بەيسەنبى, 28 ناۋرىز 2024
ساڭلاق 5267 0 پىكىر 19 قاڭتار, 2021 ساعات 12:13

حوككەيدەن الەم چەمپيوناتى مينسكىدە وتپەيتىن بولدى

شايبالى حوككەيدەن بيىلعى ەرلەر اراسىنداعى الەم چەمپيوناتى "قاۋىپسىزدىك ماسەلەلەرى تۋىنداعاندىقتان" بەلارۋس استاناسى مينسكىدە وتپەيتىن بولدى. بۇل شەشىمدى 18 قاڭتاردا حالىقارالىق حوككەي فەدەراتسياسى (IIHF) جاريالادى.

"IIHF كەڭەسى بەلارۋستە قازىر كوماندالاردىڭ، جانكۇيەرلەردىڭ جانە رەسمي تۇلعالاردىڭ قاۋىپسىزدىگىن قامتاماسىز ەتۋ مۇمكىن ەمەس دەپ شەشتى" دەپ جازىلعان فەدەراتسياسىنىڭ رەسمي مالىمدەمەسىندە.

حوككەيدەن الەم چەمپيوناتى 21 مامىر – 6 ماۋسىمدا مينسك پەن لاتۆيا استاناسى ريگادا ءوتۋى ءتيىس ەدى. بىراق IIHF بەلارۋستە جۇرت الەكساندر لۋكاشەنكو بيلىگىنە نارازىلىعى توقتاماي، پوليتسيا بەيبىت ميتينگىگە شىققاندارعا كۇش قولدانعان سوڭ چەمپيوناتتى مينسكىدە وتكىزبەۋ ماسەلەسىن قاراستىرا باستاعان.

بۇدان بولەك IIHF بەلارۋستىڭ كوروناۆيرۋستى باقىلاۋدا ۇستاۋ قاۋقارىنا دا كۇمان كەلتىرگەن.

الەم چەمپيوناتى لاتۆيادا عانا وتە مە الدە باسقا ەل تاڭدالا ما، ول جاعى ءالى بەلگىسىز. حالىقارالىق حوككەي فەدەراتسياسى مۇنى جاقىن كۇندەرى شەشپەك.

بۇل الەم چەمپيوناتىنا قازاقستان قۇراماسى دا قاتىسۋى ءتيىس. قازاقستان كانادا، فينليانديا، اقش، گەرمانيا، لاتۆيا، نورۆەگيا، يتاليامەن ءبىر توپتا وينايدى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3508