ديماش قۇدايبەرگەن اقش پرەزيدەنتى دجوزەف بايدەننىڭ يناۋگۋراتسياسىن تويلاۋ اپتالىعىنىڭ اشىلۋ سالتاناتىنا قاتىستى.

ديماش قازاقتىڭ «سامالتاۋ» ءانىن ورىندادى.

ءداستۇر بويىنشا بۇل ءىس-شارانى باۋىرلاس قالالار اسسوتسياتسياسى – «Sister Cities International» ۇيىمى وتكىزەدى. كوروناۆيرۋس پاندەمياسىنا بايلانىستى بيىل شارا ونلاين-رەجيمدە ءوتتى.

مەرەكەدە بەلگىلى سپيكەرلەر مەن ورىنداۋشىلار ءسوز سويلەدى. ولاردىڭ ىشىندە: گۋبەرناتور بيلل انابۋتتي، دجوزەفينا بيۆەرس، گەنەرال-مايور ارماندو كابادا، كونگرەسسمەن ەلەونورا حولمس نورتون، مايور تيم كەللەر، سەناتور بوب مەنەندەز، اقش تەڭىز وركەسترى، كەرول روبەرتسون لوپەز جانە تاعى باسقالار بار.

ديماش SCI وكىلدەرىنە شاقىرعاندارى ءۇشىن العىسىن ءبىلدىردى.

Sister Cities International باس ديرەكتورى لەروي اللالا ءوز كەزەگىندە قازاقستاندىق ورىنداۋشىنىڭ شىعارماشىلىعى ادامداردى، ولاردىڭ مادەنيەتى مەن ءتىلىن بىرىكتىرەتىنىن اتاپ ءوتتى. مۇنىڭ ءبارى پرەزيدەنت ەيزەنحاۋەردىڭ ەلدەر اراسىندا بەيبىت قارىم-قاتىناس ورناتۋ تۋرالى كوزقاراسىنىڭ اجىراماس بولىگى.

سونىمەن قاتار ديماشتىڭ 20 قاڭتاردا Sister Cities International رەسمي سايتىندا تاعى ءبىر ءان ورىنداۋى كورسەتىلەتىندىگى جاريالاندى. ءبىر اپتاعا سوزىلاتىن مەرەكەلەردىڭ ورتاسىندا DimashNews رەداكتسياسى SCI باس ديرەكتورى لەرو اللالمەن كەزدەسۋگە مۇمكىندىك بەردى، ونىڭ ۇيىمى وتكىزەتىن سالتاناتتى ءىس-شارا تۋرالى كوبىرەك بىلۋگە مۇمكىندىك الدى.

ۆاشينگتوندا ورنالاسقان «Sister Cities International» حالىقارالىق ۇكىمەتتىك ەمەس ۇيىمىنىڭ نەگىزىن 1953 جىلى اقش-تىڭ 34-پرەزيدەنتى دۋايت ەيزەنحاۋەر قالاعان.

70-جىلعا جۋىق تاريحىندا «Sister Cities International» اقش قالالارى جانە ونىڭ 130-دان اسا مەملەكەتتەردەگى باۋىرلاس قالالارىنىڭ ءوزارا ارەكەتتەسۋىنە بايلانىستى كوپتەگەن ءىس-شارالاردى وتكىزدى.

Abai.kz