بەيسەنبى, 28 ناۋرىز 2024
2618 2 پىكىر 19 قاڭتار, 2021 ساعات 12:05

رەسەي سوتى ناۆالنىيدى 30 كۇنگە قامادى

18 قاڭتاردا رەسەي سوتى فەدەرالدى قىزمەتتىڭ سۇراۋى بويىنشا وپپوزيتسيالىق ساياساتكەر الەكسەي ناۆالنىيدى 30 كۇنگە قاماۋعا الدى. بۇل تۋرالى ونىڭ ادۆوكاتى ۆاديم كوبزەۆ حابارلادى.

ناۆالنىي 17 قاڭتاردا گەرمانيادان رەسەيگە ورالعان ەدى. پوليتسيا ونى ماسكەۋدەگى شەرەمەتەۆو اۋەجايىنان الىپ كەتكەن.

سوت ناۆالنىي جەتكىزىلگەن حيمكيدەگى ىشكى ىستەر ورگانىنىڭ عيماراتىندا ءوتتى. سوت جايلى ناۆالنىي مەن ادۆوكاتىنا الدىن الا حابارلانباعان. ادۆوكاتتارىن سوتقا عانا جىبەردى.

ىشكى ىستەر مينيسترلىگىنىڭ ماسكەۋ وبلىسى بويىنشا باسقارماسى سوتتىڭ ىشكى ىستەر ورگانى عيماراتىندا ءوتۋىن ناۆالنىيدىڭ كوروناۆيرۋس تەستىنىڭ ناتيجەسى جوقتىعىمەن بايلانىستىردى. قازىرگى ەرەجە بويىنشا، رەسەيگە شەتەلدەن كەلگەندەر 72 ساعاتتان تەست تاپسىرۋى ءتيىس.

سوت وتكەن ورگان عيماراتى الدىنا ناۆالنىيدىڭ جۇزدەگەن جاقتاسى جينالدى. سوت اشىق وتسە دە، جۋرناليستەردى كىرگىزبەدى. زالعا تەك Life پەن "روسسيا" ارناسىنىڭ ءتۇسىرۋ توبى كىردى.

ناۆالنىي بۇل ارەكەتتى "باسسىزدىق" دەپ مالىمدەدى.

- ناۆالنىي كەشە، 17 قاڭتاردا گەرمانيادان ماسكەۋگە ۇشىپ كەلگەن. ول تامىزدان بەرى بەرليندە ەمدەلگەن. رەسەي بيلىگى 29 جەلتوقساندا ناۆالنىيگە پوليتسياعا كەلىپ بەلگىلەنبەدى دەپ ىزدەۋ جاريالاعان. ناۆالنىيدىڭ شارتتى جازا بويىنشا سىناق مەرزىمى 30 جەلتوقساندا بىتكەن. وپپوزيتسيونەر بۇرىن رەسەيدە بىرنەشە رەت شارتتى جازاعا كەسىلگەن.

- باتىس باسشىلارى مەن قۇقىق قورعاۋشىلار ناۆالنىيدىڭ ۇستالۋىن سىنادى. "مەموريال" قۇقىق قورعاۋ ورتالىعى مەن Amnesty International ونى "ساياسي تۇتقىن" دەپ تانىعان. ناۆالنىيدىڭ ءوزى قۋدالانۋىنىڭ ساياسي استارى بار دەيدى.

- ناۆالنىي 20 تامىزدا ۋلانىپ، كوماعا تۇسكەن. ول گەرمانياعا جەتكىزىلىپ، سول جاقتا ەمدەلگەن. ناۆالنىي ۇستالاتىنىن بىلە تۇرا ماسكەۋگە ورالدى. ناۆالنىي ۋلانۋىنا رەسەي بيلىگىنىڭ قاتىسى بار دەپ سانايدى.

- 17 قاڭتاردا ناۆالنىي مىنگەن ۇشاق ماسكەۋدەگى ۆنۋكوۆو اۋەجايىنا قونۋى ءتيىس ەدى. بىراق ۇشاق شەرەمەتەۆو اۋەجايىنا قوندى. سول جەردە پوليتسيا ونى ۇستاپ اكەتتى.

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2250
عيبىرات

قايسار رۋحتى عازيز جان

مۇحتار قۇل-مۇحاممەد 3503