيگە قاشان كوشىپ كەتكەنى تۋرالى ناقتى دەرەكتەر جوق.

Abai.kz

51 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3551