سەيسەنبى, 9 ناۋرىز 2021
دابىل 3177 15 پىكىر 21 قاڭتار, 2021 ساعات 11:52

رەسەيلىك كومپانيانىڭ كەسىرىنەن نان قىمباتتادى

وسى اپتاداعى ەڭ شۋلى وقيعا قازاق ەلىندەگى ۇن مەن نانىڭ ءجون-جوسىقسىز قىمباتتۋى بولدى. بۇل تۋرالى وتاندىق مەديا باسىلىم ElDala.kz ءمالىم ەتتى. 

ءيا، نانىڭ قىمباتتاۋىنا ءوزىمىز كىنالىمىز ەكونوميكالىق ءام ستراتەگيالىق ماڭىزى بار تىزگىندى رەسەيلىك استىق تاسۋ وپەراتورى «رۋساگروترانس» كومپانياسىنىڭ قولىنا بەرىپ قويۋىمىزدان بولىپ وتىر. «رۋساگروترانس» كومپانياسىنىڭ تاسىمال ءتاريفىن كوتەرۋىنە شىداماعان تۇركىستان وبلىسى مەن شىمكەنتتىڭ 15 ءىرى ۇن ونىمدەرىن وندىرەتىن كاسىپورىنداردىڭ باسشىلىعى قالىپتاسىپ وتىرعان جاعادايعا بايلانىستى قر پرەزيدەنتىنىڭ اكىمشىلىگى مەن انتيمونوپوليالىق كوميتەتكە ءوز نارازىلىعىن جولداماقشى.

ولاردىڭ پىكىرىنشە، بۇل ارەكەت ەڭ اۋەلى شيكىزاتتىڭ قىمباتتاۋىنا، ودان كەيىن الەۋمەتتىك ماڭىزى بار تاۋارالار ۇن مەن ناننىڭ قىمباتتاۋىنا اكەپ سوقتىرادى. ەلىمىزدىڭ وڭتۇستىك ايماقتارى ىشكى نارىعىمىزداعى ەڭ ءىرى ۇن ونىمدەرىن وڭدەۋشى جانە تۇتىنۋشى بولىپ تابىلادى. ال، استىق تەك سولتۇستىك ايماقتاردا عانا ەگىلەتىندىگى بەلگىلى. ەندى ونىڭ تاسىمالىنا يەلىك ەتەتىن رەسەيلىك استىق تاسۋ وپەراتورى «رۋساگروترانس» كومپانياسىن تاۋبەسىنە كەلتىرەتىن ءبىر قادام بيلىك تاراپىنان جاسالىنا ما جوق پا، وسى جۇرتتىڭ ءبارىن وسى ماسەلە الاڭداتۋدا.

2017 جىلدىڭ قاڭتارىنان باستاپ، جىلدىق تاسىلىنىمى 6,5 مىڭ ۆاگوننان تۇراتىن تاسىمال قۇقىعىنا يە «استىق ترانس» كومپانياسى «رۋساگروترانس» اق  قاراۋىنا 100% ءوتىپ كەتتى دە، ەلىمىزدە ناننىڭ ۇزدىك قىمباتتاۋى تۇراقتى ورىن الاتىن قۇبىلىسقا اينالدى. سودان بەرى اتى –  قازاق، زاتى – رەسەيلىك كومپانيا ۇنەمى الەۋمەتتىك ماڭىزى بار تاۋارالار ۇن مەن ناننىڭ قىمباتتاۋىن توقتاتار ەمەس. 

«داني-نان» حولدينگىنىڭ باس ديرەكتورى گايبيللا ەرمەتوۆتىڭ ايتۋىنشا 2020 جىلدىڭ قىركۇيەگى مەن جەلتوقسانى اراسىندا «استىق ترانس» ءتاريفتى ءۇش رەت كوتەرگەن. ەندى ول بۇنىمەن توقتالىپ قالماي تاسىمال ءتاريفىن 11%-عا كوتەرىپ وتىر. سونداعى ايتار سىلتاۋلارى ۆاگونداردىڭ جوندەۋى مەن تەحنيكالىق قىزمەتىنە كەتەتىن شىعىنداردىڭ ءوسىپ كەتكەندىگى. 

جانە وسى تاسىمالداعى كەدەرگىنىڭ ءبىرى «قتج» ساپاسىز تەمىر جول تاسىمالى قىزمەتىن كورسەتۋى دە وڭتۇستىكتەگى 15 مىڭنان استام ۇن وندىرۋشىلەرىنىڭ باس اۋرۋىنا اينالعاندىعىن دا ايتا كەتكەنىمىز ءجون. ۆاگونعا تيەلەگەن ءونىمىنىڭ تەمىرجول بەكەتتەرنىڭ تۇيىعىندا ىركىلىپ تۇرىپ قالۋىنا تاعىدا ايىپپۇل تولەيتىن وڭتۇستىكتەگى ۇن وندىرۋشىلەر بولىپ شىعا كەلەدى. ال، «استىق ترانس» پەن «قتج» سۇتتەن اق، سۋدان تازا ءوز كىنالەرىن مويىنان ەش المايدى. 

بۇرىن ءبىر ۆاگون نۇر-سۇلتاننان شىمكەنتكە دەيىن 450 مىڭ تەڭگە تۇرسا، ەندى «استىق ترانس» پەن «قتج» جاۋاپسىزدىقتارى كەسىرىنەن 520 مىڭ تەڭگەگە جەتىپ وتىر. وڭتۇستىككە جول تارتاتىن ءار 200 ۆاگونعا وڭتۇستىكتەگى اعايىندار ۇستىنەن 12 ملن تەڭگە تولەپ وتىرعان جايى بار. 

ەندى بەتىمەن كەتكەن «استىق ترانس» پەن «قتج» اۋىزدىقتايتىن نە بيلىكتەن، نە دەپۋتاتتاردان ءبىر جان تابىلا جوق پا!؟

ءابىل-سەرىك الياكبار

Abai.kz

15 پىكىر